ສື່ມວນຊົນເກົາຫລີໃຕ້ກ່າວວ່າ ທ່ານກິມຈົງອີລ ຜູ້ນຳເກົາຫລີເໜືອອາດ ໄດ້ເດີນທາງໄປຍັງປະເທດຈີນ ຊຶ່ງເປັນການເດີນທາງໄປຕ່າງປະເທດທີ່
ບໍ່ສູ້ມີຂຶ້ນນັ້ນ. ອົງການຂ່າວ Yonhap ລາຍງານຂ່າວໃນວັນຈັນມື້ນີ້ວ່າ ລົດໄຟຫຸ້ມເກາະພິເສດຂະບວນນຶ່ງໄດ້ແລ່ນໄປຮອດເມືອງຊາຍແດນ
Dandong ຂອງຈີນ. ໃນລາຍງານຂ່າວທີ່ລະອຽດນັ້ນYonhap ກ່າວວ່າທ່ານຄິມຈະໄປນອນພັກແຮມຄືນຢູ່ເມືອງ Dalian ກ່ອນຈະເດີນທາງຕໍ່ໄປຍັງນະຄອນຫລວງປັກກິ່ງ.
ອົງການຂ່າວ Yonhap ກ່າວວ່າ ພວກເຈົ້າໜ້າທ່ີຮັກສາຄວາມປອດໄພຂອງຈີນຫລາຍຮ້ອຍຄົນໄດ້ປິດລ້ອມບໍລິເວນອ້ອມສະຖານີລົດໄຟ
ໃນເມືອງ Dandong ນັ້ນໄວ້ ເປັນເວລາຫລາຍຊົ່ວໂມງໃນຕອນເຊົ້າມືດວັນຈັນມື້ນີ້. Yonhap ໄດ້ອອກລາຍງານຂ່າວໃນທຳນອງດຽວກັນນີ້ເມື່ອຫລາຍສັບປະດາຜ່ານມາ ເວົ້າວ່າທ່ານກິມອາດໄດ້ໄປຢ້ຽມຢາມຈີນນັ້ນ ແຕ່ໃນທີ່ສຸດກໍມີການພິສູດວ່າຂ່າວນັ້ນບໍ່ເປັນມູນຄວາມຈິງ.
ຍັງບໍ່ມີການຢືນຢັນຢ່າງເປັນທາງການໃດໆ ຈາກກະຊວງການຕ່າງປະເທດຈີນ ຫລືວ່າສະຖານທູດເກົາຫລີເໜືອທີ່ປັກກິ່ງ ເນື່ອງຈາກວ່າວັນຈັນ
ມື້ນີ້ ເປັນວັນພັກຢູ່ໃນປະເທດຈີນ.
ຖ້າມີການຢືນຢັນ ກໍໝາຍຄວາມວ່າ ການເດີນທາງຄັ້ງນີ້ຈະເປັນການ ຢ້ຽມຢາມຈີນຄັ້ງທຳອິດຂອງຜູ້ນຳເກົາຫລີເໜືອ ນັບແຕ່ປີ2006 ເປັນຕົ້ນມາ.
