ສານສູງສຸດໄນຈີເຣຍ ໄດ້ຕັດສິນເຫັນພ້ອມ ກັບການໄດ້ຮັບໄຊຊະນະໃນການເລືອກຕັ້ງ
ຂອງປະທານາທິບໍດີ Jonathan Goodluck ເມື່ອເດືອນເມສາຜ່ານມານີ້ ໂດຍບໍ່ຮັບຮູ້
ການທ້າທາຍໃດໆຂອງພັກຝ່າຍຄ້ານ ທີ່ອ້າງວ່າການລົງຄະແນນສຽງ ແມ່ນເຕັມໄປດ້ວຍ
ຄວາມບໍ່ເປັນລະບຽບລຽບລ້ອຍ
ສານສູງສຸດໄດ້ປະກາດຄໍາຕັດສິນຂອງຕົນເມື່ອວັນພຸດວານນີ້ ເປັນເວລາເກືອບສອງເດືອນ
ຫລັງຈາກສານຂັ້ນຕໍ່າຍົກເລີກຄໍາຮ້ອງຮຽນເພື່ອເລີກລົ້ມການເລືອກຕັ້ງທີ່ຍື່ນໂດຍພັກ
ຝ່າຍຄ້ານຄອງແກຣັສເພື່ອການປ່ຽນແປງໄປ ສູ່ຄວາມກ້າວໜ້າທີ່ເອີ້ນຫຍໍ້ວ່າ CPC ນັ້ນ.
ທ່ານ Jonathan ຊະນະການເລືອກຕັ້ງເມື່ອວັນທີ່ 16 ເດືອນເມສາ ໂດຍໄດ້ຮັບຄະແນນ
ສຽງທັງໝົດ 57 ເປີເຊັນ.
ຄູ່ແຂ່ງທີ່ມີຄະແນນໄກ້ຊິດທີ່ສຸດຂອງທ່ານໂຈນາທານນັ້ນ ຄືອະດີດຜູ້ປົກຄອງປະເທດ
ຝ່າຍທະຫານ ທ່ານ Muhammadu Buharu ຜູ້ສະມັກເລືອກຕັ້ງສັງກັດພັກ CPC
ໄດ້ຮັບຄະແນນສຽງປະມານ 31 ເປີເຊັນ.