ໄນຈີເຣຍກ່າວວ່າ ມີການເປີດການເຈລະຈາຢຸດຍິງກັບກຸ່ມກໍ່ການຮ້າຍ Boko Haram ທີ່
ມີການຖິ້ມໂທດໃສ່ວ່າເປັນຜູ້ວາງລະເບີດແລະຍິງໂຈມຕີທີ່ເຮັດໃຫ້ມີຄົນຕາຍໄປຫລາຍຮ້ອຍ
ຄົນໃນຮອບ 18 ເດືອນທີ່ຜ່ານມານີ້.
ແຫ່ລງຂ່າວຈາກນັກການເມືອງແລະນັກການທູດ ທີ່ບໍ່ປະສົງອອກຊື່ກ່າວວ່າ ກໍາລັງມີການ
ແລກປ່ຽນຕໍ່ລອງຜ່ານຄົນກາງລະຫວ່າງລັດຖະບານແລະບັນດາຜູ້ນໍາຂອງກຸ່ມກໍ່ການຮ້າຍ.
ລາຍງານຂ່າວຈາກໄນຈີເຣຍແຈ້ງວ່າ ກຸ່ມ Boko Haram ໄດ້ຮຽກ ຮ້ອງໃຫ້ປ່ອຍສະມາ
ຊິກຂອງເຂົາເຈົ້າທີ່ຖືກຄຸມຂັງຢູ່ນັ້ນເພື່ອເປັນການແລກປ່ຽນກັບການຢຸດຍິງ. ລັດຖະບານກໍາ
ລັງພິຈາລະນາເບິ່ງຂໍ້ສະເໜີດັ່ງກ່າວນີ້ຢູ່.
ປະທານາທິບໍດີ Goodluck Jonathan ກໍາລັງໄດ້ຮັບຄວາມກົດດັນເພີ່ມຂຶ້ນເພື່ອຟື້ນຟູ
ນໍາເອົາຄວາມສະຫງົບມາສູ່ພາກເໜືອຂອງໄນຈີເຣຍບ່ອນທີ່ກຸ່ມ Boko Haram ໄດ້ທຳ
ການໂຈມຕີຫລາຍໆຄັ້ງ ຊຶ່ງເປົ້າໝາຍຈຳນວນນຶ່ງແມ່ນແນ່ໃສ່ຕໍາຫລວດ ເຈົ້າໜ້າທີ່ລັດຖະ
ບານ ແລະເຈົ້າໜ້າທີ່ສໍາຄັນອື່ນໆ.