ການຍິງ ຈະຫຼວດ ຂອງ ເກົາຫຼີເໜືອ ອາດຈະ ມີການຊັກຊ້າ

ສະຖາບັນດ້ານນະໂຍບາຍຂອງອາເມຣິກັນສະຖາບັນນຶ່ງກ່າວວ່າ ການກະກຽມກ່ຽວກັບແຜນການຍິງຈະຫຼວດຂອງເກົາຫຼີເໜືອອາດ
ຈະມີການຊັກຊ້າຍ້ອນຫິມະຕົກໜັກ.

ສະຖາບັນສະຫະລັດເກົາຫຼີ ທີ່ມະຫາວິທະຍາໄລ Johns Hopkin
ກ່າວໃນວັນສຸກມື້ນີ້ວ່າ ຮູບຖ່າຍໃໝ່ທາງດາວທຽມສະແດງໃຫ້ເຫັນ
ວ່າ ການກະກຽມ ທີ່ຖານສົ່ງດາວທຽມ Sohai ໄດ້ດຳເນີນໄປແບບ
ຊ້າໆກວ່າທີ່ມີການລາຍງານກ່ອນໜ້ານີ້.

ທ່ານ Nick Hansen ນັກຊ່ຽວຊານດ້ານການວິເຄາະພາບຖ່າຍ ຂຽນລົງໃນບົດລາຍງານທາງເວັບໄຊທ໌ ຂອງສະຖາບັນ 38 ເໜືອ
ນັ້ນວ່າຮູບພາບທີ່ຖ່າຍໃນວັນອັງຄານຜ່ານມາສະແດງໃຫ້ເຫັນວ່າ ບໍ່ມີຮ່ອງຮອຍຫຍັງຢູ່ໃນຫິມະທີ່ຕົກໜັກ ຢູ່ທີ່ຖານສົ່ງດັ່ງກ່າວ.

ແຕ່ແນວໃດກໍຕາມ ທ່ານ Hansen ກ່າວວ່າ ເຖິງແມ່ນໄດ້ມີການຊັກຊ້າຍ້ອນສະພາບດິນ ຟ້າອາກາດກໍຈິງ ແຕ່ເກົາຫຼີເໜືອກໍຈະສຳເລັດເສັດສິ້ນການກະກຽມ ທັນຕາມໝາຍກຳນົດ ການ.