Nokia ຊຶ່ງເປັນນຶ່ງໃນບັນດາບໍລິສັດຜະລິດໂທລະສັບມືຖືໃຫຍ່ທີ່ສຸດໃນໂລກ ມີແຜນ
ທີ່ຈະຕັດວຽກງານຂອງບໍລິສັດລົງ ຢູ່ໃນທົ່ວໂລກ 10,000 ໜ້າວຽກ ພາຍໃນທ້າຍ
ປີໜ້ານີ້.
ບໍລິສັດນີ້ ຊຶ່ງມີສໍານັກງານໃຫຍ່ຕັ້ງຢູ່ປະເທດຟິນແລນ ຄາດວ່າການຕັດຄົນງານລົງ
ຈະເຮັດໃຫ້ບໍລິສັດປະຢັດຄ່າໃຊ້ຈ່າຍໄດ້ ເຖິງ 1 ພັນ 300 ລ້ານໂດລາ.
ຫົວໜ້າບໍລິຫານ ບໍລິສັດ Nokia ທ່ານ Stephen Elop ໄດ້ອອກຖະແຫລງການ
ສະບັບນຶ່ງໃນວັນພະຫັດມື້ນີ້ວ່າ “ແຜນການຫຼຸດຄົນງານດັ່ງກ່າວນີ້ ເປັນບັນຫາປະ
ເຊີນໜ້າທີ່ຍຸ່ງຍາກ ຊຶ່ງພວກເຮົາຕ້ອງໄດ້ປະຕິບັດເພື່ອໃຫ້ການຄໍ້າປະກັນແກ່ຄວາມ
ເຂັ້ມແຂງ ໃນການແຂ່ງຂັນໄລຍະຍາວຂອງບໍລິສັດ Nokia. ບໍລິສັດ Nokia ໄດ້ປະ
ກາດກ່ຽວກັບແຜນການທີ່ຈະປິດໂຮງງານຜະລິດພຽງແຫ່ງດຽວ ຂອງບໍລິສັດໃນ
ປະເທດຟິນແລນ ທີ່ເມືອງ Solo ແຕ່ວ່າ ຈະສືບຕໍ່ດໍາເນີນການຄົ້ນຄວ້າແລະການ
ພັດທະນາຢູ່ທີ່ນັ້ນ.
ບໍລິສັດ Nokia ມີຈຸດປະສົງທີ່ຈະຫລົດການຄົ້ນຄວ້າບາງຢ່າງ ແລະໂຄງການພັດ
ທະນາຕ່າງໆຢູ່ນອກປະເທດລົງ ຊຶ່ງຈະເປັນເຫດໃຫ້ມີການປິດໂຮງງານຂອງ
ບໍລິສັດຢູ່ໃນ ເມືອງ Ulm ໃນປະເທດເຢຍຣະມັນ ແລະເມືອງ Burnaby
ປະເທດການາດາ.