ສະຖານທູດຈີນ ປະຈຳນະຄອນຫຼວງ ວໍຊິງຕັນກ່າວວ່າທັງ ສະຫະລັດ ແລະ ຈີນ ຈະບໍ່ມີໃຜຊະນະສົງຄາມທາງດ້ານການຄ້າ, ລຸນຫຼັງວ່າທີ່ປະທານາທິບໍດີ ຂອງສະຫະລັດ ທ່ານ ດໍໂນລ ທຣໍາ ອອກມາຂົ່ມຂູ່ທີ່ຈະເກັບພາສີເພີ້ມ 10 ເປີເຊັນ ສຳລັບສິນຄ້ານຳເຂົ້າຂອງຈີນທັງໝົດ ໃນເວລາທີ່ທ່ານເຂົ້າຮັບຕຳແໜ່ງ ໃນວັນທີ 20 ມັງກອນທີ່ຈະມາເຖິງນີ້.
ໂຄສົກສະຖານທູດຈີນ ທ່ານ ຫຼິວ ເປັງຢູ ກ່າວໃນຖະແຫຼງການສະບັບນຶ່ງວ່າ “ກ່ຽວກັບບັນຫາອັດຕາພາສີຂອງ ສະຫະລັດ ຕໍ່ ຈີນ ນັ້ນ, ຈີນ ເຊື່ອວ່າ ການຮ່ວມມືດ້ານເສດຖະກິດແລະການຄ້າລະຫວ່າງ ຈີນ ແລະ ສະຫະລັດ ມີຜົນປະໂຫຍດຮ່ວມກັນ.”
ທ່ານ ຫຼິວ ກ່າວຕື່ມວ່າ ຈະບໍ່ມີໃຜຊະນະສົງຄາມການຄ້າ ຫຼື ສົງຄາມພາສີ.”
ທ່ານ ທຣໍາ ກ່າວວ່າ ທ່ານຈະຈັດວາງອັດຕາພາສີຈົນກວ່າ ຈີນ ຈະຢຸດເຊົາການສົ່ງຢາເສບຕິດທີ່ຜິດກົດໝາຍ, ໂດຍສະເພາະຢາ ເຟນຕານອລ (fentanyl) ເຂົ້າມາໃນສະຫະລັດ.
ໃນຖະແຫຼງການ, ທ່ານ ຫຼິວ ກ່າວວ່າ ຈີນໄດ້ດໍາເນີນບາດກ້າວເພື່ອຕ້ານການຄ້າຢາເສບຕິດ ພາຍຫຼັງບັນລຸຂໍ້ຕົກລົງລະຫວ່າງປະທານາທິບໍດີ ໂຈ ໄບເດັນ ແລະ ທ່ານ ສີ ຈິ້ນຜິງ ປະທານປະເທດຈີນ.
ທ່ານ ຫຼິວ ຍັງກ່າວອີກວ່າ “ຝ່າຍ ຈີນ ໄດ້ທໍາການແຈ້ງໃຫ້ຝ່າຍ ສະຫະລັດ ຮັບຮູ້ກ່ຽວກັບຂັ້ນຕອນໃນການປະຕິບັດກົດໝາຍສໍາລັບຕ້ານຢາເສບຕິດຂອງສະຫະລັດ.
“ສິ່ງທັງໝົດເຫຼົ່ານີ້ພິສູດໃຫ້ເຫັນວ່າ ຄວາມຄິດຂອງ ຈີນ ທີ່ຈະໃຫ້ສານຕົ້ນ ເຟນຕານອລ ໄຫຼເຂົ້າສູ່ ສະຫະລັດ ໂດຍເຈດຕະນານັ້ນ ແມ່ນກົງກັນຂ້າມກັບມູນຄວາມຈິງ ແລະຄວາມເປັນຈິງທັງໝົດ.”
ມີຄວາມຄືບໜ້າເພີ້ມຂຶ້ນ ແຕ່ເຫັນໄດ້ຢ່າງຈະແຈ້ງໃນການຮ່ວມມືເພື່ອປິດການຈາລະຈອນໃນການຂົນສົ່ງສານເຄມີທີ່ຜິດກົດໝາຍສໍາລັບໃຊ້ໃນການຜະລິດ ເຟນຕານອລ ທີ່ອັນຕະລາຍ ລຸນຫຼັງ ທ່ານ ສີ ແລະ ທ່ານ ໄບເດັນ ໄດ້ທໍາການຕົກລົງທີ່ຈະສືບຕໍ່ດຳເນີນຄວາມພະຍາຍາມຮ່ວມໃນປີທີ່ຜ່ານມາ.
