ຄວາມສົງໄສກ່ຽວກັບສຸກຂະພາບແລະສະພາບການດ້ານການ
ເມືອງຂອງທ່ານ Kim Jong Un ໄດ້ເພີ້ມທະວີຂຶ້ນໃນວັນສຸກ
ມື້ນີ້ ຂະນະທີ່ຜູ້ນຳເກົາຫຼີເໜືອຍັງຄົງຫາຍໜ້າຫາຍຕາໄປຈາກ
ປະຊາຊົນ ກ່ຽວກັບວັນຄອບຮອບປີທີ່ສຳຄັນສຳລັບປະເທດ
ຄອມມິວນິດທີ່ຢູ່ຢ່າງລັບໆນັ້ນ.
ທ່ານກິມຈົງອຸນ ໄວ 31 ປີ ບໍ່ໄດ້ອອກມາປາກົດໂຕໃຫ້ປະຊາຊົນເຫັນນັບຕັ້ງແຕ່ທ່ານໄດ້ໄປຮ່ວມຊົມການສະແດງ concert ໃນວັນທີ 3ກັນຍາຜ່ານມາ ຊຶ່ງໄດ້ກະຕຸ້ນໃຫ້ມີການຄາດຄິດກັນວ່າ ທ່ານກຳລັງປະເຊີນກັບບັນຫາດ້ານສຸກຂະພາຍທີ່ຮ້າຍແຮງຫຼື ຖືກປ່ຽນຕໍ່າແໜ່ງ
ໃນການກໍ່ລັດຖະປະຫານ.
ສື່ມວນຊົນແຫ່ງລັດ ຊຶ່ງຕາມທຳມະດາແມ່ນແຈ້ງໃຫ້ຮູ້ເກືອບວ່າທຸກໆມື້ກ່ຽວກັບການເຄື່ອນໄຫວຕ່າງໆຂອງຜູ້ນຳເກົາຫຼືເໜືອນັ້ນໄດ້ແຈ້ງຮ່ອງຮອຍໃຫ້ຊາບພຽງໜ້ອຍດຽວ ນອກຈາກກ່າວເຖິງໃນເວລາຜ່ານມານີ້ວ່າ ທ່ານກຳລັງ “ບໍ່ສະບາຍ” ເທົ່ານັ້ນ.
ບັນດານັກວິເຄາະຄາດວ່າ ຈະໄດ້ເຫັນຮ່ອງຮອຍທີ່ສຳຄັນໃນວັນສຸກມື້ນີ້ ຊຶ່ງເປັນວັນຄົບ
ຮອບປີທີ 69 ແຫ່ງການກໍ່ຕັ້ງພັກແຮງງານເກົາຫຼີ ທີ່ກຳລັງປົກຄອງປະເທດໃນປັດຈຸບັນ.
ໃນ 2 ປີທີ່ຜ່ານມາ ທ່ານກິມໄດ້ສະຫຼອງວັນຄົບຮອບປີດັ່ງກ່າວ ດ້ວຍການໄປຢ້ຽມສຸສານ ຂອງມື້ລາງບິດາຂອງທ່ານ ຄື ທ່ານກິມຈົງອີລ ແລະມື້ລາງພໍ່ປູ່ ຄື ທ່ານກິມ ອີລ ຊຸງໃນຕອນທ່ຽງຄືນ.
ແຕ່ໃນປີນີ້ ຊື່ຂອງທ່ານກິມຈົງອຸນບໍ່ໄດ້ປາກົດ ຢູ່ໃນບັນຊີລາຍຊື່ຂອງແຂກຜູ້ມີກຽດ ທີ່ທຳ
ການຢ້ຽມຢາມປະຈຳປີ ທີ່ສຸສານດັ່ງກ່າວ. ລາຍຊື່ທີ່ສູນກາງຂ່າວເກົາຫຼີເໜືອພິມເຜີຍແຜ່ນັ້ນ
ເວົ້າແຕ່ວ່າ ກະຕ່າດອກໄມ້ທີ່ຕິດຊື່ທ່ານກິມ ໄດ້ຖືກວາງໄວ້ທີ່ສຸສານດັ່ງກ່າວ.
ໃນວັນສຸກມື້ນີ້ ລັດຖະບານເກົາຫຼີໃຕ້ຢືນຢັດວ່າ ທ່ານກິມ ປາກົດວ່າ “ຍັງປົກຄອງປະເທດ
ຕາມປົກກະຕິຢູ່”. ໂຄສົກປະຈຳກະຊວງທ້ອນໂຮມເກົາຫຼີ ທ່ານ Lim Byong-cheol ກ່າວເຊັ່ນກັນວ່າ ລັດຖະບານໂຊລບໍ່ມີຂ່າວຄາວໃດໆທີ່ສາມາດຢືນຢັນໄດ້ ກ່ຽວກັບສຸຂະ
ພາບຂອງທ່ານກິມ.
