ລິ້ງ ສຳຫລັບເຂົ້າຫາ

logo-print

ຝີມືການອອກແບບເສື້ອຜ້າ ທີ່ລ້ຳຍຸກ ຈາກປາຣີ ເຖິງວຽງຈັນ ຂອງ ນິດຖະຍາ ສົມສະນິດ (ວີ​ດີ​ໂອ/ສະໄລດ໌​)


ສະບາຍດີທ່ານ​ຜູ້​ຟັງ​ທີ່​ຄອຍ​ຕິດຕາມ​ລາຍການ​ຊີວິດ​ຊາວ​ລາວ​ຂອງ
VOA ສະ​ເໝີ​ມາ ວັນນະສອນ​ເຂົ້າ​ໃຈ​ວ່າ ທຸກໆ​ຄົນ​ລາວ ທີ່​ມີ​ເຊື້ອສາຍ​ລາວ​ດ້ວຍ​ກັນ ບໍ່ວ່າຈະ​ຢູ່​ແຫ່ງ​ຫົນ​ໃດ​ ໃນສາກົນລະໂລກນີ້ ກໍ​ຈະ​ໄດ້​ຮຽນ​ຮູ້ ​ໄດ້ສຶກ​ສາ​ ວີ​ຖີຊີວິດ ຈາກ​ປະສົບ​ການ​ຊີວິດຂອງ​ພວກຊາວ​ລາວເຫຼົ່າ​ນັ້ນ ຊຶ່ງ​ເລື່ອງ​ລາວ​ຕ່າງ​ໆ​ນາໆ​ເຫຼົ່າ​ນີ້ ​ກໍ​ຈະ​
ຊ່ອຍເປັນ​ບົດຮຽນ​ສອນ​ໃຈ​ແລະ​ຊ່ອຍ​ເປັນ​ກຳລັງ​ໃຈ ​ໃຫ້​ພວກ​ເຮົາ​ເຈົ້າ​ຂ້ອຍ ​ໄດ້​ເອົາ​ເປັນ​ແບບ​ຢ່າງ ​ແລະ​ແວ່ນ​ແຍງ​ເພື່ອ​ໃຫ້​ສະທ້ອນ​ໃນ​ການດຳ​ເນີນ​ຊີວິດ​ຕໍ່​ໄປໃນ​ຂ້າງ​ໜ້າ​ຢ່າ​ງ
ໝັ້ນຄົງ. ເລື່ອງ​ລາວໃນຄ່ຳ​ຄືນ​ນີ້​ພິ​ເສດແດ່ ​ເພາະວ່າ​ ທາງ​ເຮົາ​ຈະນຳ​ສະ​ເໜີການ​ສຳ​ພາດ
​ກັບ ນິດຖະຍາ ສົມ​ສະ​ນິດ ນັກ​ອອກ​ແບບ​ເສື້ອ​ຜ້າ​ຂອງ ​ວົງ​ການ Fashion ​ໃນ​ນະ​ຄອນ
ຫຼວງ​ວຽງ​ຈັນ​ ສປປ ລາວ. ​ຂໍ​ເຊີນ​ທ່ານ​ຮັບ​ຟັງການ​ສຳພາດ​ຂອງ​ນິດຖະຍາ​ໄດ້​ເລີ​ຍ:

