ລິ້ງ ສຳຫລັບເຂົ້າຫາ

ສະຫະລັດໂອ້ລົມກັບ ເກົາຫຼີເໜືອ ກ່ຽວກັບ ການຊ່ອຍເຫຼືອອາຫານ

  • ສິງ ບູຣົມມະວົງ

ປະຊາຊົນພາກັນເຮັດໄຮ່ເຮັດນາຢູ່ນອກເມືອງ Kaesong, ເກົາຫຼີເໜືອ ຊຶ່ງປະສົບກັບຝົນຕົກໜັກ ແລະອາກາດ ໜາວຜິດປົກກະຕິ ໃນຮອບ 60 ປີ ຊຶ່ງຍັງຜົນເຮັດໃຫ້ປະເທດ ຂາດແຄນເຂົ້າປາອາຫານ ມາໂດຍຕະຫຼອດ. ວັນທີ 7 ມີນາ 2012.

ທູດ​ພິ​ເສດ​ຂອງ​ສະຫະລັດ 2 ທ່ານ​ກໍາລັງ​ຢູ່​ໃນ​ກຸງ​ປັກ​ກິ່ງ​ເພື່ອ​ທໍາ​ການໂອ້​ລົມ​ສົນທະນາ​ກັນ​
ກັບ​ເກົາຫລີ​ເໜືອ​ກ່ຽວ​ກັບ​ລາຍ​ລະອຽດ​ຕ່າງໆ​ຂອງແຜນການ​ທີ່​ຈະ​ສົ່ງການຊ່ອຍ​ເຫຼືອດ້ານ
ເຂົ້າປາ​ອາຫານ​ຂອງ​ສະຫະລັດ ຈໍານວນ 240 ພັນ​ໂຕນ​ໄປ​ໃຫ້​ປະ​ເທດ​ຄອມ​ມີ​ວນິດ​ແຫ່ງ​ນີ້.

ທູດພິເສດຂອງສະຫະລັດ ສໍາລັບບັນກາສິດທິມະນຸດຂອງເກົາຫລີເໜືອ ທ່ານ Robert King, ຂວາ, ກັບເຈົ້າໜ້າທີ່ອົງການ U.S.A.I.D ທ່ານ Jon Brause, ຊ້າຍ, ໃຫ້ສໍາພາດຂ່າວ ກ່ອນອອກໄປປະຊຸມກັບຝ່າຍ ເກົາຫລີເໜືອ ທີ່ນະຄອນຫລວງປັກກິ່ງ, ວັນທີ 7 ມີນາ 2012. (AP Photo/Ng Han Guan)
ທູດພິເສດຂອງສະຫະລັດ ສໍາລັບບັນກາສິດທິມະນຸດຂອງເກົາຫລີເໜືອ ທ່ານ Robert King, ຂວາ, ກັບເຈົ້າໜ້າທີ່ອົງການ U.S.A.I.D ທ່ານ Jon Brause, ຊ້າຍ, ໃຫ້ສໍາພາດຂ່າວ ກ່ອນອອກໄປປະຊຸມກັບຝ່າຍ ເກົາຫລີເໜືອ ທີ່ນະຄອນຫລວງປັກກິ່ງ, ວັນທີ 7 ມີນາ 2012. (AP Photo/Ng Han Guan)

ທ່ານ Robert King ທູດ​ພິ​ເສດ
ດ້ານ​ສິດທິ​ມະນຸດ​ໃນ​ເກົາຫຼີ​ເໜືອ
ກ່າວກ່ອນ​ໜ້າການ​ໂອ້ລົມສົນທະ
ນາ​ກັນໃນ​ວັນ​ພຸດ​ມື້​ນີ້ວ່າ ​ໂຄງ
ການ​ຊ່ອຍເຫຼືອອາຫານເປັນ
​ໂຄງການ​ທີ່​ສະ​ລັບ​ຊັບຊ້ອນ​ແລະ
​ທ່ານ​ກ່າວ​ຕໍ່​ໄປ​ວ່າ ການ​ໂອ້​ລົມ
​ສົນທະ​ນາ​ກັນ​ນີ້​ມີ​ວັດຖຸ​ປະສົງ
​ເພື່ອ​ໃຫ້​ໝັ້ນ​ໃຈ​ວ່າການ​ຊ່ອຍ
​ເຫຼືອ​ທີ່​ວ່າ​ນີ້ຈະໄປ​ຮອດ​ໄປ​ເຖິງ​
ພວກ​ທີ່​ຕ້ອງການ​ການ​ຊ່ອຍ
​ເຫຼືອຫຼາຍ​ທີ່​ສຸດ​ນັ້ນ.

ການ​ໂອ້​ລົມ​ກັນ​ນີ້​ສາມາດ​ແຜ້ວ
​ທາງ​ສໍາລັບ​ການ​ຊ່ອຍ​ເຫຼືອ​ເຂົ້າ
ປາ​ອາຫານ​ຂອງ​ສະຫະລັດ​ຄັ້ງ​
ທໍາ​ອິດ ​ໄປ​ໃຫ້​ເກົາຫຼີ​ເໜືອ​ໃນ
​ໄລຍະ 3 ປີຜ່ານມາ. ລັດຖະ
ບານ​ກຸງ​ວໍ​ຊິງ​ຕັນ ​ໄດ້​ໂຈະ​ໃຫ້
ການ​ຊ່ອຍ​ເຫຼືອ​ຂອງຕົນ​ໄວ້​ໃນ
​ປີ 2009 ຫລັງ​ຈາກ​ກຸງ​ພຽງ
​ຢ້າງ ​ຂັບໄລ່​ພວກ​ຕິດຕາມ
ເບິ່ງ​ການ​ຊ່ອຍ​ເຫຼືອ​ສະຫະລັດ​
ອອກ​ຈາກ​ປະ​ເທດ​ທ່າມກາງ​
ຄວາມ​ເປັນ​ຫ່ວງ​ເປັນ​ໄຍວ່າ ​
ເຂົ້າປາ​ອາຫານ​ທີ່​ສະຫະລັດ​ຊ່ອຍ ​ໄດ້ຖືກ​ແຍກ​ອອກ​ໄປໃຫ້ກອງທັບ​ຫລືພວກ​ຫົວ​ກະທິ ​ໃນ​ວົງ​ການ​ເມືອງ​ນັ້ນ.

XS
SM
MD
LG