ລິ້ງ ສຳຫລັບເຂົ້າຫາ

ວັນອັງຄານ, ໒໘ ພຶດສະພາ ໒໐໒໔

ປ. ໄນຈີເຣຍ ອອກຈາກ ບ່ອນໂຄສະນາ ບໍ່ເທົ່າໃດນາທີ ກ່ອນລະເບີດແຕກ


ທະຫານໄນຈີເຣຍ ຄົນນຶ່ງກຳລັງຢືນຍາມຮັກສາຄວາມປອດໄພ ໃນຂະນະທີ່ ປະທານາທິບໍດີ Goodluck Jonathan ໂຄສະນະຫາສຽງທີ່ ເມືອງ Yola ປະເທດໄນຈີເຣຍ.
ທະຫານໄນຈີເຣຍ ຄົນນຶ່ງກຳລັງຢືນຍາມຮັກສາຄວາມປອດໄພ ໃນຂະນະທີ່ ປະທານາທິບໍດີ Goodluck Jonathan ໂຄສະນະຫາສຽງທີ່ ເມືອງ Yola ປະເທດໄນຈີເຣຍ.

ລະ​ເບີ​ດ​ລູກ​ນຶ່ງ​ໄດ້​ແຕກ​ຂື້ນ​ຢູ່​ນອກ​ເດີ່ນ​ກິລາ ທາງ​ພາກ​ເໜືອ​
ຂອງ​ໄນ​ຈີເຣຍ​ ໃນ​ວັນ​ຈັນວານ​ນີ້ ພຽງ​ບໍ່​ເທົ່າ​ໃດ​ນາ​ທີຫລັງ​ຈາກ
ປະທານາທິບໍດີ Goodluck Jonathan ​ໄດ້​ອອກ​ຈາກ​ບ່ອນ​
ໂຄສະນາ​ຫາ​ສຽງຢູ່ສະຖານທີ່ດັ່ງກ່າວ.

ຕຳຫລວດ​ກ່າວ​ວ່າ ຢ່າ​ງໜ້ອຍ​ຜູ້ຍິງວາງ​ລະ​ເບີດ​ສະລະ​ຊີບ​ຄົນ​
ນຶ່ງ ​ໄດ້​ພົວພັນກັບ ການ​ໂຈມ​ຕີ ຢູ່​ທີ່ເມືອງ Gombe. ບັນດາ​
ພະນັກງານ​ກູ້​ໄພ​ກ່າວ​ວ່າ ຜູ້ຍິງ​ວາງ​ລະ​ເບີດ​ສະລະ​ຊີບຄົນ​ທີ
ສອງ ອາດ​ໄດ້​ເສຍ​ຊີວິດ​ຍ້ອນເຫດ​ລະ​ເບີດ​ແຕກ. ສິບ​ແປດ​ຄົນ
ທີ່ໄດ້​ຮັບບາດເ​ຈັບ ໄດ້ຮັບການປິ່ນປົວຢູ່ທີ່​ໂຮງໝໍ​ທ້ອງ​ຖິ່ນ.

ຍັງ​ບໍ່​ມີ​ການ​ອ້າງ​ເອົາ​ຄວາມ​ຮັບຜິດຊອບ​ໃນການວາງລະ​ເບີດດັ່ງກ່າວນີ້ເທື່ອ ​ແຕ່​ການ​ສົງ​
ໄສ​ໄດ້​ຕົກ​ໃສ່ພວກ​ຫົວ​ຮຸນ​ແຮງ Boko Haram ​ທີ່​ໄດ້ທຳການ​ໂຈມ​ຕີ​ຢູ່​ໃນ​ຂົງ​ເຂດ​ຫລາຍ
​ຄັ້ງ​ມາ​ແລ້ວ. ​ໃນ​ວັນ​ອາທິດທີ່​ຜ່ານ​ມານີ້ ການ​ໂຈມ​ຕີ​ສະລະ​ຊີບ ​ຢູ່ໃນ​ເມືອງດັ່ງກ່າວ ​ກໍເຮັດ
​ໃຫ້​ຫ້າ​ຄົນ​ເສຍ​ຊີວິດ.

