ທາງການໄນຈີເຣຍ ໄດ້ຈັບກຸມສາມຄົນທີ່ຖືກກ່າວຫາວ່າມີສ່ວນພົວພັນກັບກຸ່ມປະຕິບັດ ການກໍ່ການຮ້າຍອິຣ່ານກຸ່ມນຶ່ງທີ່ເປັນຜູ້ວາງແຜນໂຈມຕີ ທີ່ຕັ້ງຕ່າງໆຂອງສະຫະລັດ ແລະອີສຣາແອລ ໃນປະເທດໄນຈີເຣຍ.
ທ່ານນາງ Marilyn Ogar ໂຄສົກໜ່ວຍບໍລິການດ້ານຄວາມໝັ້ນຄົງຂອງ ລັດ ໄດ້ປະ ກາດການຈັບກຸມດັ່ງກ່າວເມື່ອວັນພຸດວານນີ້ ຊຶ່ງໂຄສົກເວົ້າອີກວ່າຂະນະນີ້ເຈົ້າໜ້າທີ່ກໍາລັງຕິດຕາມຈັບກຸມຜູ້ຕ້ອງສົງໄສຄົນທີສີ່ນັ້ນຢູ່.
ໂຄສົກ Ogar ເວົ້າວ່າ ຫົວໜ້າກຸ່ມຊື່ວ່າ Abdullahi Mustapha Berende ເປັນສະ ມາຊິກສາສະໜາອິສລາມນິກາຍ Shi’ite ຜູ້ທີ່ບອກເຈົ້າໜ້າທີ່ວ່າ ໃນເບື້ອງຕົ້ນຕົນໄດ້ເດີນທາງໄປອິຣ່ານໃນປີ 2006 ເພື່ອສຶກສາຄໍາສັ່ງສອນສາສະໜາອີສລາມນິກາຍ Shiite ທີ່ມະຫາວິທະຍາໄລແຫ່ງນຶ່ງ.
ໂຄສົກ Ogar ເວົ້າຕື່ມວ່າ ທ້າວ Berende ໃນເວລາຕໍ່ມາໄດ້ເກນເອົາຜູ້ຕ້ອງສົງໄສອີກສາມຄົນມາຮ່ວມງານ ແລະເວົ້າວ່າກຸ່ມດັ່ງກ່າວແມ່ນແນເປົ້າໝາຍໃສ່ສະຖານທີ່ສໍາຄັນ ຕ່າງໆໃນນະຄອນ Lagos ປະເທດໄນຈີເຣຍ ນັ້ນ.
ໂຄສົກ Ogar ເວົ້າອີກວ່າ ກຸ່ມກໍ່ການຮ້າຍດັ່ງກ່າວຍັງໄດ້ວາງແຜນໂຈມຕີ ເຈົ້າໜ້າທີ່ໄນຈີເຣຍອີກຫຼາຍໆຄົນ. ທ້າວ Berende ຖືກຈັບກຸມໃນເດືອນ ທັນວາປີຜ່ານມາ ແຕ່ທາງການໄນຈີເຣຍບໍ່ໄດ້ເປີດເຜີຍໃຫ້ປະຊາຊົນຮູ້ ມາ ຈົນເຖິງວັນພຸດວານນີ້.
ທ່ານນາງ Marilyn Ogar ໂຄສົກໜ່ວຍບໍລິການດ້ານຄວາມໝັ້ນຄົງຂອງ ລັດ ໄດ້ປະ ກາດການຈັບກຸມດັ່ງກ່າວເມື່ອວັນພຸດວານນີ້ ຊຶ່ງໂຄສົກເວົ້າອີກວ່າຂະນະນີ້ເຈົ້າໜ້າທີ່ກໍາລັງຕິດຕາມຈັບກຸມຜູ້ຕ້ອງສົງໄສຄົນທີສີ່ນັ້ນຢູ່.
ໂຄສົກ Ogar ເວົ້າວ່າ ຫົວໜ້າກຸ່ມຊື່ວ່າ Abdullahi Mustapha Berende ເປັນສະ ມາຊິກສາສະໜາອິສລາມນິກາຍ Shi’ite ຜູ້ທີ່ບອກເຈົ້າໜ້າທີ່ວ່າ ໃນເບື້ອງຕົ້ນຕົນໄດ້ເດີນທາງໄປອິຣ່ານໃນປີ 2006 ເພື່ອສຶກສາຄໍາສັ່ງສອນສາສະໜາອີສລາມນິກາຍ Shiite ທີ່ມະຫາວິທະຍາໄລແຫ່ງນຶ່ງ.
ໂຄສົກ Ogar ເວົ້າຕື່ມວ່າ ທ້າວ Berende ໃນເວລາຕໍ່ມາໄດ້ເກນເອົາຜູ້ຕ້ອງສົງໄສອີກສາມຄົນມາຮ່ວມງານ ແລະເວົ້າວ່າກຸ່ມດັ່ງກ່າວແມ່ນແນເປົ້າໝາຍໃສ່ສະຖານທີ່ສໍາຄັນ ຕ່າງໆໃນນະຄອນ Lagos ປະເທດໄນຈີເຣຍ ນັ້ນ.
ໂຄສົກ Ogar ເວົ້າອີກວ່າ ກຸ່ມກໍ່ການຮ້າຍດັ່ງກ່າວຍັງໄດ້ວາງແຜນໂຈມຕີ ເຈົ້າໜ້າທີ່ໄນຈີເຣຍອີກຫຼາຍໆຄົນ. ທ້າວ Berende ຖືກຈັບກຸມໃນເດືອນ ທັນວາປີຜ່ານມາ ແຕ່ທາງການໄນຈີເຣຍບໍ່ໄດ້ເປີດເຜີຍໃຫ້ປະຊາຊົນຮູ້ ມາ ຈົນເຖິງວັນພຸດວານນີ້.
