ເກົາຫລີເໜືອກ່າວວ່າ ພົນລະເມືອງສະຫະລັດຄົນນຶ່ງທີ່ຖືກ
ຈັບກຸມຍອມຮັບສາລະພາບວ່າຕົນໄດ້ກໍ່ອາຊະຍາກໍາທີ່ບໍ່
ລະບຸໃຫ້ຮູ້ຢ່າງເຈາະຈົງຕໍ່ຕ້ານຄອມມີວນິດເກົາຫລີທີ່ຢູ່
ຢ່າງໂດດດ່ຽວນັ້ນ.
ອົງການຂ່າວທາງການເກົາຫລີເໜືອຫຼື KCNA ກ່າວວ່າ ຜູ້ທີ່ຖືກຈັບກຸມຊື່ວ່າ Jun Young
Su ຍອມຮັບວ່າ ຕົນໄດ້ກໍ່ອາຊະຍາກໍາຂຶ້ນໃນເວລາບໍ່ດົນ ຫລັງຈາກເຂົ້າໄປໃນປະເທດໃນ
ເດືອນພະຈິກປີແລ້ວນີ້. ອົງການຂ່າວ KCNA ກ່າວວ່າ ໄດ້ມີການແຈ້ງໃຫ້ສະຫະລັດຊາບ
ແລ້ວກ່ຽວກັບການຈັບກຸມນາຍ Jun Young Su ນີ້ ແລະທາງການເກົາຫລີເໜືອໄດ້ອະນຸ
ຍາດໃຫ້ຜູ້ກ່ຽວຕິດຕໍ່ຫາກົງສູນໂດຍຜ່ານສະ ຖານທູດ Sweden ຊຶ່ງເປັນຜູ້ຕາງໜ້າຜົນປະ
ໂຫຍດຂອງສະຫະລັດໃນເກົາຫລີເໜືອນັ້ນ.
ອົງການຂ່າວ Yonhap ຂອງເກົາຫລີໃຕ້ອ້າງຄໍາເວົ້າຈາກແຫລ່ງຂ່າວທີ່ກຸງວໍຊິງຕັນວ່າ ນາຍ
Su ໄດ້ຖືກກ່າວຫາຖານເຂົ້າປະກອບສ່ວນໃນກິດຈະກໍາທາງສາສະໜາທີ່ບໍ່ໄດ້ຮັບອະນຸຍາດ
ຈາກທາງການໃນເກົາຫລີເໜືອ. ອົງການຂ່າວ Yonhap ເວົ້າວ່າ ນາຍ Jun Young Su
ເປັນນັກທຸລະກິດທີ່ໄປໂບດແຫ່ງນຶ່ງໃນເຂດນະຄອນ Los Angeles ໃນລັດ California.
ກະຊວງການຕ່າງປະເທດສະຫະລັດໄດ້ຮຽກຮ້ອງໃຫ້ອໍານາດປົກຄອງເກົາຫລີເໜືອປ່ອຍໂຕ
ນາຍ Jun ເພື່ອເຫັນແກ່ມະນຸດສະທໍາ.