ຄວາມຮຸນ​ແຮງ​ໄດ້​ເພີ້ມທະ​ວີ​ຂື້ນ ​ໃນ​ຂະນະ​ທີ່​ການ​ເລືອກ​ຕັ້ງ​ປະທານາທິບໍດີ ​ໄນ​ຈີ​ເຣຍ ​ໃນ
​ວັນ​ທີ 14 ​ເດືອນ​ກຸມພາ ກຳລັງຢ່າງ​ກ້າວ​ເຂົ້າ​ມາ. ປະຊາຊົນໃນເມືອງ Konduga ຢູ່ໃນ
​ລັດ Borno ກ່າວ​ຕໍ່ວີ​ໂອເອວ່າ ພວກ Boko Haram ​ໄດ້​ໂຈມ​ຕີເມືອງດັ່ງກ່າວ ​ໃນ​ຕອນ​
ບ່າຍຂອງວັນ​ອາທິດ ​ແຕ່​ໄດ້​ຖືກ​ຂັບໄລ່ໃຫ້ແຕກ ຖອຍໄປ ​ໂດຍທະຫານໄນຈີ​ເຣຍ.

​ໃນ​ຂະນະ​ດຽວ​ກັນ ພວກ​ພະນັກງານ​ໄດ້​ເກັບເອົາ​ບັນດາຊາກ​ສົບຢູ່​ໃນ​ເມືອງຫຼວງ ຂອງລັດ
ຄືເມືອງ Maiduguri ​ໃນ​ວັນ​ຈັນ​ວານ​ນີ້ ນຶ່ງ​ມື້​ຫລັງ​ຈາກທະຫານ​ ໄດ້ ຂັບ​ໄລ່ ພວກ Boko
Haram ທີ່​ພະຍາຍາມ ເຂົ້າ​ຍຶດ​ເອົາ​ເມືອງດັ່ງກ່າວ.

​ເຈົ້າ​ໜ້າ​ທີ່​ຮັກສາ​ຄວາມປອດ​ໄພ​ໄນ​ຈີ​ເຣຍ ຄົນ​ນຶ່ງ ກ່າວ​ວ່າ ພວກ​ນັກລົບຢ່າງໜ້ອຍ 500
ຄົນ​ໄດ້​ຖືກ​ສັງຫານ​ໃນ​ເມືອງ Maiduguri ​ໃນ​ວັນ​ອາທິດ​ທີ່​ຜ່ານ​ມາ ​ແຕ່​ໂຕ​ເລກ​ດັ່ງກ່າວ​ຍັງ​
ບໍ່ທັນ​ໄດ້​ຮັບການຢືນຢັນເທື່ອ.

ທ່ານ Abdulkareem Haruna ນັກ​ຂ່າວ​ວີ​ໂອ​ເອ ທີ່​ເມືອງ Maiduguri ກ່າວ​ວ່າ ມີ​ພົນລ
​ເຮືອນ​ຫລາຍ​ຄົນ​ໄດ້​ເສຍ​ຊີວິດ ຈຳນວນ​ນຶ່ງ​ແມ່ນຍ້ອນການ​ສູ້​ລົບ ຄຽງບ່າຄຽງໄຫລ່​ກັບ​
ທະຫານ ແລະອີກຈຳນວນນຶ່ງແມ່ນຍ້ອນຖືກລູກຫລົງແລະ ​ການຖີ້ມລະ​ເບີດຂອງກອງ​ທັບ
​ອາກາດ​ໄນ​ຈີ​ເຣຍ.

NIGERIA BOKO HARAM CNPK 6.1
please wait

No media source currently available

0:00 0:01:42 0:00

XS
SM
MD
LG