ທ່ານກິມຈົງອີນ ຜູ້ນຳເກົາຫລີເໜືອໄດ້ໄປຮ່ວມກອງປະຊຸມສະພາ ແຫ່ງຊາດ ນັດທີສອງຂອງປີຊຶ່ງບໍ່ສູ້ມີຂຶ້ນນັ້ນໃນວັນຈັນມື້ນີ້ ທ່ີ ພົວພັນກັບການຊັບຊ້ອນຄະນະນຳພາຄັ້ງໃຫຍ່.ສຳນັກງານຂ່າວ ກາງຂອງເກົາຫລີເໜືອກ່າວວ່າ ສະພາຊຶ່ງເປັນສະຖາບັນຄັນຕາ
ລະບັດຂອງປະເທດ ໄດ້ປົດນາຍົກລັດຖະມຸນຕີ Kim Yong Il ອອກຈາກຕຳແໜ່ງ ແລະແຕ່ງຕັ້ງ ທ່ານ Choe Young Rim ສະມາຊິກສະພາ ຂຶ້ນດຳລົງຕຳແໜ່ງແທນ.
ອົງການຂ່າວນີ້ເວົ້າຕື່ມວ່າ ທ່ານ Jang Song Thaek ນ້ອງເຂີຍຂອງ
ທ່ານກິມຈົງອີນ ໄດ້ຖືກເລື່ອນຊັ້ນຂຶ້ນມາເປັນຮອງປະທານຄະນະກຳມາ
ທິການປ້ອງກັນຊາດທ່ີມີອຳນາດ ຊຶ່ງທ່ານກິມເປັນຫົວໜ້ານັ້ນ.
ບໍ່ໄດ້ມີການຊີ້ແຈງເຫດຜົນໃນການຊັບຊ້ອນທ່ີວ່ານີ້ໃຫ້ຊາບ.
ສະພແຫ່ງຊາດ ຫລືສະພາປະຊາຊົນ ຂອງເກົາຫລີເໜືອ ຕາມທຳມະດາແລ້ວ
ແມ່ນປະຊຸມກັນເປັນເວລາ 1 ມື້ ໃນແຕ່ລະປີເພື່ອຮັບຜ່ານຮ່າງຍັດຕິຕ່າງໆ
ແລະເປົ້າໝາຍຂອງນະໂຍບາຍ ຕາມທີ່ມີຄຳສັ່ງມາຈາກທ່ານກິມນັ້ນ.
ຜູ້ນຳເກົາຫລີເໜືອບໍ່ໄດ້ໄປຮ່ວມໃນກອງປະຊຸມສະໄໝກ່ອນ ທ່ີມີຂຶ້ນໃນເດືອນເມສາຜ່ານມານັ້ນ.
