ປະຊາຊົນເກົາຫລີເໜືອໃຫ້ຄໍາປະຕິຍານເຖິງຄວາມຈົງຮັກພັກດີຂອງເຂົາເຈົ້າຕໍ່ອໍານາດປົກຄອງຂອງຜູ້ນໍາຄົນໃໝ່ ທ່ານກິມຈົງອູນ.
ປະຊາຊົນປະມານ 1 ແສນຄົນພາກັນໂຮມຊຸມນຸມກັນທີ່ຈັດຕຸລັດ Kim Il Sung ໃນກຸງພຽງຢ້າງໃນວັນອັງຄານມື້ນີ້ພາຍໃຕ້ທ້ອງຟ້າມືດມົວ ແລະຫິມະຕົກ ເພື່ອຟັງຄໍາປາໄສຂອງບັນດາເຈົ້າໜ້າທີ່ພັກທີ່ປົກຄອງ ປະເທດທີ່ກ່າວຄຳປາໄສ ກ່ຽວກັບອະນາຄົດຂອງເກົາຫລີເໜືອ ແລະຮຽກຮ້ອງໃຫ້ການສະໜັບສະໜຸນແກ່ທ່ານກິມຈົງອູນ ລູກຊາຍຫລ້າທີ່ຂຶ້ນຄອງອໍານາດແທນບິດາຂອງທ່ານ ຄືທ່ານກິມຈົງອີລ ທີ່ໄດ້ເຖິງແກ່ມໍລະນະກໍາໄປໃນເດືອນແລ້ວນີ້.
ທ່ານກິມຈົງອູນ ບໍ່ໄດ້ໄປມີໜ້າຢູ່ໃນທີ່ຊຸມນຸມຊົນນັ້ນ.
