ລາງວັນໂນແບລຂະແໜງວິຊາຟີສິກສ໌ປີ 2011 ໄດ້ຖືກມອບໃຫ້ນັກວິດທະຍາສາດ 3 ທ່ານ
ທີ່ເກີດຢູໃນສະຫະລັດ ຍ້ອນຜົນງານຂອງພວກທ່ານໃນການຄົ້ນພົບການຂະຫຍາຍໂຕໄວ
ຂຶ້ນຂອງຈັກກະວານ ໂດຍຜ່ານການສັງເກດການເບິ່ງພວກດວງດາວທີ່ລະເບີດນັ້ນ.
ທ່ານ Saul Perlmutter ນັກວິທະຍາສາດອາເມຣິກັນ ຈະແບ່ງປັນເງິນລາງວັນຈໍານວນ
1 ລ້ານ 5 ແສນໂດລາ ກັບທ່ານ Adam Riess ແລະທ່ານ Brian Schmidt ນັກວິທະ
ສາດອາເມຣິກັນ ເຊື້ອສາຍອອສເຕຣເລຍ.
ສະຖາບັນວິທະຍາສາດຣາດຊະອານາຈັກ Sweden ກ່າວວ່າການຄົ້ນພົບຂອງພວກນັກ
ວິທະຍາສາດເຫລົ່ານີ້ ໄດ້ຊ່ອຍເປີດເຜີຍຈັກກະວານຊຶ່ງສ່ວນໃຫຍ່ແລ້ວຍັງເປັນທີ່ລີ້ລັບຫຼືບໍ່
ຮູ້ຈັກໃນດ້ານວິທະຍາສາດນັ້ນ.
ໃນວັນຈັນຜ່ານມານີ້ ລາງວັນໂນແບລ ຂະແໜງການແພດໄດ້ຖືກມອບໃຫ້ແກ່ທ່ານ Raph
Steinman ທ່ານ Bruce Beutler ແລະທ່ານ Jules Hoffmann ໃນຜົນງານທີ່ເພີມ
ຄວາມເຂົ້າອົກເຂົ້າໃຈຫລາຍຂຶ້ນກ່ຽວກັບລະບົບພູມຕ້ານທານພະຍາດ ຊຶ່ງອາດສາມາດນໍາ
ໄປສູ່ການປິ່ນປົວໂຣກມະເຮັງແລະພະຍາດອື່ນໆໄດ້. ຕໍ່ມາໄດ້ມີການພົບເຫັນວ່າທ່ານ
Steinman ໄດ້ເສຍຊີວິດໄປຕັ້ງແຕ່ວັນສຸກແລ້ວນີ້ ຫລັງຈາກທ່ານຕໍ່ສູ້ກັບໂຣກມະເຮັງໃນ
ມ້າມມາເປັນເວລາດົນນານແລ້ວນັ້ນ.
ມູນນິທິໂນແບລ ໄດ້ຮຽກກອງປະຊຸມດ່ວນໃນວັນຈັນຜ່ານມາຫລັງຈາກນັ້ນ ກອງປະຊຸມ
ໄດ້ຕັດສິນໃຈວ່າ ການມອບລາງວັນນັ້ນຈະບໍ່ມີການປ່ຽນແປງໃດໆ.
