ຢູເຄຣນກ່າວວ່າ ຕົນໄດ້ເຂົ້າຄວບຄຸມ ເມືອງສຳຄັນເມືອງນຶ່ງຄືນ
ໃນພາກຕາເວັນອອກຂອງປະເທດບ່ອນທີ່ພວກກະບົດແລະທະ
ຫານຂອງຝ່າຍລັດຖະບານທຳການຕໍ່ສູ້ກັນເພື່ອເຂົ້າຄອບຄອງ
ດິນແດນດັ່ງກ່າວ.
ໂຄສົກ ປະຈຳອົງການຮັກສາຄວາມປອດໄພແຫ່ງຊາດຢູເຄຣນ
ທ່ານ Andriy Lysenko ກ່າວໃນວັນພຸດວານນີ້ວ່າ ທະຫານຢູ
ເຄຣນໄດ້ຍຶດເອົາເມືອງ Ilovaisk ຄືນຫຼັງຈາກໄດ້ທຳການສູ້ລົບ
ກັນຢ່າງໜັກ ກັບພວກຫົວແບ່ງແຍກນິຍົມຣັດເຊຍ.
ທ່ານ Lysenko ກ່າວຕໍ່ພວກນັກຂ່າວວ່າ ທ່ານບໍ່ສາມາດເວົ້າວ່າເມືອງດັ່ງກ່າວ “ບໍ່ມີພວກກໍ່ການຮ້າຍແລ້ວ” ແຕ່ກໍກ່າວວ່າ ພວກກຳລັງຂອງຢູເຄຣນໄດ້ “ເຂົ້າໄປໃນເມືອງຢ່າງສິ້ນ
ເຊີງແລ້ວ”. ແຕ່ທ່ານກ່າວວ່າ ພວກນັກຕໍ່ສູ້ຝ່າຍກະບົດຍັງສືບຕໍ່ທຳການໂຈມຕີໂຕ້ຕອບ
ກັບທະຫານຂອງລັດຖະບານໃນຂົງເຂດຢູ່. ທ່ານ Lysenko ບັນລະຍາຍເມືອງ Ilovaisk
ທີ່ຕັ້ງຢູ່ ຫ່າງຈາກເມືອງ Donetsk 40 ຫລັກກິໂລແມັດ ເປັນສູນກາງທາງພະລາທິການ
ສຳລັບພວກນັກຕໍ່ສູ້ຝ່າຍກະບົດຍ້ອນສາຍທາງແລະທາງລົດໄຟທີ່ສຳຄັນຂອງເມືອງດັ່ງ
ກ່າວ.
ພວກຜູ້ບັນຊາການຢູເຄຣນຍັງກ່າວເຊັ່ນກັນວ່າພວກເຂົາເຈົ້າກຳລັງ ປິດລ້ອມເມືອງ Donetsk ທີ່ໝັ້ນຂອງພວກກະບົດ ແລະການສູ້ລົບກັນ ຍັງດຳເນີນສືບຕໍ່ໄປ ໃນແຂວງ Luhansk ໃກ້ກັບຊາຍແດນຣັດເຊຍນັ້ນ.
ຕໍ່ມາ ໃນວັນພຸດວານນີ້ ທ່ານ Lysenko ກ່າວຕໍ່ບັນດານັກຂ່າວວ່າ ເຮືອບິນລົບອາຍພົ່ນບ່ອນນັ່ງດຽວ ຮຸ່ນ SU-25 ລຳນຶ່ງຂອງຢູເຄຣນ ໄດ້ຖືກຍິງຕົກ ໃນແຂວງ Luhansk ທີ່ຢູ່ພາຍໃຕ້ການຄວບຄຸມຂອງພວກກະບົດ ແຕ່ຍັງບໍ່ຮູ້ວ່າ ແມ່ນພວກໃດແທ້ເປັນຜູ້ຍິງ ແລະຊະຕາກຳຂອງນັກບິນ ກໍຍັງບໍ່ທັນຮູ້ຈັກກັນເທື່ອ.
ບັນດາເຈົ້າໜ້າທີ່ໃນທ້ອງຖິ່ນ ກ່າວວ່າ ພວກພົນລະເຮືອນ 34 ຄົນ ແລະ ທະຫານຢູເຄຣນ ຢ່າງໜ້ອຍ 9 ຄົນ ໄດ້ເສຍຊີວິດໃນການສູ້ລົບກັນ ໃນໄລຍະສອງມື້ຜ່ານມານີ້.
ຢູເຄຣນ ເລີ້ມປ່ອຍ ຂະບວນລົດ ຣັດເຊຍ
