ລິ້ງ ສຳຫລັບເຂົ້າຫາ

ກຸ່ມນັກຊ່ຽວຊານ ວາງລາຍລະອຽດ ກ່ຽວກັບ ຂໍ້ຕົກລົງ ນິວເຄລຍ ກັບອີຣ່ານ


Iran Nuclear
please wait
Embed

No media source currently available

0:00 0:01:13 0:00

ເຈົ້າໜ້າທີ່ສະຫະລັດ ທີ່ນະຄອນວຽນນາ ກ່າວວ່າ ພວກນັກຊ່ຽວ
ຊານທາງດ້ານນິວເຄລຍແລະການລົງໂທດ ຂອງນາໆຊາດ ກຳ ລັງກວດສອບເບິ່ງລາຍລະອຽດຂອງບັນຫາຕ່າງໆໃນຄວາມພະ ຍາຍາມເພື່ອຫາທາງໃຫ້ການເຈລະຈາບັນລຸການຕົກລົງຂັ້ນສຸດ ທ້າຍກ່ຽວກັບໂຄງການນິວເຄລຍທີ່ເປັນບັນຫາຖົກຖຽງໂຕ້ແຍ້ງ
ຂອງອີຣ່ານ.

ເຈົ້າໜ້າທີ່ອະວຸໂສທ່ານນຶ່ງ ຂອງກະຊວງການຕ່າງປະເທດສະ
ຫະລັດ ກ່າວວ່າ ພວກນັກຊ່ຽວຊານຫຼາຍໆກຸ່ມ ກຳລັງສວຍໂອ
ກາດໃນຂະນະທີ່ບັນດາລັດຖະມົນຕີອະວຸໂສທີ່ພົວພັນໃນການ
ເຈລະຈາບໍ່ຢູ່ກວດສອບເບິ່ງລາຍລະອຽດກ່ຽວກັບວຽກງານອັນ
ຫຍຸ້ງຍາກ ທີ່ກ່ຽວຂ້ອງໃນເລື້ອງຂັ້ນຕອນໂດຍໃຫ້ຂໍ້ສັງເກດວ່າ ມັນເປັນທີ່ຈະແຈ້ງວ່າ ຍັງມີ ບັນຫາໃຫຍ່ໆຈຳນວນນຶ່ງທີ່ຍັງບໍ່ທັນໄດ້ຮັບການແກ້ໄຂເທື່ອ.

ເຈົ້າໜ້າທີ່ກ່າວວ່າ ລັດຖະມົນຕີຄົນສຳຄັນໆຄາດວ່າ ຈະເດີນທາງກັບຄືນໄປນະຄອນວຽນ ນາໃນວັນອາທິດມື້ອື່ນນີ້ ແລະໃນທີ່ສຸດ ມັນກໍຈະລົງເອີຍກັນ ຢູ່ທີ່ການຕັດສິນໃຈທາງການ ເມືອງທີ່ສຳຄັນຈຳນວນນຶ່ງ ທີ່ສາມາດເຮັດໄດ້ ໂດຍລະດັບລັດຖະມົນຕີເທົ່ານັ້ນ ຊຶ່ງຈະຕິດ ຕາມດ້ວຍການຕົກລົງໂດຍພວກຜູ້ນຳຂອງອີຣ່ານແລະຂອງກຸ່ມປະເທດ P5+1 ທີ່ພົວພັນ ໃນການເຈລະຈາ.

IAEA Head: Iran Nuclear Report Could Be Completed in 2015
please wait

No media source currently available

0:00 0:01:50 0:00

ໃນວັນສຸກວານນີ້ ທ່ານ John Kerry ລັດຖະມົນຕີການຕ່າງປະເທດສະຫະລັດໄດ້ພົບປະ
2 ເທື່ອກັບລັດຖະມົນຕີການຕ່າງປະເທດອີຣ່ານ ທ່ານ Javad Za-rif ທີ່ນະຄອນວຽນນາ
ເພື່ອຫາລືກ່ຽວກັບບັນຫາຄ້າງຄາສຳຄັນໆທີ່ຂັດຂວາງບໍ່ໃຫ້ຄະນະເຈລະຈາບັນລຸການຕົກ ລົງກັນໄດ້ໃນວັນທີ 30 ມິຖຸນາຜ່ານມາ.

ທ່ານ Kerry ກ່າວວ່າ ຄະນະເຈລະຈາມີວຽກງານລົ້ນມືທີ່ຈະຕ້ອງໄດ້ເຮັດແລະຍັງບັນຫາທີ່ ຫຍຸ້ງຍາກຈຳນວນນຶ່ງ.

ສ່ວນທ່ານ Zarif ກໍໄດ້ສະທ້ອນໃຫ້ເຫັນ ຢູ່ໃນຖະແຫຼງການຂອງທ່ານ ໂດຍເວົ້າວ່າ “ພວກ ເຮົາທັງໝົດກຳລັງພະຍາຍາມເປັນທີ່ສຸດ ເພື່ອໃຫ້ສາມາດກ້າວໄປຂ້າງໜ້າ ແລະກໍໄດ້ສ້າງ ຄວາມຄືບໜ້າຈຳນວນນຶ່ງ."

ເຈົ້າໜ້າທີ່ອະວຸໂສທ່ານນຶ່ງ ຂອງສະຫະລັດ ກ່າວວ່າ ທຳນຽບຂາວ ຍັງມີຄວາມໝັ້ນໃຈວ່າ “ຖ້າຫາກທາງເລືອກທີ່ຖືກຕ້ອງ ບໍ່ໄດ້ມີການເລືອກເອົາ ແລະຂໍ້ຕົກລົງທີ່ດີກໍຈະບໍ່ມີ” ຫລັງ ຈາກນັ້ນສະຫະລັດກໍຈະຮູ້ສຶກສະບາຍໃຈຂຶ້ນທີ່ຫັນຫລັງໜີໄປ. ທ່ານກ່າວຕື່ມວ່າຖ້າຫາກ ການເຈລະຈາໃກ້ທີ່ສຸດ ທີ່ຈະບັນລຸການຕົກລົງໃນຂອບເຂດທີ່ກວ້າງຂວາງ ມັນກໍສາມາດ ເປັນທີ່ເຂົ້າໃຈໄດ້ ທີ່ການເຈລະຈາອາດຈະກາຍກຳນົດເສັ້ນຕາຍອອກໄປ ໃນວັນທີ 7 ກໍ ລະກົດ.

VOA's Mary Alice Salinas Reports From Vienna, July 4
please wait

No media source currently available

0:00 0:00:40 0:00

XS
SM
MD
LG