ພວກປະທ້ວງໄດ້ໂຮມຊຸມນຸມກັນທີ່ໄນຈີເຣຍເປັນມື້ທີ 3 ຮຽກຮ້ອງໃຫ້ລັດຖະບານຟື້ນ
ການຊ່ອຍເຫລືອເກື້ອກູນນໍ້າມັນຄືນໃໝ່ໃນຂະນະທີ່ພວກສະຫະພັນກໍາມະບານລາຍ
ໃຫຍ່ຂອງປະເທດຮຽກຮ້ອງໃຫ້ປະທານາທິບໍດີGoodluck Jonathan ຮັບຟັງສຽງ
ຂອງປະຊາຊົນ.
ພວກປະທ້ວງໄດ້ຊຸມນຸມກັນທີ່ນະຄອນ Lagos ຫົວເມືອງໃຫຍ່ທາງດ້ານການຄ້າຂອງ
ໄນຈີເຣຍແລະໃນຂົງເຂດອື່ນໆ.
ພວກປະທ້ວງໄດ້ໂຮມຊຸມນຸມກັນຄັ້ງໃຫຍ່ໃນເມືອງດັ່ງກ່າວໃນວັນອັງຄານວານນີ້ ຂະນະ
ທີ່ປະຊາຊົນຕື່ມອີກຫລາຍພັນຄົນພາກັນທໍາການປະທ້ວງໃນຂົງເຂດຕ່າງໆທົ່ວປະເທດ
.ການປະທ້ວງໃຫຍ່ຂອງອີກກຸ່ມນຶ່ງໄດ້ມີຂຶ້ນໃນນະຄອນຫລວງ Abuja.
ການນັດຢຸດງານທົ່ວປະເທດໄດ້ອັດວົງການທຸລະກິດຕ່າງໆລົງ ໃນຂະນະທີ່ພວກປະທ້ວງພາກັນສະແດງອອກແຫ່ງຄວາມໂມໂຫໂທໂສ ຕໍ່ລັດຖະບານທີ່ໄດ້ລົບລ້າງການຊ່ອຍເຫລືອເກື້ອກູນນໍ້າມັນໃນວັນທີ 1 ມັງກອນນີ້ເປັນຕົ້ນມາ ຊຶ່ງການຢຸດໂຄງການຊ່ອຍເຫລືອເກື້ອກູນດັ່ງ ກ່າວໄດ້ເຮັດລາຄານໍ້າມັນເພີ່ມຂຶ້ນເປັນສອງເທົ່າໂຕໃນຄືນຕໍ່ມານັ້ນ.
ບັນດາເຈົ້າໜ້າທີ່ໄນຈີເຣຍໄດ້ອອກຄໍາສັ່ງໃຫ້ພວກພະນັກງານລັດຖະບານກັບຄືນໄປເຮັດວຽກເຮັດການຂອງເຂົາເຈົ້າ ຫລືບໍ່ດັ່ງນັ້ນກໍຈະບໍ່ໄດ້ຮັບເງິນເດືອນ.
ເບິ່ງຮູບໃນ ສໄລ໌ໂຊ
