ອັດຕາຄົນຫວ່າງງານຢູ່ໃນສະຫະລັດ ຄາດວ່າ ຍັງຈະຢູ່ໃນລະດັບ 8.2 ເປີເຊັນ ເວລາກະ
ຊວງແຮງງານສະຫະລັດ ນຳເຜີຍແຜ່ລາຍງານກ່ຽວກັບເລື່ອງວຽກການສຳຫຼັບເດືອນມິຖຸ
ນາຜ່ານມາ ໃນວັນສຸກມື້ນີ້.
ແຕ່ພວກນັກເສດຖະສາດເຊື່ອວ່າ ລາຍງານຂອງລັດຖະບານອາດຈະສະແດງໃຫ້ເຫັນວ່າ
ໃນເດືອນແລ້ວນີ້ໄດ້ມີການວ່າຈ້າງຄົນງານໃໝ່ລະຫວ່າງ 90.000 ຫາ 100.000 ຄົນ
ຊຶ່ງດີກວ່າ 69.000 ຄົນ ທີ່ເພີ້ມຂຶ້ນ ໃນເດືອນພຶດສະພາ.
ລາຍງານຫວ່າງມໍ່ໆມານີ້ ໄດ້ສະແດງໃຫ້ເຫັນຮູບພາບທີ່ປະປົນກັນຂອງ ສະຫະລັດ ຊຶ່ງ
ເປັນປະເທດທີ່ມີເສດຖະກິດໃຫຍ່ສຸດໃນໂລກ. ສະຖາບັນບໍລິຫານການສົ່ງສິນຄ້າ ຊຶ່ງເປັນ
ກຸ່ມຜູ້ບໍລິຫານການຊື້ຂາຍ ໄດ້ອອກລາຍງານສອງຄັ້ງໃນອາທິດນີ້ ທີ່ສະແດງໃຫ້ເຫັນວ່າ
ການກິດຈະການດ້ານການຜະລິດຂອງໂຮງງານອຸດສາຫະກໍາ ໄດ້ຫລຸດຜ່ອນລົງໃນເດືອນ
ມິຖຸນາ ຊຶ່ງເປັນການຫລຸດລົງເທື່ອທຳອິດໃນຮອບເກຶຶອບສາມປີ ໃນຂະນະທີ່ກິດຈະການທີ່
ບໍ່ແມ່ນການຜະລິດ ຫລຸດລົງພຽງເລັກນ້ອຍໃນເດືອນແລ້ວນີ້.
ເບິ່ງວີດີໂອກ່ຽວກັບຄົນຫວ່າງງານໃນເຂດນະຄອນຫລວງວໍຊິງຕັນ:
ແຕ່ກະຊວງແຮງງານ ລາຍງງານໃນວັນພະຫັດວານນີ້ວ່າ ຄໍາຮ້ອງຂໍເງິນຫວ່າງງານເປັນ
ຄັ້ງທໍາອິດ ໄດ້ຫລຸດລົງ 14,000 ໃນອາທິດ ທີ່ສິ້ນສຸດລົງໃນວັນທີ 30 ທ້າຍເດືອນມິຖຸນາ
ໃນຂະນະທີ່ ບໍລິສັດຈ່າຍເງິນ ADP ກ່າວວ່າ ທຸລະກິດ ໄດ້ເພີ້ມວຽກງານໃໝ່ 176,000
ໜ້າວຽກ ໃນເດືອນແລ້ວນີ້.
ວິກິດການໜີ້ສິນຂອງຢູໂຣບທີ່ຍັງດຳເນີນຢູ່ຕໍ່ມາ ພ້ອມດ້ວຍສະພາບການບໍ່ໄປບໍ່ ມາທາງ
ດ້ານການເມືອງໃນວໍຊິງຕັນ ເຮັດໃຫ້ການຟື້ນໂຕຄືນຂອງສະຫະລັດຈາກ ເສດຖະກິດຕົກ
ຕໍ່າຂອງໂລກຍຸຕິລົງ.
ເບິ່ງວີດີໂອກ່ຽວກັບບັນຫາຄົນຫວ່າງງານໃນເຂດນະຄອນລອສ ແອນຈີແລສ
ລັດແຄລິຟໍເນຍ: