ທ່ານ ພັນ ຄີມູນ ເລຂາທິການໃຫຍ່ສະຫະປະຊາຊາດໄດ້ສະແດງຄວາມເປັນຫ່ວງຢ່າງເລິກ
ເຊິ່ງ ຕໍ່ແຜນການຂອງເກົາຫລີເໜືອ ທີ່ຈະສົ່ງດາວທຽມດວງນຶ່ງຂຶ້ນສູ່ວົງໂຄຈອນແລະໄດ້
ປະຕິຍານວ່າ ຈະຍົກເອົາບັນຫາດັ່ງກ່າວ
ນີ້ຂຶ້ນມາໂອ້ລົມຢູ່ໃນກອງປະຊຸມສຸດຍອດ ກ່ຽວກັບຄວາມໝັ້ນຄົງນີວເຄລຍໃນອາທິດໜ້າ
ນີ້ ທີ່ນະຄອນຫລວງໂຊລ.
ໃນການຖະແຫຼງຢູ່ທີ່ປະເທດມາເລເຊຍເມື່ອວັນພະຫັດມື້ນີ້ ທ່ານພັນ ຄີມູນ ກ່າວວ່າ ການ
ຍິງລູກສອນໄຟນີ້ ແມ່ນເປັນການຂົ່ມຂູ່ຕໍ່ຄວາມໝັ້ນຄົງຂອງຂົງເຂດແລະບ່ອນທຳລາຍຕໍ່
ຄວາມກ້າວໜ້າຕ່າງໆທີ່ໄດ້ຮັບມາເມື່ອໝໍ່ໆມານີ້ ເພື່ອຈະກ້າວໄປສູ່ການຍຸຕິລົງຂອງບັນ
ຫາຂັດແຍ້ງ ກ່ຽວກັບໂຄງການນີວເຄລຍຂອງເກົາຫລີເໜືອນັ້ນ.
ຝ່າຍເກົາຫລີເໜືອກໍກ່າວວ່າ ການສົ່ງດາວທຽມ ທີ່ມີກໍາໜົດໃສ່ກາງເດືອນເມສາຕໍ່ໜ້ານີ້
ແມ່ນມີວັດຖຸປະສົງເພື່ອການຄົ້ນຄວ້າດ້ານວິທະຍາສາດຢ່າງສັນຕິ ແຕ່ທ່ານພັນ ຄີມູນກ່າວ
ວ່າ ການສົ່ງດາວທຽມດັ່ງກ່າວນີ້ ເປັນການ ລະເມີດຢ່າງຈະແຈ້ງທີ່ສຸດ ຕໍ່ມະຕິຂອງສະຫະ
ປະຊາຊາດທີ່ຫ້າມບໍ່ໃຫ້ເກົາ ຫລີີເໜືອນຳໃຊ້ເທັກໂນໂລຈີ່ລູກສອນໄຟຂີປະນາວຸດນັ້ນ
ເມື່ອເດືອນຜ່ານມານີ້ ເກົາຫລີເໜືອຕົກລົງທີ່ຈະໂຈະການເສີມສະມັດຖະພາບຢູເຣນຽມ
ອະນຸຍາດໃຫ້ພວກເຈົ້າໜ້າທີ່ກວດກາອາວຸດສະຫະປະຊາຊາດກັບຄືນເຂົ້າໄປເກົາຫລີເໜືອ
ໄດ້ ແລະຢຸດການທົດລອງຍິງລູກສອນໄຟ ໃນຂະນະທີ່ສະຫະລັດກໍຕົກລົງຈະສົ່ງອາຫານ
ໄປໃຫ້ເກົາຫລີເໜືອທີ່ຕ້ອງ ການຄວາມຊ່ວຍເຫຼືອໃນດ້ານນີ້ເປັນທີ່ສຸດນັ້ນ.
ທ່ານ Victor Cha ອະດີດຜູ້ອໍານວຍການສະພາຄວາມໝັ້ນຄົງແຫ່ງຊາດຮັບຜິດຊອບກິດ
ຈະການເອເຊຍ ບອກວີໂອເອວ່າ ເວລາພຽງຢາງຕົກລົງທີ່ຈະໂຈະການທົດລອງຍິງລູກສອນ
ໄຟນັ້ນ ກໍໝາຍເຖິງການຢຸດປ່ອຍດາວ ທຽມໄປໃນຕົວນັ້ນນໍາ