ລິງໂດຍກົງ

ຖ້າ​ຈະ​ເວົ້າເຖິງຄຳ​ວ່າ Fashion Week ກໍ​ຄື​ງານ​ຈັດສະ​ແດງ fashion ​ເສື້ອ​ຜ້າອາພອນ ທີ່​ໄດ້​ເປີດ​ໂອກາດ​ໃຫ້ ນັກ​ອອກ​ແບບ​ທັງຫຼາຍ ​ແລະ​ຫ້າງ​ຮ້ານ​ຕ່າງໆ ​ໄດ້ມີ​ໂອກາດ​ສະ​ແດງ​ຜົນງານ​ຂອງ​ພວກ​ເຂົາ​ເຈົ້າ ທີ່​ຈະ​ບອກ​ໃຫ້​ເຫັນ​ເຖິງ ແນວ​ໂນ້ມຂອງ style ຂອງ​ເສື້ອ​ຜ້າ ສີສັນ ​ໃນ​ລະດູ​ການ​ນັ້ນ ວ່າ ​style ​ແນວ​ໃດ ໝົດຄວາມ​ນິຍົມ ​ແລະ style ​ແບບໃດ ກຳລັງ​ໄດ້​ຮັບ​ຄວາມ​ນິຍົມ​ສູງ ຊຶ່ງ​ກໍ​ຈະຈັດ​ກັນ​ເປັນທັງ​ອາທິດ ຈຶ່ງ​ເປັນ​ທີ່​ມາ​ຂອງ​ຄຳ​ວ່າ Fashion Week. Fashion Week ກໍ​ຈະ​ຈັດໃຫ້ມີ​ຂຶ້ນ​ໃນ​ແວດ​ວົງ​ສັງຄົມ​ຊັ້ນ​ສູງ ດາຣາ ຄົນ​ດັງ​ຕ່າງ​ຕ່າງ​ໃຫ້​ເຂົ້າ​ເຖິງ Fashion ທີ່​ຕິດ​ອັນ​ດັບ​ໂລກ…​ໃນ​ຫົວ​ເມືອງ​ໃຫຍ່​ຕ່າງໆ​ທົ່ວ​ໂລກ ​ເຊັ່ນ: New York, Paris, Milan, London, Tokyo ບາງກອກ ​ແລະ ​ນະ​ຄອນຫຼວງ​ວຽງ​ຈັນ​ ສປປ ລາວ ​ໃນ​ທີ່​ສຸດ ຊຶ່ງ​ກໍ​ໄດ້​ຈັດ​ຂຶ້ນ​ໃນ​ເມື່ອ​ບໍ່​ດົນ​ມາ​ນີ້​ເອງ ຊຶ່ງ​ຜົນງານຂອງນິດຖະຍາ ​ໄດ້​ສ້າງ​ຄວາມຮືຮາ ​ແລະຄຶກຄັກມາ​ແລ້ວ ​ໃນ​ການສະ​ແດງ​ເສື້ອ​ຜ້າ​ອາພອນ​ໃນ Fashion Week ຄັ້ງປະຖົມມະ​ເລີກນີ້.​


ຊື່ ​ນິດຖະຍາ ສົມ​ສະ​ນິດ ນັກອອກ​ແບບ​ເສື້ອ​ຜ້າ​ ຊຶ່ງເປັນ​ທີ່ຮູ້ຈັກ​ກັນໃນວົງ​ການ​ເສື້ອ​ຜ້າ​ຂອງ​ລາວ ທີ່​ມີ​ຄວາມ​ກ້າ​ເປັນພິ​ເສດ ກ້າ​ເຮັດກ້າ​ສະ​ແດງ​ອອກ ທີ່ໄດ້​ຫັນປ່ຽນ​ມຸມ​ມອງ
​ຂອງ​ການ​ອອກ​ແບບເສື້ອ​ຜ້າ​ລາວ​ໃຫ້​ທັນ​ສະ​ໄໝ ມີ​ການ​ປະສົມ​ປະສານ ຈາກ​ປະສົບ​ການ​ຕ່າງໆ​ ທີ່​ໄດ້​ສະ​ສົມ​ແລະ​ຮ່ຳຮຽນ​ມາ​ຈາກນະຄອນຫຼວງ Parisແລະ​ການ​ນຳ​ໃຊ້​ວັດສະດຸ​ທີ່​
ເປັນ​ຂອງ​ລາວດັ້ງ​ເດີມ ​ຂະໜານແທ້ເຊັ່ນ​ໄໝ​ມ້ອນ ທີ່​ເຮັດ​ດ້ວຍ​ມື ຈາກ​ສີທຳ​ມະ​ຊາດ ​ຮວມກັບ​ສະ​ໄຕລ໌ ຂອງ​ຢູ​ໂຣບ ຊຶ່ງ​ນິດຕະຍາ​ເລົ່າ​ໃຫ້​ຟັງ​ວ່າ…ບໍ່​ເຄີຍ​ຮູ້ບໍ່​ຄຸ້ນ​ເຄີຍ​ແລະ​
ເຂົ້າ​ໃຈ​ກ່ຽວ​ກັບ​ຜ້າ​ໄໝ​ລາວ ຕອນ​ຢູ່​ທີ່​ຝຣັ່ງ ຈົນພໍ​ມາ​ຮອດ​ລາວ​ແລ້ວ​ໄດ້​ນຳ​ເອົາ​ຜ້າ​ໄໝ​ລາວ​ມາ​ອອກ​ແບບ ​ຊຶ່ງ​ມັນ​ເປັນ​ຈຸດປະກາຍ​ໃຫ້​ນິດຖະຍາ ນຳ​ໃຊ້​ຜ້​າໄໝ​ລາວໃນ​ການ​ອອກ​ແບບ​ຊຸດ​ລາຕີໃຫ້​ຍິ່ງ​ໃຫຍ່ ງົດ​ງາມ​ແລະແປກຕາ ຊຶ່ງ​ນິດຖະຍາເລົ່າ​ໃຫ້​ຟັງ​ວ່າ:

