ລິ້ງ ສຳຫລັບເຂົ້າຫາ

11 ຄົນເສຍຊີວິດ ຍ້ອນແຕກຕື່ນ ຢຽບກັນຕາຍ ຢູ່ໄນຈີເຣຍ

  • ສິງ ບູຣົມມະວົງ

ປ້າຍໂຄສະນາຂອງປະທານາທິບໍດີ Goodluck Jonathan ທີ່ຢືນຄຽງຂ້າງປະທານາທິບໍດີສະຫະລັດ ທ່ານບາຣັກ ໂອບາມາ ຕອນທີ່ທ່ານໂອບາມາໄປຢ້ຽມຢາມໄນຈີເຣຍ ເມື່ອປີກາຍນີ້.



















ບັນດາ​ເຈົ້າ​ໜ້າ​ທີ່ກ່າວ​ວ່າ ປະຊາຊົນ 11 ຄົນ​ເສຍ​ຊີວິດຍ້ອນການແຕກ​ຕື່ນ​ຢຽບ​ກັນ​ຕາຍ​ ໃນ​ການ​ໂຮມ​ຊຸມນຸມ​ໂຄສະນາ​ຫາ​ສຽງ​ເລືອກ​ຕັ້ງ ໃຫ້​ປະທານາທິບໍດີ Good-luck Jonathan ​ໃນ​ເຂດ​ສາມຫລ່ຽມແມ່​ນໍ້າ Niger​ ທາງ​ພາກ​ໃຕ້​ຂອງ​ປະ​ເທດ.

ຕໍາຫລວດ​ກ່າວ​ວ່າ ພວກ​ສະໜັບສະໜຸນ​ປະທານາທິບໍດີ Goodluck Jonathan ຫລາຍ​ພັນ​ຄົນ​ໄດ້ໄປ​ໂຮມ​ຊຸມນຸມ ​ຢ່າງ​ອັດ​ແອແຫຍ້​ກັນ ຢູ່ໃນ​ແລະ​ອ້ອມ​ແອ້ມ​ເດິ່ນ​ກີລາແຫ່ງ​ນຶ່ງໃນ​ເມືອງ​ທ່າ​ກໍາ​ປັ່ນ Port Harcourt ​ໃນ​ວັນ​ເສົາວານນີ້​ເພື່ອ​ຟັງ​ຄໍາ​ໂຄສະນາ​ຫາ​ສຽງ​ຂອງທ່ານ Jonathan ຊຶ່ງ​ເປັນ​ຄົນ​ມາ​ຈາກເຂດ​ນັ້ນ. ຕໍາຫລວດ​ກ່າວ​ວ່າ​ ມີ​ອີກຫລາຍສິບ​ຄົນ​ໄດ້​ຮັບ​ບາດ​ເຈັບໃນ​ເຫດ​ແຕກ​ຕື່ນ​ແລ່​ນຢຽບ​ກັນ​ນັ້ນ.

ພວກ​ເຫັນ​ເຫດການ​ກ່າວ​ວ່າ ການແຕກ​ຕື່ນ​ເກີດ​ຂຶ້ນ​ຫລັງ​ຈາກ​ຕໍາຫລວດ​ຍິງ​ປືນຂຶ້ນ​ຟ້າ ​ໃນ​ອັນ​ທີ່ປາກົດ​ວ່າ ​ເປັນຄວາມ​ພະຍາຍາມ​ເພື່ອ​ຄວບ​ຄຸມ​ຝູງ​ຊົນ​ທີ່​ພາກັນ​ຟ້າວ​ແລ່ນ​ອອກ​ຈາກ​ເດີ່ນກິ ລາໄປ. ປະທານາທິບໍດີ Jonathan ກ່າວ​ວ່າ ທ່ານ​ມີ​ຄວາມ​ຕື່ນ​ຕົກ​ໃຈ​ແລະ​ເສົ້າເສຍ​ໃຈ ທີ່​ໄດ້​ຍິນ​ຂ່າວ​ນີ້.

ໄນ​ຈີ​ເຣຍກໍາລັງ​ກະກຽມ​ການ​ເລືອກ​ຕັ້ງ​ສໍາລັບ​ເດືອນ​ເມສາ​ໜ້າ​ນີ້. ມີ​ການຄາດໝາຍ​ກັນ​ຢ່າງ​ກວ້າງຂວາງ​ວ່າ ປະທານາທິບໍດີ Jonathan ຊຶ່ງ​ເປັນຜູ້​ສະ​ໝັກ​ແຂ່ງຂັນ​ໃນ​ນາມ​ພັກ​ລັດຖະ ບານ​ປົກຄອງ​ປະ​ເທດ​ໃນ​ປັດຈຸບັນ​ ຈະ​ຊະນະ​ການ​ເລືອກ​ຕັ້ງ​ຄັ້ງ​ນີ້.

XS
SM
MD
LG