ບັນດາເຈົ້າໜ້າທີ່ໃນພາກຕາເວັນຕົກສຽງເໜືອຂອງປາກິສຖານ
ກ່າວວ່າ ເຮືອບິນເຮລິຄອບເຕີຕິດອາວຸດໄດ້ທໍາການໂຈມຕີບ່ອນ
ຫລົບລີ້ ຂອງພວກຫົວຮຸນແຮງກຸ່ມນຶ່ງ ແລະໄດ້ສັງຫານຜູ້ຕ້ອງສົງ
ໄສເກົ້າຄົນ.
ບັນດາເຈົ້າໜ້າທີ່ກ່າວວ່າ ທະຫານໄດ້ເລີ້ມທໍາການໂຈມຕີໃນ
ວັນເສົາມື້ນີ້ ຢູ່ທີ່ບ້ານ Thal ໃນເຂດ ເມືອງ Hangsu ແຂວງ
Khyber Pakhtunkhwa.
ໃນຕົ້ນອາທິດນີ້ ບັນດາເຈົ້າໜ້າທີ່ທະຫານປາກິສຖານກ່າວ
ວ່າເຮືອບິນລົບອາຍພົ່ນ ໄດ້ຖີ້ມລະເບີດໃສ່ບ່ອນຫລົບລີ້ຂອງພວກຫົວຮຸນແຮງ ໃນເຂດ
Waziristan ເໜືອ ຊຶ່ງເປັນເຂດຊົນເຜົ່າແລະໄດ້ສັງຫານຜູ້ຕ້ອງສົງໄສເປັນພວກກະບົດ
15 ຄົນ.
ການໂຈມຕີ ໃນວັນພຸດທີ່ຜ່ານມາ ແມ່ນໄດ້ແນໃສ່ ໂຕເມືອງ Mir Ali ບ່ອນທີ່ ພວກຫົວ
ຮຸນແຮງໄດ້ດຳເນີນການໃນຂອບເຂດທີ່ກວ້າງຂວາງນັ້ນ.
ເຈົ້າໜ້າທີ່ລັດຖະບານຄົນນຶ່ງ ກ່າວວ່າ ມີການຢຶດແກັດອາວຸດແລະລູກປືນໄດ້ຈຳນວນ
ນຶ່ງ ໃນລະຫວ່າງການໂຈມຕີ.
ໃນອາທິດທີ່ຜ່ານມານີ້ ພວກທາລິບານຈຸນຶ່ງໄດ້ອ້າງເອົາຄວາມຮັບຜິດຊອບວ່າ ຕົນໄດ້
ສັງຫານທະຫານປາກິສຖານ 23 ຄົນ ທີ່ຖືກລັກພາໂຕໄປ.
ຫລັງຈາກລາຍງານດັ່ງກ່າວ ການເຈລະຈາສັນຕິພາບ ລະຫວ່າງຜູ້ຕາງໜ້າທາລິບານ
ແລະເຈົ້າໜ້າທີ່ປາກິສຖານ ໄດ້ຢຸດຊະງັກລົງ. ບັນດາເຈົ້າໜ້າທີ່ ລັດຖະບານ ກ່າວວ່າ
ການຢຸດຍິງຕ້ອງມີຂື້ນ ກ່ອນການເຈລະຈາຈະສາມາດເລີ້ມໄດ້.
ກ່າວວ່າ ເຮືອບິນເຮລິຄອບເຕີຕິດອາວຸດໄດ້ທໍາການໂຈມຕີບ່ອນ
ຫລົບລີ້ ຂອງພວກຫົວຮຸນແຮງກຸ່ມນຶ່ງ ແລະໄດ້ສັງຫານຜູ້ຕ້ອງສົງ
ໄສເກົ້າຄົນ.
ບັນດາເຈົ້າໜ້າທີ່ກ່າວວ່າ ທະຫານໄດ້ເລີ້ມທໍາການໂຈມຕີໃນ
ວັນເສົາມື້ນີ້ ຢູ່ທີ່ບ້ານ Thal ໃນເຂດ ເມືອງ Hangsu ແຂວງ
Khyber Pakhtunkhwa.
ໃນຕົ້ນອາທິດນີ້ ບັນດາເຈົ້າໜ້າທີ່ທະຫານປາກິສຖານກ່າວ
ວ່າເຮືອບິນລົບອາຍພົ່ນ ໄດ້ຖີ້ມລະເບີດໃສ່ບ່ອນຫລົບລີ້ຂອງພວກຫົວຮຸນແຮງ ໃນເຂດ
Waziristan ເໜືອ ຊຶ່ງເປັນເຂດຊົນເຜົ່າແລະໄດ້ສັງຫານຜູ້ຕ້ອງສົງໄສເປັນພວກກະບົດ
15 ຄົນ.
ການໂຈມຕີ ໃນວັນພຸດທີ່ຜ່ານມາ ແມ່ນໄດ້ແນໃສ່ ໂຕເມືອງ Mir Ali ບ່ອນທີ່ ພວກຫົວ
ຮຸນແຮງໄດ້ດຳເນີນການໃນຂອບເຂດທີ່ກວ້າງຂວາງນັ້ນ.
ເຈົ້າໜ້າທີ່ລັດຖະບານຄົນນຶ່ງ ກ່າວວ່າ ມີການຢຶດແກັດອາວຸດແລະລູກປືນໄດ້ຈຳນວນ
ນຶ່ງ ໃນລະຫວ່າງການໂຈມຕີ.
ໃນອາທິດທີ່ຜ່ານມານີ້ ພວກທາລິບານຈຸນຶ່ງໄດ້ອ້າງເອົາຄວາມຮັບຜິດຊອບວ່າ ຕົນໄດ້
ສັງຫານທະຫານປາກິສຖານ 23 ຄົນ ທີ່ຖືກລັກພາໂຕໄປ.
ຫລັງຈາກລາຍງານດັ່ງກ່າວ ການເຈລະຈາສັນຕິພາບ ລະຫວ່າງຜູ້ຕາງໜ້າທາລິບານ
ແລະເຈົ້າໜ້າທີ່ປາກິສຖານ ໄດ້ຢຸດຊະງັກລົງ. ບັນດາເຈົ້າໜ້າທີ່ ລັດຖະບານ ກ່າວວ່າ
ການຢຸດຍິງຕ້ອງມີຂື້ນ ກ່ອນການເຈລະຈາຈະສາມາດເລີ້ມໄດ້.
