ລິ້ງ ສຳຫລັບເຂົ້າຫາ

ເຈົ້າ​ໜ້າ​ທີ່​ໄນ​ຈິ​ເຣຍກ່າວ​ວ່າ ລະ​ເບີດ​ລູກ​ນຶ່ງ​ທີ່​ແຕກ​ຂຶ້ນ​ໃນ​ເມືອງ Kaduna ທາງ​ພາກ​ເໜືອ​
ຂອງ​ປະ​ເທດ​ ​ໃນ​ວັນ​ອາທິດ​ມື້​ນີ້ ໄດ້​ເຮັດ​ໃຫ້​ປະຊາຊົນຫຼາຍ​ຄົນ​ເສຍ​ຊີວິດ.

ຜູ້​ທີ່​ເຫັນ​ເຫດການ​ເກີດ​ຂຶ້ນ​ຄົນ​ນຶ່ງ​ກ່າວ​ວ່າ ລະ​ເບີດ​ໄດ້​ແຕກ​ຂຶ້ນ​ໃນ​ເຂດທຸລະ​ກິດ​ແຫ່ງ​ນຶ່ງ
ໃກ້ໆ​ກັບ​ໂບດ​ແຫ່ງ​ນຶ່ງ​ໃນ​ຂະນະ​ທີ່​ປະຊາຊົນ​ຫຼາຍ​ຄົນພາກັນ​ມຸ່ງ​ໜ້າໄປທີ່​ນັ້ນ ​ເພື່ອຮ່ວມ
ໃນ​ພິທີທາງ​ສາສະໜາສະຫລອງບຸນ Easter. ​ເວລາ​ນີ້ ຍັງ​ບໍ່​ທັນ​ມີ​ຜູ້​ໃດ​ອ້າງ​ເອົາ​ຄວາມ​
ຮັບຜິດຊອບ​ໃນ​ການ​ໂຈມ​ຕີ​ຄັ້ງ​ນີ້​ເທື່ອ.

ເຫດລະ​ເບີດຄັ້ງນີ້ ​ໄດ້​ມີ​ຂຶ້ນ​ຫຼັ​ງຈາກມີ​ການ​ຕັກ​ເຕືອນ​ລ່ວງ​ໜ້າ​ມາ​ແລ້ວ ​ຈາກບັນດາ​ນັກ
ການ​ທູດຕ່າງປະ​ເທດ ​ທີ່​ວ່າ​ອາດ​ຈະ​ມີ​ການ​ໂຈມ​ຕີຕໍ່​ພວກ​ຊາວ​ຄຣິສຕຽນ ໃນ​ລະຫວ່າງ​
ເທດສະການໃຫຍ່​ໆທາງ​ສາສະໜາ​ປະ​ຈໍາ​ປີ​ນັ້ນ.

ພິທີສົ່ງສະການໝູ່ ພວກທີ່ເສຍຊີວິດໃນເຫດ ວາງລະເບີດ ທີ່ໄນຈີເຣຍ ເມື່ອວັນຄຣິສມັສ ປີ 2011.
ພິທີສົ່ງສະການໝູ່ ພວກທີ່ເສຍຊີວິດໃນເຫດ ວາງລະເບີດ ທີ່ໄນຈີເຣຍ ເມື່ອວັນຄຣິສມັສ ປີ 2011.

ໄນ​ຈີ​ເຣຍ​ເຄີຍ​ປະສົບ​ກັບ​ການວາງ​ລະ​ເບີດ​ 4 ຄັ້ງ​ ໃນ​ເທດສະການ​ບຸນ ຄຣິສມາສ​ໃນ​ປີ
ແລ້ວ​ນີ້ ທີ່​ໄດ້​ສັງຫານ​ປະຊາຊົນ​ຢ່າງ​ໜ້ອຍ 44 ຄົນ ຮວມທັງຫຼາຍ​ສິບ​ຄົນ​ໃນ​ໂບດ​
ກາ​ໂຕ​ລິກ​ແຫ່ງ​ນຶ່ງ​ ຢູ່​ໃກ້ໆ​ກັບ​ນະຄອນຫຼວງ Abuja ນັ້ນ.

ກຸ່ມ​ມຸສລິ​ມຫົວ​ຮຸນ​ແຮງ Boko Haram
ໄດ້ອ້າງເອົາຄວາມຮັບຜິດຊອບຕໍ່ອັນທີ່
ປາກົດວ່າ ເປັນການໂຈມຕີທີ່ມີການປະ
ສານງານກັນນັ້ນ.

XS
SM
MD
LG