ລິ້ງ ສຳຫລັບເຂົ້າຫາ

ວັນພຸດ, ໒໑ ກຸມພາ ໒໐໒໔

ຊາວໄນຈີເຣຍ ປະທ້ວງ ການລັກພາໂຕ ນັກຮຽນຍິງ ຄົບຮອບ ຫົກເດືອນ


ພາບທີ່ເອົາມາຈາກວີດີໂອ ຂອງຕາໜ່າງ ພວກກໍ່ການຮ້າຍ Boko Haram ສະແດງໃຫ້ເຫັນ ພວກນັກຮຽນຍິງ ທີ່ຖືກລັກພາໂຕໄປ, ວັນທີ 12 ພຶດສະພາ 2014.
ພາບທີ່ເອົາມາຈາກວີດີໂອ ຂອງຕາໜ່າງ ພວກກໍ່ການຮ້າຍ Boko Haram ສະແດງໃຫ້ເຫັນ ພວກນັກຮຽນຍິງ ທີ່ຖືກລັກພາໂຕໄປ, ວັນທີ 12 ພຶດສະພາ 2014.

ຢູ່ໄນ​ຈີ​ເຣຍ ບັນດາ​ພໍ່​ແມ່ ​ແລະ​ຜູ້​ສະໜັບສະໜູນ ​ໄດ້​ພາກັນ​ປະ​
ທ້ວງ ​ເພື່ອ​ເປັນ​ ​ຂີດ​ໝາຍ​ຫົກ​ເດືອນ ນັບ​ແຕ່ກຸ່ມ​ອິສລາມ​ຫົວ​ຮຸນ
​ແຮງ ​ໄດ້​ລັກພາ​ໂຕ​ນັກຮຽນ​ຍິງ 200 ກວ່າ​ຄົນ ​ໄປ​ຈາກ​ໂຮງຮຽນ
​ມັດທະຍົມ​ແຫ່ງ​ນຶ່ງ.

ໃນ​ວັນ​ອັງຄານ​ວານ​ນີ້ ​ຕຳ​ຫລວດໄນ​ຈີ​ເຣຍ ​ໄດ້​ຂັດຂວາງ​ພວກ
​ປະ​ທ້ວງ ທີ່​ຮຽກ ຮ້ອງ​ໃຫ້ປ່ອຍ​ໂຕ​ບັນດາ​ນັກ​ຮຽນ​ຍິງ​ເຫລົ່າ​ນັ້ນ
​ ໄວ້ ບໍ່​ໃຫ້​ເດີນ​ຂະ​ບວນ​ໄປຍັງ​ທຳນຽບປະທານາທິບໍດີ ທີ່​ເ​ມືອງ
ຫລວງ Abuja.

ເມື່ອ​ວັນ​ທີ 14 ​ເດືອນ​ເມສາ​ແລ້ວ​ນີ້ ພວກ​ນັກ​ລົບ​ຫລາຍ​ສິບ​ຄົນ
ຈາກ​ກຸ່ມ​ຫົວ​ຮຸນ​ແຮງ​ອິສລາມ Boko Haram ​ໄດ້ບຸກ​ເຂົ້າ​ໄປ​ໃນ​ໂຮງຮຽນ​ມັດທະຍົມ ທີ່​ບໍ່​
ມີ​ການປ້ອງ​ກັນແຫ່ງ​ນຶ່ງ ຢູ່ Chibok ​ໝູ່​ບ້ານ​ສອກຫລີກ ທາງ​ພາກ​ຕາ​ເວັນ​ອອກສຽງ​ເໜືອ
ຂອງ​ໄນ​ຈີ​ເຣຍ ​ແລະ​ຈັບ​ເອົາ​ນັກຮຽນ​ຍິງ ປະມານ 270 ຄົນ​ໄປ ຊຶ່ງ​ຫລາຍ​ກວ່າ 200 ຄົນ​
ຍັງ​ຖືກກັກໂຕ​ໄວ້.

57 ​ຄົນ ສາມາດຫ​ລົບໜີ​ອອກ​ມາ​ໄດ້. ຕໍ່​ມາ ​ຜູ້ນຳ Boko Haram ນາຍ Abubakar Shekau ໄດ້​ຂົ່ມຂູ່​ທີ່​ຈະ​ຂາຍເດັກ​ນັກຮຽນ​ທີ່​ເຫລືອນັ້ນ ໃຫ້ເປັນ ​ເມຍຂ້າ​ທາດ ​ແລະ​ສາ
ບານ​ວ່າ ພວກ​ເຂົາຈະ​ບໍ່​ປ່ອຍ​ນັກຮຽນ​ເຫລົ່າ​ນັ້ນ ຈົນ​ກວ່າ ພວກ​ນັກ​ໂທດ​ຫົວ​ຮຸນແຮງຈະ​
ຖືກ​ປົດ​ປ່ອຍ​ອອກ​ຈາກ​ຄຸກ.

​ປະທານາທິບໍດີ ໄນ​ຈີ​ເຣຍ ທ່ານ Goodluck Jonathan ​ໄດ້​ຖືກ​ຕິຕຽນ ​ຢູ່ທັງ ໃນແລະ
​ນອກ​ປະ​ເທດ ​ຍ້ອນການ​ຕອບ​ໂຕ້​ທີ່​ລ່າ​ຊ້າ ຕໍ່​ການ​ລັກພາ​ໂຕ​ເດັກ​ນັກ ຮຽນ​ໄປ ​ແລະຍ້ອນ
ການ​ທີ່ທະຫານໄນ​ຈີ​ເຣຍ ​ບໍ່ສາມາດທີ່​ຈະ​ປາບ​ປາມ​ການ ກໍຄວາມ​ຮຸນ​ແຮ​ງ ຂອງພວກ
ໂບ​ໂກ ຮາຣາມ ທີ່ຖືກ​ເບິ່ງ​ເຫັນ​ວ່າ​ ເປັນໄພ​ຂົ່ມຂູ່​ດ້ານຄວາມ​ປອດ​ໄພ​ທີ່ໃຫຍ່​ທີສຸດ ຕໍ່ປະ​ເທດ ທີ່​ມີ​ເສດຖະກິດ​ກ້າວໜ້າ​ທີ່​ສຸດ ແລະເປັນ​ຜູ້ນໍາໜ້າດ້ານ​ການ​ຜະລິດພະລັງງານ ຂອງ​
ຂົງ​ເຂດ​ອາ​ຟຣິກາ.

NIGERIA SCHOOLGIRLS VO
please wait

No media source currently available

0:00 0:00:57 0:00

XS
SM
MD
LG