ໄນ​ຈີ​ເຣຍ ​ຢືນຢັນວ່າ​ ມີຄົນ​ຕິດເຊື້ອອີ​ໂບລາ ລາຍ​ໃໝ່ ອີກ 5 ຄົນ (ສະໄລດ໌/ວີດີໂອ)

ບັນດາ​ເຈົ້າໜ້າ​ທີ່​ໄນ​ຈີ​ເຣຍ ​ໄດ້​ຢືນຢັນວ່າ​ ມີຄົນ​ຕິດ​ເຊື້ອ
ອີ​ໂບລາລາຍ​ໃໝ່ ອີກ 5 ກໍລະນີ ຢູ່ນະຄອນ ​ເລ​ກົສ (Lagos)
​ແລະມີ​ຄົນ​ຕາຍລາຍທີສອງ ຍ້ອນເຊື້ອ​ໂຣກດັ່ງກ່າວ.

ລັດຖະມົນຕີສາທາລະນະ​ສຸກ ທ່ານ Onyebuch Chukwu
ກ່າວ​ວ່າ ​ພະຍາບານຊາວ​ໄລ​ບີ​ເຣຍຄົນ​ນຶ່ງ ສັນຊາດ​ອາ​ເມຣິກາ
ທ້າວ Patrick Sawyer ​ທີ່​ໄດ້​ຮັກສາ​ຄົນປ່ວຍ ທີ່​ຕາຍ​ຍ້ອນ​
ອີໂບລາ​ຜູ້​ທຳ​ອິດນັ້ນ ກໍ​ໄດ້​ເສຍ​ຊີວິດ ​ຫຼັງຈາກ​ໄດ້​ຕິດ​ເຊື້ອ​ໂຣກ
ຄື​ກັນ.

ຕາຕະລາງ ກໍລະນີຜູ້ຕິດເຊື້ອອີໂບລາ ແລະ ໄດ້ເສຍຊີວິດ ໃນອາຟຣິກາ.

ກໍລະນີຕິດ​ເຊື້ອໃໝ່​ເຫລົ່າ​ນັ້ນ ເຮັດ​ໃຫ້​ເກີດ​ມີຄວາມ​ກັງວົນ​ຂຶ້ນ​ມາ
ວ່າ​ໄວຣັສທີ່ອັນຕະລາຍ​ເຖິງ​ແກ່​ຊີວິດ ​ນີ້ ຈະ​ແຜ່​ລະບາດ​ເຂົ້າ​ໄປ​
ໃນ​ປະ​ເທດ ​ທີ່​ມີ​ພົນລະ​ເມືອງຫລາຍ​ທີ່​ສຸດຂອງອາ​ຟຣິກາ. ມາ​
ຮອດ​ປັດຈຸບັນ ສາມ​ປະ​ເທດ​ທີ່​ນ້ອຍ​ກ່ວາ ກໍ​ຄື ​ໄລ​ບີ​ເຣຍ​ ຊີ​ແອ​ຣາ
ລີ​ອອນ ແລະ​ ກີ​ນີ ​ແມ່ນ​ໄດ້​ເປັນ​ຈຸດ​ສູນ​ກາງ ການລະບາດຂອງ​
ອີ​ໂບລາ ທີ່​ໄດ້​ເອົາ​ຊີວິດ​ເກືອບ 900 ຄົນ​ແລ້ວ​ ໃນ​ປີ​ນີ້.

​ໃນ​ອາທິດ​ນີ້ ທະນາຄານ​ໂລກ ຫຼື World Bank ​ໄດ້ຮັບປາກ​
ຈະ​ໃຫ້​ທຶນ 200 ລ້ານ​ດອລລ່າ ​ເພື່ອ​ຊ່ວຍ​ເຫຼືອ 3 ປະ​ເທດ​ໃນ​
ອາ​ຟຣິກາ ​ຕາ​ເວັນຕົກດັ່ງກ່າວ​ ຄວບຄຸມການລະບາດຂອງ​ເຊື້ອ
​ອີ​ໂບລາ​ ​ແລະ​ສົ່ງ​ເສີມ​ລະບົບສາທາລະນະ​ສຸກ​ຂອງ​ເຂົາ​ເຈົ້າ
ຕະຫລອດ​ທັງຊ່ວຍ​ເຫຼືອ ບັນດາ​ຊຸມ​ຊົນ ​ຮັບ​ມື​ກັບ​ຜົນ​ກະທົບ​
ທາງດ້ານ​ເສດຖະກິດ ຂອງ​ວິ​ກິດ​ການ​ນີ້.

ຈຳນວນຄົນຕາຍ ຍ້ອນອີໂບລາ ເພີ້ມຂຶ້ນ ເປັນເກືອບ 900

Embed code

Copy and paste the embed code below. The code changes based on your selection.

The code has been copied to your clipboard.

Video size

width

x

height

pixels

More Education Needed to Contain Ebola

Share this video

https://lao.voanews.com/a/1972851.html

0:02:17

▶

0:00:00 /0:02:17

▶

▶

ລິງໂດຍກົງ

• 268p | 5.4MB
• 358p | 7.7MB
• 480p | 53.0MB