ຜູ້ບັນຊາການ ທະຫານສູງສຸດ ເກົາຫຼີເໜືອ ຖືກປົດຈາກຕໍາແໜ່ງ

ສື່​ມ​ວນຊົນ​ເກົາຫຼີ​ເໜືອລາຍ​ງານ​ວ່າ ຫົວໜ້າ​ກອງ​ທັບ ​ແລະ​ເປັນ​ທີ່​ປຶກສາ​ທີ່​ໃກ້ຊິດ​ກັບ​ຜູ້​ນໍາ Kim Jong-un ​ໄດ້​ຖືກ​ປົດ​ອອກ​ຈາກ​ຕໍາ​ແໜ່​ງທັງໝົດ​ຍ້ອນ​ຄວາມ​ເຈັບ​ປ່ວຍ.

ອົງການ​ຂ່າວ​ກາງທາງ​ການ​ເກົາຫຼີ ​ເວົ້າວ່າ ກອງ​ປະຊຸມ​ບັ້ນ​ນຶ່ງ​ຂອງ​ພັກ​ຂອງສໍານັກງານ​ການ​ເມືອງຂອງ​ກໍາມະບານ​ ​ເມື່ອ​ວັນ​ອາທິດ​ວານ​ນີ້ ໄດ້ຕັດສິນ​ໃຈ​ປົດ​ເປື້ອງ ທ່ານ Ri Yong-ho ອາຍຸ 69 ປີ​ ອອກ​ຈາກ​ຕໍາ​ແໜ່​ງການ​ເມືອງທັງ​ໝົດ ຊຶ່ງ​ເວລາ​ນີ້​ບໍ່ມີ​ລາຍ​ລະອຽດ​ໃດໆທີ່​ວ່າ​ທ່ານຣີ ໄດ້ສູນ​ເສຍຕໍາ​ແໜ່​ງຜູ້​ບັນຊາ​ການ​ທະຫານ​ສູງ​ສຸດນຳຫຼືບໍ່.

ປົກກະຕິ​ແລ້ວ ທ່ານ ຣີ ຈະ​ປາກົດ​ຕົວ​ຢູ່​ຄຽງ​ຂ້າງ​ກັບ​ຜູ້​ນໍາ Kim Jong-un ​ໃນ​ລະຫວ່າງ​ການ​ຢ້ຽມ​ຢາມ​ກອງທັບ​ຂອງ​ຜູ້​ນໍາ​ໜຸ່ມ ​ແລະ​ໃນໂອກາດທາງການອື່່ນໆສ່ວນຫຼາຍ.