ເກົາຫຼີເໜືອ ໄດ້ແຕ່ງຕັ້ງຫົວໜ້າປ້ອງກັນປະເທດຄົນໃໝ່ຂອງຕົນ ດ້ວຍນາຍພົນທີ່ຍຶດໝັ້ນໃນຫຼັກການ ທີ່ເຊື່ອກັນວ່າເປັນຜູ້ບົງການ ໃນການໂຈມຕີເກົາຫຼີໃຕ້ ເມື່ອປີ 2010 ທີ່ເຮັດໃຫ້ມີຜູ້ເສຍຊີວິດນັ້ນ.
ທາງການເກົາຫຼີໃຕ້ ເວົ້າເມື່ອວັນພະຫັດມື້ນີ້ວ່າ ນາຍພົນ Kim Kyok Sik ຖືກແຕ່ງຕັ້ງໃຫ້ເປັນລັດຖະມົນຕີກອງທັບຄົນໃໝ່. ນາຍພົນຜູ້ນີ້ເຊື່ອກັນວ່າ ເປັນຜູ້ວາງແຜນຍິງເຮືອລົບລໍານຶ່ງຂອງເກົາຫຼີໃຕ້ຫຼົ້ມແລະການໂຈມຕີເກາະດອນຊາຍແດນທີ່ເກືອບວ່າຈະເຮັດໃຫ້ທັງສອງປະເທດເກີດສົງຄາມກັນຂັ້ນ ຮ້າຍແຮງນັ້ນ.
ນີ້ເປັນລັດຖະມົນຕີປ້ອງກັນປະເທດໃໝ່ຄົນທີສອງ ທີ່ຖືກແຕ່ງຕັ້ງໂດຍທ່ານ Kim Jong Un ຜູ້ນໍາເກົາຫຼີເໜືອ ທີ່ເຂົ້າກໍາອໍານາດໃນເດືອນທັນວາ ປີ ຜ່ານມາຫຼັງຈາກບິດາຂອງທ່ານເຖິງແກ່ອະສັນຍະກຳ. ນາຍພົນ Kim Jong Gak ລັດຖະມົນຕີປ້ອງກັນປະເທດຜູ້ທີ່ກໍາລັງຈະພົ້ນຈາກຕໍາແໜ່ງ ນັ້ນ ແມ່ນຢູ່ເຂົ້າຮັບໜ້າທີ່ນີ້ໄດ້ພຽງເຈັດເດືອນເທົ່ານັ້ນ.
ທາງການເກົາຫຼີໃຕ້ກ່າວວ່າ ການເຄຶ່ອນໄຫວດັ່ງກ່າວນີ້ ຖືວ່າເປັນການ ຊັບຊ້ອນບັ້ນລ່າສຸດ ທີ່ແນເປົ້າໝາຍເພື່ອສ້າງຖານອໍານາດຂອງທ່ານ Kim Jong Un ໃຫ້ເຂັ້ມແຂງຂຶ້ນຕື່ມ ໃນກອງທັບທີ່ມີທະຫານນຶ່ງລ້ານສອງ ແສນຄົນ ຊຶ່ງເປັນກອງທັບນຶ່ງທີ່ໃຫຍ່ທີ່ສຸດຂອງໂລກນັ້ນ.
ທາງການເກົາຫຼີໃຕ້ ເວົ້າເມື່ອວັນພະຫັດມື້ນີ້ວ່າ ນາຍພົນ Kim Kyok Sik ຖືກແຕ່ງຕັ້ງໃຫ້ເປັນລັດຖະມົນຕີກອງທັບຄົນໃໝ່. ນາຍພົນຜູ້ນີ້ເຊື່ອກັນວ່າ ເປັນຜູ້ວາງແຜນຍິງເຮືອລົບລໍານຶ່ງຂອງເກົາຫຼີໃຕ້ຫຼົ້ມແລະການໂຈມຕີເກາະດອນຊາຍແດນທີ່ເກືອບວ່າຈະເຮັດໃຫ້ທັງສອງປະເທດເກີດສົງຄາມກັນຂັ້ນ ຮ້າຍແຮງນັ້ນ.
ນີ້ເປັນລັດຖະມົນຕີປ້ອງກັນປະເທດໃໝ່ຄົນທີສອງ ທີ່ຖືກແຕ່ງຕັ້ງໂດຍທ່ານ Kim Jong Un ຜູ້ນໍາເກົາຫຼີເໜືອ ທີ່ເຂົ້າກໍາອໍານາດໃນເດືອນທັນວາ ປີ ຜ່ານມາຫຼັງຈາກບິດາຂອງທ່ານເຖິງແກ່ອະສັນຍະກຳ. ນາຍພົນ Kim Jong Gak ລັດຖະມົນຕີປ້ອງກັນປະເທດຜູ້ທີ່ກໍາລັງຈະພົ້ນຈາກຕໍາແໜ່ງ ນັ້ນ ແມ່ນຢູ່ເຂົ້າຮັບໜ້າທີ່ນີ້ໄດ້ພຽງເຈັດເດືອນເທົ່ານັ້ນ.
ທາງການເກົາຫຼີໃຕ້ກ່າວວ່າ ການເຄຶ່ອນໄຫວດັ່ງກ່າວນີ້ ຖືວ່າເປັນການ ຊັບຊ້ອນບັ້ນລ່າສຸດ ທີ່ແນເປົ້າໝາຍເພື່ອສ້າງຖານອໍານາດຂອງທ່ານ Kim Jong Un ໃຫ້ເຂັ້ມແຂງຂຶ້ນຕື່ມ ໃນກອງທັບທີ່ມີທະຫານນຶ່ງລ້ານສອງ ແສນຄົນ ຊຶ່ງເປັນກອງທັບນຶ່ງທີ່ໃຫຍ່ທີ່ສຸດຂອງໂລກນັ້ນ.