ລິງໂດຍກົງ
Nithaya
Nithaya

ຜົນງານ​ເດັ່ນ​ໆທີ່​ໄດ້​ສ້າງ​ຊື່​ສຽງ​ໃຫ້​ກັບນິດຖະຍາ ນອກຈາກ​
ການສະ​ແດງ Fashion Show ​ໃນ Paris ແລ້ວ​ ນິດຕະຍາ ຍັງໄດ້ເປັນນຶ່ງໃນສາມປະເທດຈາກກຸ່ມ 10 ປະເທດ ASEAN
ທີ່​ຖືກ​ຄັດ​ເລືອກ​ເຂົ້າ​ຮອບຊະນະ​ເລີດ​ໃນ​ງານ​ສະ​ແດງ​ຜົນງານ
ຈັດ​ຂຶ້ນ​ເພື່ອ​ສະຫຼອງ​ວັນ​ປະສູດ ຂອງ​ສົມ​ເດັດ​ພະຣາຊີນີ​ໄທ
ຊຶ່ງ​ເປັນ​ການ​ແຫວກ​ແນວ ອີກແບບ​ໃໝ່ ທີ່​ນິດທະຍາ ​ໄດ້​ໃຊ້​
ຜ້າ​ໄໝ​ໝັດ​ໝີ່ ອອກ​ແບບ ຊຶ່ງ​ເປັນ​ທີ່​ຖືກ​ຕາ​ຕ້ອງ​ໃຈ ທັງ​ຊາວ
​ໄທ​ແລະ​ຕ່າງປະ​ເທດ​ຊຶ່ງນິດຖະຍາ ເລົ່າ​ເຖິງ​ປະສົບ​ການ​
ໃນ​ຄັ້ງ​ນີ້ ​ໃຫ້​ຟັງ​ວ່າ:

ລິງໂດຍກົງ
Nithaya
Nithaya

ຜົນງານ​ຂອງນິດຖະຍາ​ ໃນໄລຍະຫຼັງໆ​ສຸດ​ນີ້ ກໍ​ຈະ​ມັກ​ຈະ​ອອກ​ມາ​
ໃນ​ແບບ​ໂບຮານ ຊຶ່ງ​ນິດຕະຍາ ບ​ອກວ່າ ມັກ​ຮັກ​ໃນ​ຄວາມ​ເປັນ​ລາວ
​ຂອງ​ປະຫວັດສາດ​ແລະ​ທີ່​ມາ​ຂອງ​ເສື້ອ​ຜ້າອາພອນ ​ແບບ​ໂບຮານ
ດັ້ງເດີ​ມ ທີ່​ຈະ​ເຫັນ​ກັນໃນ​ແບບ​ຮູບ​ແຕ້ມ​ ຕາມ​ຝາ​ພະ​ໜັງ​ໃນ​ວັດວາ
ອາ​ຮາມ ຜົນງານ​ທີ່ນິດທະຍາ​ພູມ​ໃຈ​ອີກເລື່ອງ​ນຶ່ງ ກໍ​ຄື​ການ​ທີ່​ໄດ້​
ອອກ​ແບບ​ເສື້ອຜ້າ​ໃຫ້​ຕົວ​ລະຄ​ອນ​ໃນ​ການສະ​ແດງ Opera ຂອງ
​ຊາວ​ຝຣັ່ງ ທີ່​ມີນາ​ງລຳ​ໃນເລື້ອງ​ນັ້ນ ທີ່​ໄດ້​ສ້າງ​ຄວາມ​ປະ​ທັບ​ໃຈ​ໃຫ້
​ແກ່​ຜູ້​ຈັດ ທີ່​ຕອນ​ທຳ​ອິດ​ບອກ​ປະຕິເສດ​ໄປ​ນັ້ນ ຊຶ່ງ​ນິດຖະ​ຍາ​ກ່າວ​
ອະທິ​ບາຍ​ເພີ່ມ​ຕື່ມ​ວ່າ:

