ລິ້ງ ສຳຫລັບເຂົ້າຫາ

ວັນສຸກ, ໑໙ ເມສາ ໒໐໒໔

ນັກເຄື່ອນໄຫວຊາວຮົງກົງ 9 ຄົນ ໄດ້ຖືກສານຕັດສິນລົງໂທດ ໃນຖານເຂົ້າຮ່ວມການໄຕ້ທຽນໄວ້ອາໄລ ທີ່ທາງການໄດ້ຫ້າມ


ພວກຈຳເລີຍແຕ່ລະຄົນ ລວມມີນັກເຄື່ອນໄຫວເພື່ອປະຊາທິປະໄຕ ທ່ານອາລເບີດ ໂຮ (Albert Ho), ຢູ່ກາງ, ແລະທ່ານເຢິງ ຊຳ (Yeung Sum), ຢູ່ຂວາ, ເດີນທາງໄປເຖິງສານໃນຮົງກົງ, ວັນທີ 17 ເມສາ 2021.
ພວກຈຳເລີຍແຕ່ລະຄົນ ລວມມີນັກເຄື່ອນໄຫວເພື່ອປະຊາທິປະໄຕ ທ່ານອາລເບີດ ໂຮ (Albert Ho), ຢູ່ກາງ, ແລະທ່ານເຢິງ ຊຳ (Yeung Sum), ຢູ່ຂວາ, ເດີນທາງໄປເຖິງສານໃນຮົງກົງ, ວັນທີ 17 ເມສາ 2021.

ພວກນັກເຄື່ອນໄຫວເພື່ອປະຊາທິປະໄຕຊາວຮົງກົງ 9 ຄົນ ໄດ້ຖືກສານຕັດສິນລົງໂທດຈຳຄຸກ ເປັນເວລາຫຼາຍເດືອນ ໃນຖານເຂົ້າຮ່ວມພິທີໄຕ້ທຽນໄວ້ອາໄລເພື່ອລະນຶກເຖິງ ການປາບປາມອັນໂຫດຮ້າຍ ຢູ່ທີ່ຈັດຕຸລັດທຽນອັນເໝິນ ຕໍ່ພວກນັກສຶກສາປະທ້ວງທັງຫຼາຍ ໂດຍບໍ່ໄດ້ຮັບອະນຸຍາດນັ້ນ.

ພວກຈຳເລີຍທັງ 9 ຄົນດັ່ງກ່າວ ລວມມີບຸກຄົນທີ່ສຳຄັນເຊັ່ນ ທ່ານອາລເບີດ ໂຮ (Albert Ho) ແລະທ່ານຟີໂກ ແຊນ (Figo Chan) ຜູ້ທີ່ໄດ້ຖືກຕັດສິນລົງໂທດຫຼາຍກະທົງເມື່ອຕົ້ນເດືອນນີ້ ສຳລັບການເຂົ້າຮ່ວມໃນການປະທ້ວງທີ່ບໍ່ໄດ້ຮັບອະນຸຍາດໃນເດືອນຕຸລາ ປີ 2019 ໃນຊ່ວງຈຸດສູງສຸດຂອງການປະທ້ວງຕໍ່ຕ້ານລັດຖະບານ ທີ່ໄດ້ເກີດຈາກຮ່າງກົດໝາຍສົ່ງຄົນຮ້າຍໄປຈີນແຜ່ນດິນໃຫຍ່ທີ່ກາຍເປັນເລື້ອງນອງນັນ ແລະໄດ້ຫັນປ່ຽນໄປເປັນການຮຽກຮ້ອງເພື່ອເສລີພາບຫຼາຍຂຶ້ນກວ່າເກົ່າ ສຳລັບສູນກາງການເງິນແຫ່ງນີ້.

ພວກຈຳເລີຍທັງ 9 ຄົນໄດ້ສາລະພາບຜິດ ໃນຕົ້ນເດືອນນີ້ ສຳລັບການເຂົ້າຮ່ວມໃນພິທີໄຕ້ທຽນໄວ້ອາໄລ ຊຶ່ງທາງການໄດ້ຫ້າມ ໂດຍອ້າງອີງໃສ່ການລະບາດຂອງໄວຣັສໂຄວິດ-19. ຕາມປົກກະຕິແລ້ວ ການໄຕ້ທຽນໄວ້ອາໄລໄດ້ຖືກຈັດຂຶ້ນໃນແຕ່ລະປີ ເພື່ອລະນຶກເຖິງການປາບປາມຕໍ່ການປະທ້ວງເພື່ອປະຊາທິປະໄຕ ນຳພາໂດຍນັກສຶກສາ ໃນວັນທີ 4 ມິຖຸນາ ປີ 1989 ທີ່ໄດ້ຈັດຕັ້ງຂຶ້ນຢູ່ທີ່ຈັດຕຸລັດທຽນອັນເໝິນຂອງປັກກິ່ງ ບ່ອນທີ່ພວກເຂົາໄດ້ຮຽກຮ້ອງໃຫ້ຍຸຕິການສໍ້ລາດບັງຫຼວງຂອງເຈົ້າໜ້າທີ່ ປະຕິຮູບດ້ານການເມືອງ ແລະໃຫ້ມີສັງຄົມທີ່ເປັນທຳ ແລະເປີດກວ້າງຫຼາຍຂຶ້ນຕື່ມ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG