ລິ້ງ ສຳຫລັບເຂົ້າຫາ

2 ເກົາຫຼີ ໂອ້ລົມໂດຍກົງ ກ່ຽວກັບເລື່ອງນິວເຄລຍ

  • ໄພສານ ວໍຣະຈັກ

ທູດພິເສດໃນດ້ານນິວເຄລຍຂອງເກົາຫຼີໃຕ້ ທ່ານ Wi Sung-Lac (ຂວາ) ຈັບມືກັບຄູ່ຕຳແໜ່ງຝ່າຍເກົາຫຼີເໜືອ ທ່ານ Ri Yong Ho ທີ່ເກາະບາຫຼີ ປະເທດອິນໂດເນເຊຍ (22 ກໍລະກົດ 2011)

ທູດພິເສດທາງດ້ານນິວເຄລຍຂອງເກົາຫຼີເໜືອແລະເກົາຫຼີໃຕ້ ໄດ້ເຈລະຈາຫາລືກັນໃນວັນສຸກ
ມື້ນີ້ຢູ່ຂ້າງນອກກອງປະຊຸມວ່າດ້ວຍຄວາມໝັ້ນຄົງພູມີພາກຂອງອາຊ່ຽນທີ່ເກາະບາຫຼີປະເທດ
ອິນໂດເນເຊຍ ຊຶ່ງເປັນການພົບປະກັນເທື່ອທຳອິດລະຫວ່າງທັງສອງຝ່າຍ ນັບແຕ່ການເຈລະ
ຈາ 6 ຝ່າຍໄດ້ພັງທະລາຍລົງໃນເດືອນທັນວາປີ 2008.

ອົງການຂ່າວຢອນຮັບຂອງເກົາຫຼີໃຕ້ໄດ້ອ້າງຄຳເວົ້າຂອງທ່ານ Ri Yong Ho ທູດພິເສດໃນ
ດ້ານນິວເຄລຍຂອງເກົາຫຼີເໜືອທີ່ກ່າວວ່າ ທັງສອງຝ່າຍໄດ້ຕົກລົງ ທີ່ຈະດຳເນີນງານຮ່ວມກັນ ເພື່ອໃຫ້ມີການເປີດການເຈລະຈາກ່ຽວກັບເລື່ອງອາວຸດນິວເຄລຍຂອງເກົາຫຼີເໜືອ ທີ່ຕົກຢູ່ໃນ ສະພາບບໍ່ໄປບໍ່ມານັ້ນຄືນໃໝ່.

ສ່ວນທ່ານ Wi Sung-lac ທູດພິເສດໃນດ້ານນິວເຄລຍຂອງເກົາຫຼີໃຕ້ກ່າວວ່າ ການພົບປະ
ທີ່ວ່ານີ້ ແມ່ນເປັນການພົບປະແບບສ້າງສັນແລະເປັນປະໂຫຍດ.

ການທົດລອງອາວຸດນິວເຄລຍຂອງເກົາຫຼີເໜືອ 2 ຄັ້ງໃນຮອບ 5 ປີຜ່ານມາໄດ້ກະຕຸກຊຸກຍູ້
ໃຫ້ນາໆຊາດທຳການລົງໂທດຕໍ່ພຽງຢາງ.

ເກົາຫຼີໃຕ້ ສະຫະລັດ ຣັດເຊຍ ຈີນແລະຍີ່ປຸ່ນຕ່າງກໍໄດ້ຊຸກຍູ້ໃຫ້ເປີດການເຈລະ ຈາ 6 ຝ່າຍ
ຄືນໃໝ່ ແລະ 6 ພັກຝ່າຍທີ່ພົວພັນໃນການເຈລະຈາ ຕ່າງກໍໄດ້ໄປຮ່ວມກອງປະຊຸມຂອງສະ
ມາຄົມອາຊ່ຽນ ຢູ່ທີ່ອິນໂດເນເຊຍ.

XS
SM
MD
LG