ລິ້ງ ສຳຫລັບເຂົ້າຫາ

ວັນອັງຄານ, ໑໖ ເມສາ ໒໐໒໔

3 ຄົນ ເສຍຊີວິດ ໃນເຫດລະເບີດແຕກ ທີ່ໂຮງງານ ເຮັດລະເບີດລັບ ໃນໄນຈີເຣຍ


ສົບສະມາຊິກກຸ່ມຫົວຮຸນແຮງ Boko Haram ຄົນນຶ່ງ ທີ່ເສຍຊີວິດ ໃນເຫດລະເບີດແຕກ ຢູ່ບ່ອນເຮັດລະເບີດລັບ ແຫ່ງນຶ່ງ ໃນເມືອງ Maiduguri (2 ມີນາ 2012)
ສົບສະມາຊິກກຸ່ມຫົວຮຸນແຮງ Boko Haram ຄົນນຶ່ງ ທີ່ເສຍຊີວິດ ໃນເຫດລະເບີດແຕກ ຢູ່ບ່ອນເຮັດລະເບີດລັບ ແຫ່ງນຶ່ງ ໃນເມືອງ Maiduguri (2 ມີນາ 2012)

ເຈົ້າໜ້າ​ທີ່​ໃນ​ພາກ​ເໜືອ​ຂອງ​ໄນ​ຈີ​ເຣຍ ກ່າວ​ວ່າ ຊາຍ​ໜຸ່ມ 3 ຄົນໄດ້​ເສຍ​ຊີວິດ​ໃນວັນ​ສຸກ​
ວານນີ້ໃນ​ເຫດ​ລະ​ເບີດ​ແຕກ​ທີ່​ໂຮງງານ​ເຮັດ​ລະ​ເບີດ​ລັບ​ບ່ອນ​ນຶ່ງ ​ໃນເມືອງ Maiduguri
ທີ່ມີ​ຄວາມວຸ້ນວາຍ​ນັ້ນ.

ພັກ​ເອກ Victor Oheneme ຜູ້​ບັນຊາ​ການ​ໜ່ວຍ​ປະຕິບັດ​ງານ​ຮ່ວມ​ຕໍ່​ການ​ການກໍ່​ການ​
ຮ້າຍຂອງ​ໄນ​ຈີ​ເຣຍກ່າວ​ຕໍ່​ວີ​ໂອ​ເອພະ​ແນ​ກພາສາ Hausa ວ່າ ຜູ້​ຊາຍ​ທັງ 3 ​ເປັນ​ສະມາ
ຊິກ​ຂອງ​ກຸ່ມ​ຫົວ​ຮຸນ​ແຮງ​ອິສລາມ Boko Haram.

ສະມາຊິກຂອງ​ໜ່ວຍ​ປະຕິບັດ​ງານ​ຮ່ວມ ​ຕໍ່ຕ້ານ​ການ​ກໍ່​ການ​ຮ້າຍ ​ໄດ້​ຟ້າວ​ພາກັນ​ໄປ​ຍັງ
ບ່ອນ​ເກີດ​ເຫດ​ຫຼັງຈາກ​ລະ​ເບີດ​ທີ່​ແຕກ​ຂຶ້ນ​ໄດ້​ທຳລາຍ​ເຮືອນ​ຫຼັງນຶ່ງໃນ​ຄຸ້ມ Kaleri ຊຶ່ງ​ຢູ່​
ທີ່​ນັ້ນ ພວກ​ເຂົາ​ເຈົ້າ​ໄດ້​ຄົ້ນພົບ​ຊາກ​ສົບ​ທີ່​ເສຍ​ຮູບ​ໂສມຂອງ​ພວກຜູ້​ຊາຍ​ທັງ 3 ​ແລະ​ລະ​
ເບີດ​ທີ່​ເຮັດ​ເອງ​ຈຳນວນ​ນຶ່ງ.

ຮູບ​ພາບ​ທີ່​ວີ​ໂອ​ເອ​ໄດ້​ຮັບ​ສະ​ແດງ​ໃຫ້​ເຫັນ​ວ່າ ​ເຫດລະ​ເບີດ​ດັ່ງກ່າວ​ໄດ້​ເຮັດ​ໃຫ້​ເຮືອນ​ທັງ
ຫຼັງກາຍ​ເປັນ​ຊາກ​ຫັກ​ພັງ. ສ່ວນ​ລະ​ເບີດ​ທີ່​ຍັງ​ບໍ່​ແຕກ​ຢູ່​ໃນບ່ອນ​ເກີດ​ເຫດນັ້ນ​ສະ​ແດງ​ໃຫ້
ເຫັນວ່າ ພວກ​ຜູ້​ຊາຍ​ຈຸນີ້ພາກັນ​ເຮັດ​ລະ​ເບີດຈາກ​ກະປ໋ອງນໍ້າມັນ​ຄົວ​ກິນ.

ກຸ່ມ Boko Haram ​ໄດ້​ອ້າງ​ເອົາ​ຄວາມ​ຮັບຜິດຊອບ​ໃນ​ການ​ໂຈມ​ຕີ​ດ້ວຍ​ລະ​ເບີດ​ແລະ​
ອາວຸດ​ປືນທີ່​ຮຸນ​ແຮງຫຼາຍໆ​ຄັ້ງ​ໃນ​ພາກ​ເໜືອ​ຂອງ​ໄນ​ຈີ​ເຣຍຮວມທັງການ​ໂຈມ​ຕີ​ທີ່​ເມືອງ
ກາ​ໂນ ​ໃນ​ເດືອນ​ມັງກອນ​ຜ່ານ​ມາ ທີ່ເປັນ​ເຫດ​ໃຫ້​ມີ​ຜູ້​ເສຍຊີວິດ​ເກືອບ 200 ຄົນ​ນັ້ນ.

XS
SM
MD
LG