ລິ້ງ ສຳຫລັບເຂົ້າຫາ

ວັນອັງຄານ, ໒໓ ເມສາ ໒໐໒໔

ກະດູກ ຜູ້ເຄາະຮ້າຍ ຈາກການໂຈມຕີ ເມື່ອວັນທີ 11 ກັນຍາ ຖືກພິສູດ ເກືອບ 16 ປີ ຫຼັງຈາກເກີດເຫດ


ບັນດາຜູ້ມາຢ້ຽມຢາມ ເອົາມືຈັບຊື່ຂອງຜູ້ເຄາະຮ້າຍ ຈາກການໂຈມຕີ ເມື່ອວັນທີ 11 ກັນຍາ ປີ 2001.
ບັນດາຜູ້ມາຢ້ຽມຢາມ ເອົາມືຈັບຊື່ຂອງຜູ້ເຄາະຮ້າຍ ຈາກການໂຈມຕີ ເມື່ອວັນທີ 11 ກັນຍາ ປີ 2001.

ຊາກ​ກະດູກ​ຂອງ​ຜູ້​ຊາຍ​ຄົນ​ນຶ່ງ ​ທີ່ເສ​ຍຊີວິດໃນການ​ໂຈມ​ຕີ ຢູ່​ຕຶກ​ສູນ​ກາງ​ການ​ຄ້າ​ໂລກ​
ຫຼື World Trade Center ທີ່​ນະຄອນ​ນິວຢ​ອກ ​ເມື່ອ​ວັນ​ທີ 11 ​ກັນຍາ ປີ 2001 ​ໄດ້ຮັບ
ການພິສູດເກືອບ 16 ປີ​ ຫລັງ​ຈາກ​ການ​ໂຈມ​ຕີ ທີ່​ຮ້າ​ຍ​ແຮງເກີດຂຶ້ນ.

ຫ້ອງການ​ພິສູດ​ຊາກ​ສົບ​ຂອງ​ນະຄອນ​ນິວຢອກ ປະ​ກາດ ກ່ຽວກັບການ​ພົບ​ເຫັນ​ໃນ​ວັນ​
ຈັນວານນີ້​ແຕ່ຍັງ​ໂຈະ​ບໍ່​ບອກ​ຊື່​ຂອງ​ຜູ້​ຊາຍ​ຄົນ​ນັ້ນ​ຊຶ່​ງ​ເປັນຄວາມ​ຮ້ອງ​ຂໍ​ຂອງ​ຄອບຄົວ.

ນີ້​ເປັນ​ການພິສູດ​ກະດູກ​ໃໝ່ ​ເທື່ອ​ທຳ​ອິດ ​ທີ່​ໄດ້​ເຮັດ ນັບ​ແຕ່​ເດືອນ​ມີນາ ​ປີ 2015 ເປັນ
ຕົ້ນມາ.

ກະດູກຂອງຜູ້ເຄາະຮ້າຍ ທັງໝົດ​ 1,641 ​ຄົນ ໄດ້​ຮັບການພິສູດ​ແລ້ວ ນີ້​ໝາຍ​ຄວາມ​ວ່າ
40 ​ເປີ​ເຊັນ​ຂອ​ງຜູ້​ເສຍ​ຊີວິດໃນວັນ​ນັ້ນ ຍັງບໍ່​ທັນ​ໄດ້ຮັບການ​ພິ​ສູດ​ກະດູກ​ເທື່ອ.

ຫ້ອງການ​ກວດສອບທາງການແພດ​ກ່າວ​ວ່າ ​ເຄື່ອງ​ເທັກ​ໂນ​ໂລ​ຈີໃໝ່​ໄດ້​ສົ່ງ​ອອກ​ມາ​ໃຊ້
ເພື່ອກວດ​ເບິ່ງ DNA ທີ່​ສຳຄັນ ​ໃນ​ຕົ້ນ​ເດືອນ​ນີ້ ​ແລະ​ໄດ້ຊ່ວຍໃນການ​ພິ​ສູດ​ເທື່ອ​ຫຼ້າສຸດ
ຫລັງຈາກການກວດສອບ ໃນຂັ້ນຕົ້ນບໍ່ໄດ້ຜົນຫຍັງເລີຍ.

​ກະດູກມະນຸດເກືອບ 22,000 ​ສິ້ນ ​ໄດ້​ຖືກເກັບ​ກໍາມາ​ ຈາ​ກບ່ອນທີ່ຖືກໂຈມຕີທີ່ເອີ້ນວ່າ
Ground Zero ທີ່​ໄດ້​ກວດ​ສອບ ​ແລະ​ກວດ​ສອບຄືນ​ໃໝ່ ນັບ​ແ​ຕ່ປີ 2001 ​ເປັນຕົ້ນມາ
ໃນຄວາມພະຍາຍາມເພື່ອຈະສົ່ງກະດູກ​ເຫຼົ່ານີ້ ​ໃຫ້​ແກ່​ຄອບຄົວ​ເຂົາ​ເຈົ້າ.

ອ່ານຂ່າວນີ້ເພີ່ມເປັນພາສາອັງກິດ

XS
SM
MD
LG