ລິງໂດຍກົງ
Wow Fashion Week
Wow Fashion Week

ຜົນງານທີ່ນິດທະຍາ ໄດ້​ອອກ​ແບບ​ໄປ​ນັ້ນ ແມ່ນໄດ້ສ້າງ​ຊື່​ສຽງ​
ຊ້ຳ​ແລ້ວ​ຊ້ຳ​ເລົ່າ ບໍ່​ພຽງ​ແຕ່ໃນ Paris ​ແລະ​ວຽງ​ຈັນ ແຕ່​ກັບ​ໄປ​
ໂດ່​ງດັງ​ໃນ​ປະ​ເທດ​ໄທ​ນຳ ແລະຜົນງານຫຼ້າ​ສຸດ​ທີ່​ໄປ​ຖືກ​ຕາ
​ຕ້ອງ​ໃຈ​ກັບວາຣະສານ WOW ທີ່​ມີ​ທັງ​ສອງ​ພາສາ ລາວ​-ໄທ ນັ້ນ
​ແລະ​ກໍ​ໄດ້​ຈັດ fashion week ຮ່ວມ​ ​ລະຫວ່າງ​ລາວ-​ໄທ​ເປັນ
​ຄັ້ງ​ທຳ​ອິດ ​ໃນຕົ້ນ​ເດືອນກໍລະກົດ​ທີ່​ຜ່ານ​ມາ​ນີ້ ຊຶ່ງນິດຖະຍາ
​ເປັນ​ພຽງ​ແຕ່​ນຶ່ງ​ໃນ​ສອງ​ນັກ​ອອກ​ແບບ​ເສື້ອ​ຜ້າ​ຂອງ​ລາງ​ທີ່​
ໄດ້​ກຽດເຂົ້າຮ່ວມຊຶ່ງ​ນິດຖະ​ຍາໂອ້​ລົມ​ກັບ VOA ດັ່ງ​ບົດ​ສຳ
ພາດ​ດັ່ງ​ຕໍ່​ໄປ​ນີ້: ​

ລິງໂດຍກົງ
ການອອກແບບເສື້ອຜ້າ ທີ່ບໍ່ເໝືອນໃຜ ຂອງນິດຖະຍາ ສົມສະນິດ
ການອອກແບບເສື້ອຜ້າ ທີ່ບໍ່ເໝືອນໃຜ ຂອງນິດຖະຍາ ສົມສະນິດ

ກ່ອນ​ຈົບ​ການ​ສຳພາດ​ຄັ້ງ​ນີ້ ນິດທະ​ຍາກ່າວ​ສະຫຼຸບ​ແລະ​ຝາກ​ຝັ່ງ
​ພວກ​ນັກ​ອອກ​ແບບ​ເສື້ອ​ຜ້າ ຂອງ​ລາວ ທັງຫຼາຍ​ນັ້ນ​ ຕ້ອງຕາ​ມຫາ​
ແລະ​ຄົ້ນ​ພົບ​ຕົວ​ເອງ ບໍ່ແມ່ນຈະ​ເຮົາ​ຕາມ​ແບບ​ຂອງ​ຄົນ​ອື່ນ ຊຶ່ງນິດ
ຖະ​ຍາ​ ຝາກ​ຄຳ​ເວົ້າ​ກິນ​ໃຈ​ໄວ້​ດັ່ງ​ນີ້:​

ລິງໂດຍກົງ

ຫຼາຍໆ​ທ່ານ​ຄົງ​ຈະ​ຄຸ້ນ​ເຄີຍ​ກັບຜົນງານ​ປັກ​ດິ້ງ​ເງິນ ດິ້ງ​ຄຳ ຕົ້ນ​ສະ​ບັບ
ຈາກ​ພະລາດ​ຊະ​ວັງລາວ​ລ້ານ​ຊ້າງນະ​ໜານ​ແທ້ ຊຶ່ງ​ເຈົ້າ ​ນິດ​ຖາ​ຄົງ
ສົມ​ສະນິດ ​ເປັນ​ອາວ​ແທ້ໆ​ຂອງ ນິດຖະ​ຍາ​ນິດຖະ​ຍາ ມີ​ຊື່​ຈິງ​ວ່າ
ນິດຖະ​ຍາວົງ ສົມ​ສະ​ນິດ ​ເປັນລູກ​ຂອງ​ເຈົ້າ​ນິດ​ຖະໜົມ ສົມ​ສະ​ນິດ​
ແລະ​ມະ​ທິດາ ສິທຳ​ມະ​ວົງ. ປະຈຸບັນ​ນີ້ ນິດຖະຍາ ກໍ​ຈະ​ອາໄສ​ຢູ່​
ທັງ​ສອງ​ປະ​ເທດ ທັງ​ລາວ​ແລະ​ຝຣັ່ງ ແລະ​ກໍ​ຈະ​ສ້າງ​ສືບ​ຕໍ່​ສ້າງຜົນ
ງານດີ​ໆ​ທີ່​ລ້ຳ​ໜ້າ ໃຫ້​ຊາວ​ລາວ​ໄດ້​ພູມ​ໃຈກັນ​ອີກ​ຕໍ່ໆ​ໄປ ​ແລະ​ທາງ​
ລາຍການຊີວິດ​ຊາວ​ລາວ​ຂອງ VOA ກໍ​ຈະ​ຄອຍ​ຕິດຕາມ ​ເລື່ອງ​ລາວ​
ຂອງຜູ້​ກ່ຽວ ມາ​ສະ​ເໜີ​ທ່ານ​ຜູ້​ຟັງ​ອີກ​ໃນ​ໂອກາດ​ໜ້າ ກະລຸນາ​ຄອຍ
ຕິດຕາມ.

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG