ລິ້ງ ສຳຫລັບເຂົ້າຫາ

65 ຄົນເສຍຊີວິດ ທີ່ໄນຈີເຣຍ

  • ສິງ ບູຣົມມະວົງ

ພວກເຈົ້າໜ້ທີ່ຕໍາຫລວດທີ່ຖືອາວຸດປືນ AK-47 ຢືນຍາມໃນຂຸມ ລີ້ໄພຂີ້ຊາຍແຄມຖະໜົນໃຫຍ່ສາຍນຶ່ງໃນເມືອງ at Maiduguri, ໄນຈີເຣຍ. ວັນທີ 5 ພະຈິກ 2011.

ພວກ​ໄວ້ອາ​ໄລ​ໃນ​ເຂດ​ຕາ​ເວັນ​ອອກສຽງ​ເໜືອ​ຂອງ​ໄນ​ຈີ​ເຣຍກໍາລັງ​ພາກັນຕຽມ​ຈັດ​ຊາ​ປະ
ນະ​ກິດ​ສົບ​ ສໍາ​ລັບ​ພວກ​ທີ່​ຖືກ​ສັງຫານ​ຈໍານວນ​ຫລາຍ​ສິບ​ຄົນ ຈາກ​ເຫດການ​ລະ​ເບີດ​ແລະ​
ການ​ຍິງ​ສູ້​ລົບ​ກັນ​ຫລາຍໆ​ບັ້ນ ​ໂດຍ​ພວກ​ຫົວຮຸນ​ແຮງ​ນິກາຍ​ນຶ່ງ​ຂອງ​ສາສະໜາອິສລາມ.

ພວກ​ເຈົ້າໜ້າ​ທີ່​ບັນ​ເທົາທຸກ​ກ່າວ​ວ່າ ຢ່າງ​ໜ້ອຍ​ມີ​ຜູ້​ເສຍ​ຊີວິດ 65 ຄົນ ຈາກເຫດການ​ກໍ່​
ຄວາມ​ຮຸນ​ແຮງ​ຂອງ​ວັນ​ສຸກ​ຜ່ານ​ມານີ້ ທີ່​ແນ​ເປົ້າໝາຍ​ໃສ່​ສະຖານີຕໍາຫລວດ​ແຫ່ງ​ຕ່າງໆ
ພ້ອມ​ທັງ​ພວກໂບດ ​ແລະ​ທະນາຄານແຫ່ງນຶ່ງ ໃນ​ເມືອງ Damaturu ​ເມືອງ Potiskum
ແລະ​ເມືອງ Maiduguri.

ສາ​ສະໝາ​ອິສລາມ​ນິກາຍ Boko Haram ​ໄດ້​ອ້າງ​ເອົາ​ຄວາມ​ຮັບຜິດຊອບ​ໃນການ​ໂຈມ
ຕີ​ເຫລົ່າ​ນີ້ ​ແລະ​ພ້ອມ​ກັບ​ໂຄສົກ​ຂອງ​ພວກ​ເຂົາໄດ້​ປະກາດ​ເຕືອນ​ວ່າ ຈະ​ທໍາ​ການ​ໂຈມ​ຕີ
ເພີ່ມອີກ.

ໂຄສົກ​ຂອງ​ປະທານາທິບໍດີໄນ​ຈີ​ເຣຍ ທ່ານ Goodluck Jonathan ​ໄດ້ອອກຄໍາປະນາມ
ຂອງ​ທ່ານ​ອອກ​ມາ ​ໂດຍ​ກ່າວ​ວ່າ ການ​ໂຈມ​ຕີ​ຕ່າງໆ​ແມ່ນ​ບັງຄັບ​ໃຫ້ປະທານາທິບໍດີ​ຕ້ອງ​
ໄດ້​ເລື່ອນ​ພິທີການ​ແຕ່ງງານ​ຂອງ​ນ້ອງ​ຊາຍ​ຕົນ​ໃນລັດ Bayelsa ທາງ​ພາກໃຕ້ຂອງ​ປະ​ເທດ.

ໃນ​ຖະ​ແຫລ​ງການ​ສະບັບນຶ່ງ​ນັ້ນ ສະພາ​ຄວາມ​ໝັ້ນຄົງ​ອົງການ​ສະຫະ​ປະ ຊາ​ຊາດ​ໄດ້​ປະ
ນາ​ມການ​ກໍ່​ຄວາມ​ຮຸນ​ແຮງ​ຄັ້ງ​ນີ້ ​ແລະ​ສະ​ແດງ​ຄວາມ​ເຫັນອົກ​ເຫັນ​ໃຈ​ແລະ​ຄວາມເສົ້າສະ​
ລົດ​ໃຈ​ຕໍ່​ພວກ​ເສຍຊີວິດ ​ແລະ​ຄອບ​ຄົວ​ຂອງ​ພວກ​ເຂົາ​ເຈົ້າ ສະພາ​ຄວາມ​ໝັ້ນຄົງ​ໄດ້​ຮຽກ
ຮ້ອງ​ໃຫ້​ປະ​ເທດສະມາຊິກ​ຕ່າງໆ​ຈົ່ງ​ໃຫ້ການ​ຄໍ້າປະກັນໂດຍ​ການເອົາມາດ​ຕະການ
ຕ່າງໆ​ເພື່ອ​ປາບປາ​ມການ​ກໍ່​ການ​ຮ້າຍໄປຕາມ​ກົດໝາຍ​ວ່າ​ດ້ວຍສິດທິ​ມະນຸດ​ ອົບ​ພະຍົບ
ແລະ​ມະນຸດສະທໍ​າຂອງນາໆ​ຊາດນັ້ນ.

XS
SM
MD
LG