ທີ່ເກົາຫຼີເໜືອ ທ່ານ ກິມ ຈົ່ງ ອຸ່ນ ຜູ້ນໍາປະເທດ ໄດ້ເປີດສາກການສະເຫຼີມສະຫຼອງວັນຄົບຮອບ 60 ປີ ຂອງການສິ້ນສຸດລົງຂອງສົງ ຄາມເກົາຫຼີ.
ໃນວັນພະຫັດມື້ນີ້ ທ່ານກິມ ໄດ້ໄປສະແດງຄວາມເຄົາລົບຕໍ່ພວກເສຍຊີວິດໃນປາງສົງຄາມເກົາຫຼີ ແລະໄດ້ວາງພວງມາລາ ເພື່ອລະນຶກເຖິງການເປີດ ສຸສານແຫ່ງໃໝ່ ຢູ່ນອກນະຄອນຫຼວງພຽງຢາງ.
ມັນເປັນການປະກົດຕົວໃນທີ່ສາທາລະນະທີ່ບໍ່ຄ່ອຍຈະມີຂຶ້ນ ສໍາລັບຜູ້ນໍາໜຸ່ມຄົນນີ້ ທີ່ມີບັນດານັກລົບເກົ່າຈາກສະຫະລັດ ຈີນ ແລະຈາກປະເທດຂອງທ່ານເອງ ເຂົ້າຮ່ວມນໍາ.
ພຽງຢາງໄດ້ວາງແຜນການສະເຫຼີມສະຫຼອງທີ່ມີລັກສະນະຊາດນິຍົມ ເປັນຫຼາຍວັນ ເພື່ອສະຫຼອງສິ່ງທີ່ຕົນຖືວ່າ ເປັນໄຊຊະນະຂອງຕົນໃນສົງຄາມນອງເລືອດ ເປັນເວລາສາມປີນັ້ນ.
Steve Herman ຜູ້ສື່ຂ່າວວີໂອເອ ກໍຢູ່ໃນພິທີສະເຫຼີມສະຫຼອງດັ່ງກ່າວ ພ້ອມດ້ວຍນັກລົບເກົ່າສະຫະລັດສອງທ່ານ ທີ່ໄດ້ຮັບຫຼຽນກຽດຕິຍົດສູງ ຄື ອະດີດ ນັກບິນກອງທັບເຮືອ ທ່ານ Thomas Hudner ແລະທ່ານ Dick Bonelli ອະດີດທະຫານມາຣີນສະຫະລັດ.
![ພາບຈາກເກົາຫລີເໜືອ]()
Photo Gallery:
ນັກຂ່າວ Herman ເວົ້າວ່າ: “ພວກເຂົາເຈົ້າມາທີ່ນີ້ ເພື່ອພະຍາຍາມ ຊອກຫາສົບຂອງນັກບິນປີກຂ້າງຂອງທ່ານຮ້ອຍເອກ Hudner. ນັກບິນຄົນນັ້ນໄດ້ເອົາເຮືອບິນລົງຈອດສຸກເສີນ ຫຼັງຈາກຖືກຍິງ ໃນເດືອນທັນວາ ປີ 1950. ເວລານັ້ນ ທ່ານ Hudner ເປັນນັກບິນໄອພົ່ນຂອງກອງທັບເຮືອ ລາວໄດ້ບັງຄັບເຮືອບິນລົບຂອງລາວ ລົງຈອດສຸກເສີນຄືກັນ ເພື່ອພະຍາຍາມຊ່ວຍຊີວິດນັກບິນ Jesse Brown ນັ້ນ ແຕ່ບໍ່ສໍາເລັດ.”
ທ່ານ Hudner ໄດ້ຫວັງວ່າ ຈະໄດ້ໄປເບິ່ງສະໜາມລົບຢູ່ບໍລິເວນອ່າງນໍ້າ Chosin Reservoir ບ່ອນທີ່ນັກບິນປີກຂ້າງຂອງທ່ານປະສົບອຸບັດເຫດ ເຮືອບິນຕົກຢູ່ທີ່ນັ້ນ. ແຕ່ທ່ານ Herman ເວົ້າວ່າ ໄພນໍ້າຖ້ວມຢ່າງຮ້າຍແຮງ ເຮັດໃຫ້ຕົນບໍ່ສາມາດໄປໄດ້.
ນັກຂ່າວ Herman ເວົ້າວ່າ ນັກລົບເກົ່າທັງສອງທ່ານ ໄດ້ຮັບການເບິ່ງແຍງດູແລເປັນຢ່າງດີ ແລະໄດ້ຮັບການປົນນິບັດໃນຖານະບຸກຄົນສໍາຄັນ ໂດຍ ເຈົ້າໜ້າທີ່ເກົາຫຼີເໜືອ.
ສັນຍາສະຫງົບເສິກ ທີ່ບໍ່ແມ່ນສົນທິສັນຍາສັນຕິພາບຢ່າງເປັນທາງການນັ້ນ ໄດ້ເຮັດໃຫ້ສົງຄາມເກົາຫຼີສິ້ນສຸດລົງ ຊຶ່ງເປັນສົງຄາມທີ່ມີກໍາລັງທະຫານສະຫະປະຊາຊາດ ທີ່ນໍາໂດຍສະຫະລັດ ຕໍ່ສູ້ກັບທະຫານເກົາຫຼີເໜືອ ແລະຈີນ ຢູ່ໃນສະໜາມລົບ ທີ່ຍັງຜົນໃຫ້ມີຜູ້ເສຍຊີວິດ ແລະບາດເຈັບ ໄປສອງລ້ານກວ່າຄົນນັ້ນ.
