ໄນຈີເຣຍ ໄດ້ເລີ້ມດໍາເນີນການລົງທະບຽນຜູ້ມີສິດປ່ອນ
ບັດປະມານ 70 ລ້ານຄົນ ສໍາລັບການເລືອກຕັ້ງປະທາ
ນາທິບໍດີໃນເດືອນເມສາປີນີ້.
ພວກອາສາສະໝັກໄດ້ເລີມທໍາການຈົດຊື່ພວກທີ່ມີສິດປ່ອນ
ບັດໃນວັນເສົາວານນີ້ ຢູ່ໜ່ວຍປ່ອນບັດ 120 ພັນແຫ່ງໃນ
ທົ່ວປະເທດທີ່ມີພົນລະເມືອງຫລາຍທີ່ສຸດໃນທະວີບອະຟຣິ
ການັ້ນ.
ບັນດາເຈົ້າໜ້າທີ່ຝ່າຍເລືອກຕັ້ງພາກັນຫວັງວ່າ ການດໍາເນີນ
ການລົງທະບຽນຜູ້ມີສິດປ່ອນບັດເລືອກຕັ້ງນີ້ ຈະດໍາເນີນໄປ
ຢ່າງລາບລື່ນໃນປະເທດທີ່ມີປະວັດໃນການສໍ້ໂກງບັດເລືອກ
ຕັ້ງນັ້ນ. ແຕ່ມີລາຍງານຂ່າວໃນວັນເສົາວານນີ້ ກ່ຽວກັບບັນ
ຫານໍາອຸບປະກອນເອເລັກໂຕຣນິກບາງຢ່າງ ທີ່ໃຊ້ໃນການ
ລົງທະບຽນຜູ້ປ່ອນບັດເລືອກຕັ້ງຮວມທັງເຄື່ອງ scanner
ແລະເຄື່ອງຄອມພີວເຕີໜ້າຕັກ ຫລື laptop.
ໃນວັນພະຫັດຜ່ານມາ ພັກລັດຖະບານທີ່ປົກຄອງປະເທດໃນປັດຈຸບັນໄດ້ຄັດເລືອກເອົາ
ປະທານາທິບໍດີ Goodluck Jonathan ເປັນຜູ້ສະມັກຂອງຕົນລົງແຂ່ງໃນການເລືອກ
ຕັ້ງປະທານາທິບໍດີໃນເດືອນເມສາປີນີ້ ຊຶ່ງຄາດວ່າ ປະທານາທິບໍດີ Jonathan ຈະຊະ
ນະການເລືອກຕັ້ງໃນັວນທີ 9 ເມສານັ້ນ. ພັກຂອງລັດຖະບານໄດ້ຊະນະການເລືອກຕັ້ງ
ປະທານາທິບໍດີມາທຸກຄັ້ງ ນັບແຕ່ໄນຈີເຣຍໄດ້ກັບຄືນມາຢູ່ພາຍໃຕ້ການປົກຄອງຂອງ
ພົນລະເຮືອນ ໃນປີ 1999 ເປັນຕົ້ນມາ.
ທ່ານ Jonathan ໄດ້ຂຶ້ນເປັນປະທານາທິບໍດີໃນເດືອນພຶດສະພາປີແລ້ວນີ້ ໃນເວລາທີ່
ທ່ານ Umana Yar’ Uda ປະທານທິບໍດີຄົນກ່ອນໄດ້ເຖິງແກ່ອະສັນຍະກໍາໄປ ຫລັງຈາກ
ດໍາລົງຕໍາແໜ່ງມາໄດ້ ພຽງແຕ່ 3 ປີ ໃນສະໄໝດໍາລົງຕໍາແໜ່ງ ປະທານາທິບໍດີ 8 ປີນັ້ນ.