ສະຫະລັດ, ເຊິ່ງເປັນບ່ອນທີ່ມີການໃຊ້ຢາ ເຟນຕານອລ ໃນທາງທີ່ຜິດ ຈຶ່ງເປັນ ສາເຫດຕົ້ນຕໍຂອງການເສຍຊີວິດນັ້ນ, ໄດ້ຜັກດັນໃຫ້ ຈີນ ດໍາເນີນການບັງຄັບ ໃຊ້ກົດໝາຍທີ່ເຄັ່ງຄັດ, ລວມທັງການແກ້ໄຂບັນຫາທາງດ້ານການເງິນທີ່ຜິດ ກົດໝາຍ ແລະດໍາເນີນການຄວບຄຸມສານເຄມີດັ່ງກ່າວນີ້ ເພີ່ມເຕີມ.
ໃນເດືອນມິຖຸນາທີ່ຜ່ານມາ, ໄອຍະການສູງສຸດຂອງ ຈີນ ໄດ້ອອກມາຮຽກຮ້ອງໃຫ້ເຈົ້າໜ້າທີ່ດ້ານກົດໝາຍຂອງຕົນ ເອົາໃຈໃສ່ຕ້ານການຄ້າຢາເສບຕິດ ໃນຂະນະທີ່ ປັກກິ່ງ ແລະ ວໍຊິງຕັນ ເປີດເຜີຍການສືບສວນຮ່ວມກັນທີ່ບໍ່ຄ່ອຍເກີດຂຶ້ນກ່ຽວກັບຢາເສບຕິດ.
ໃນເດືອນສິງຫາ, ສອງມື້ຫຼັງຈາກກອງປະຊຸມຂອງຄະນະປະຕິບັດງານຕ້ານຢາ ເສບຕິດຮ່ວມກັນ, ຈີນ ກ່າວວ່າ ຕົນຈະປະຕິບັດການຄວບຄຸມທີ່ເຂັ້ມງວດ ກ່ຽວກັບສານເຄມີສາມຊະນິດທີ່ຈໍາເປັນສໍາລັບຜະລິດ ເຟນຕານອລ.
ອ່ານຂ່າວດ້ານລຸ່ມນີ້ເປັນພາສາອັງກິດ
WASHINGTON, Nov 25 (Reuters) - Neither the United States nor China would win a trade war, the Chinese Embassy in Washington said on Monday, after U.S. President-elect Donald Trump threatened to slap an additional 10% tariff on all Chinese imports when he takes office on Jan. 20.
"About the issue of US tariffs on China, China believes that China-US economic and trade cooperation is mutually beneficial in nature," Chinese Embassy Spokesperson Liu Pengyu said in a statement.
"No one will win a trade war or a tariff war," Liu said.
Trump said he would impose the tariffs until China stops the flow of illegal drugs, particularly fentanyl, into the United States.
In the statement, Liu said China had taken steps to combat drug trafficking after an agreement was reached last year between President Joe Biden and Chinese President Xi Jinping.
"The Chinese side has notified the US side of the progress made in US-related law enforcement operations against narcotics," Liu said.
"All these prove that the idea of China knowingly allowing fentanyl precursors to flow into the United States runs completely counter to facts and reality," Liu said.
There has been incremental but visible progress in co-operation over shutting down illicit traffic in chemicals used to produce deadly fentanyl after Xi and Biden agreed to resume joint efforts last year.
The United States, where fentanyl abuse has been a major cause of death, has pushed China for tougher law enforcement, including tackling illicit finance and clamping further controls on the chemicals.
In June, China's top prosecutor urged its law enforcement officials to focus on combating drug trafficking, as Beijing and Washington unveiled a rare joint investigation into drugs.
In August, days after a meeting of a joint counternarcotics working group, China said it would tighten controls on three chemicals essential for making fentanyl.
ຟໍຣັມສະແດງຄວາມຄິດເຫັນ