ໃນວັນພະຫັດມື້ນີ້ ທ່ານກິມ ໄດ້ໄປສະແດງຄວາມເຄົາລົບຕໍ່ພວກເສຍຊີວິດໃນປາງສົງຄາມເກົາຫຼີ ແລະໄດ້ວາງພວງມາລາ ເພື່ອລະນຶກເຖິງການເປີດ ສຸສານແຫ່ງໃໝ່ ຢູ່ນອກນະຄອນຫຼວງພຽງຢາງ.
ມັນເປັນການປະກົດຕົວໃນທີ່ສາທາລະນະທີ່ບໍ່ຄ່ອຍຈະມີຂຶ້ນ ສໍາລັບຜູ້ນໍາໜຸ່ມຄົນນີ້ ທີ່ມີບັນດານັກລົບເກົ່າຈາກສະຫະລັດ ຈີນ ແລະຈາກປະເທດຂອງທ່ານເອງ ເຂົ້າຮ່ວມນໍາ.
ພຽງຢາງໄດ້ວາງແຜນການສະເຫຼີມສະຫຼອງທີ່ມີລັກສະນະຊາດນິຍົມ ເປັນຫຼາຍວັນ ເພື່ອສະຫຼອງສິ່ງທີ່ຕົນຖືວ່າ ເປັນໄຊຊະນະຂອງຕົນໃນສົງຄາມນອງເລືອດ ເປັນເວລາສາມປີນັ້ນ.
Steve Herman ຜູ້ສື່ຂ່າວວີໂອເອ ກໍຢູ່ໃນພິທີສະເຫຼີມສະຫຼອງດັ່ງກ່າວ ພ້ອມດ້ວຍນັກລົບເກົ່າສະຫະລັດສອງທ່ານ ທີ່ໄດ້ຮັບຫຼຽນກຽດຕິຍົດສູງ ຄື ອະດີດ ນັກບິນກອງທັບເຮືອ ທ່ານ Thomas Hudner ແລະທ່ານ Dick Bonelli ອະດີດທະຫານມາຣີນສະຫະລັດ.
ພາບຈາກເກົາຫລີເໜືອ
North Korean leader Kim Jong Un kicked off his country's celebration of the 60th anniversary of the end of the Korean War.
ນັກຂ່າວ Herman ເວົ້າວ່າ: “ພວກເຂົາເຈົ້າມາທີ່ນີ້ ເພື່ອພະຍາຍາມ ຊອກຫາສົບຂອງນັກບິນປີກຂ້າງຂອງທ່ານຮ້ອຍເອກ Hudner. ນັກບິນຄົນນັ້ນໄດ້ເອົາເຮືອບິນລົງຈອດສຸກເສີນ ຫຼັງຈາກຖືກຍິງ ໃນເດືອນທັນວາ ປີ 1950. ເວລານັ້ນ ທ່ານ Hudner ເປັນນັກບິນໄອພົ່ນຂອງກອງທັບເຮືອ ລາວໄດ້ບັງຄັບເຮືອບິນລົບຂອງລາວ ລົງຈອດສຸກເສີນຄືກັນ ເພື່ອພະຍາຍາມຊ່ວຍຊີວິດນັກບິນ Jesse Brown ນັ້ນ ແຕ່ບໍ່ສໍາເລັດ.”
ທ່ານ Hudner ໄດ້ຫວັງວ່າ ຈະໄດ້ໄປເບິ່ງສະໜາມລົບຢູ່ບໍລິເວນອ່າງນໍ້າ Chosin Reservoir ບ່ອນທີ່ນັກບິນປີກຂ້າງຂອງທ່ານປະສົບອຸບັດເຫດ ເຮືອບິນຕົກຢູ່ທີ່ນັ້ນ. ແຕ່ທ່ານ Herman ເວົ້າວ່າ ໄພນໍ້າຖ້ວມຢ່າງຮ້າຍແຮງ ເຮັດໃຫ້ຕົນບໍ່ສາມາດໄປໄດ້.
ນັກຂ່າວ Herman ເວົ້າວ່າ ນັກລົບເກົ່າທັງສອງທ່ານ ໄດ້ຮັບການເບິ່ງແຍງດູແລເປັນຢ່າງດີ ແລະໄດ້ຮັບການປົນນິບັດໃນຖານະບຸກຄົນສໍາຄັນ ໂດຍ ເຈົ້າໜ້າທີ່ເກົາຫຼີເໜືອ.
ສັນຍາສະຫງົບເສິກ ທີ່ບໍ່ແມ່ນສົນທິສັນຍາສັນຕິພາບຢ່າງເປັນທາງການນັ້ນ ໄດ້ເຮັດໃຫ້ສົງຄາມເກົາຫຼີສິ້ນສຸດລົງ ຊຶ່ງເປັນສົງຄາມທີ່ມີກໍາລັງທະຫານສະຫະປະຊາຊາດ ທີ່ນໍາໂດຍສະຫະລັດ ຕໍ່ສູ້ກັບທະຫານເກົາຫຼີເໜືອ ແລະຈີນ ຢູ່ໃນສະໜາມລົບ ທີ່ຍັງຜົນໃຫ້ມີຜູ້ເສຍຊີວິດ ແລະບາດເຈັບ ໄປສອງລ້ານກວ່າຄົນນັ້ນ.
