ບັນດາຜູ້ກູ້ໄພ ຍັງບໍ່ພົບເຫັນຮ່ອງຮອຍ ຊາວປະມົງ 52 ຄົນ ທີ່
ຫາຍສາບສູນໄປຫລັງຈາກ ເຮືອເກົາຫລີໃຕ້ ໄດ້ຫລົ້ມຢູ່ໃນເຂດ
ນ່ານນໍ້າ ທີ່ເຢັນເປັນນໍ້າ ກ້ອນ ໃນ ເຂດພາກຕາເວັນຕົກຂອງ
ທະເລ Bering.
ພວກລູກເຮືອ 60 ຄົນ ໄດ້ຖືກບັງຄັບໃຫ້ໜີອອກຈາກເຮືອ ຫລັງ
ຈາກມີນ້ຳເຂົ້າ ເຮືອ ແລະເຮືອເລີ້ມງ່ຽງໄປທາງຂ້າງ ໃນຂະນະທີ່
ເກີດພາຍຸໃນວັນຈັນວານນີ້.
ບັນດາເຈົ້າໜ້າທີ່ ເກົາຫລີໃຕ້ ກ່າວວ່າ ໃນວັນອັງຄານມື້ນີ້ວ່າ ເຮືອ
ສີ່ລຳກຳລັງຊອກຫາຢູ່ໃນເຂດສອກຫລີກ ນອກຝັ່ງທະເລກ້ຳຕາ
ເວັນອອກຂອງຣັດເຊຍ ໄດ້ ຖືກຂັດຂວາງຍ້ອນສະພາບອາກາດປັ່ນປ່ວນຢ່າງຮ້າຍແຮງ
ແລະຄື້ນຟອງທະເລ.
ມາຮອດເວລານີ້ ມີລູກເຮືອພຽງແຕ່ 7 ຄົນເທົ່ານັ້ນ ໄດ້ຖືກຊ່ວຍຊີວິດໄວ້ໄດ້ ຊຶ່ງພາໃຫ້ມີ
ຄວາມຢ້ານກົວວ່າ ຈຳນວນການເສຍຊີວິດອາດຈະສູງຂື້ນ. ຊາກສົບນຶ່ງໄດ້ຖືກພົບເຫັນ
ແລ້ວ.
ສີ່ຄົນໃນຈຳນວນທີ່ຖືກຊ່ວຍຊີວິດໄວ້ນັ້ນ ແມ່ນພາກັນຢູ່ໃນເຮືອຢາງຊູຊີບ ແລະສ່ວນທີ່
ເຫລືອພາກັນຈ່ອງຕາມຊາກຫັກພັງຂອງເຮືອທີ່ຟູຢູ່.
ພວກລູກເຮືອ ແມ່ນຮວມທັງຊາວອິນໂດເນເຊຍ 35 ຄົນ ຊາວຟິລິບປີນ 13 ຄົນ ຊາວ
ເກົາຫລີໃຕ້ 11 ຄົນ ແລະຜູ້ກວດກາຊາວຣັດເຊຍນຶ່ງຄົນ.
ເຮືອ Oryong 501 ໄດ້ສ້າງເມື່ອ 36 ປີກ່ອນ ແລະເປັນເຈົ້າຂອງໂດຍບໍລິສັດອຸດສາ
ຫະກຳຫາປາ Sajo ຂອງເກົາຫລີໃຕ້. ເຮືອດັ່ງກ່າວພວມທຳການຈັບປາ Pollack.
