ລິ້ງ ສຳຫລັບເຂົ້າຫາ

ວັນພະຫັດ, ໒໐ ມິຖຸນາ ໒໐໒໔

ໜັງສືພິມ ກ່າວວ່າ ປ. ທຣໍາ ພະຍາຍາມປົດ ທ່ານມັລເລີ ໃນເດືອນມິຖຸນາ ປີກາຍ


ໄອຍະການພິເສດ ທ່ານໂຣເບີດ ມັລເລີ ກຳລັງອອກຈາກ ຫ້ອງປະຊຸມລັບ ຫລັງຈາກພົບປະ ກັບຄະນະກຳມະການ ຍຸຕິທຳ ສະພາ ຂອງສະພາສູງ.
ໄອຍະການພິເສດ ທ່ານໂຣເບີດ ມັລເລີ ກຳລັງອອກຈາກ ຫ້ອງປະຊຸມລັບ ຫລັງຈາກພົບປະ ກັບຄະນະກຳມະການ ຍຸຕິທຳ ສະພາ ຂອງສະພາສູງ.

ໜັງສື​ພິມ​ນິວຢອກໄທມ໌ ​ແລະ ​ວໍຊິງ​ຕັນ​ໂພສທ໌ ລາຍ​ງາ​ນວ່າ ປະທານາທິບໍດີ ດໍໂນ​ລ
ທຣໍາ ​ໄດ້​ສັ່ງ​ໃຫ້​ປົດ​ໄອ​ຍະ​ການ​ພິ​ເສດ ທ່ານ​ໂຣ​ເບີດ ມັລເລີ ອອກ​ຈາກ​ໜ້າ​ທີ່ ​ໃນ​ເດືອນ
​ມິຖຸນາ​ທີ່​ຜ່ານ​ມາ ​ແຕ່​ໄດ້ໂຈະໄວ້ ​ເວລາ​ທີ່​ປຶກສາ​ທາງດ້ານກົດໝາຍປະຈຳທຳນຽບຂາວ
​ຂົ່ມຂູ່​ທີ່​ຈະລາ​ອອກ.

ທ່ານ​ມັລເລີ ​ກຳລັງ​ສື​ບສວນ​ຕໍ່ການ​ກ່າວ​ຫາທີ່ວ່າ ຄະນະໂຄສະນາ​ຫາ​ສຽງ​ຂອງ ທ່ານ​
ທຣໍາ​ຮ່ວມ​ມື​ກັບຣັດ​ເຊຍ​ ທີ່ແຊກ​ແຊງເຂົ້າໃນການ​ເລືອກ​ຕັ້ງ​ປະທານາທິບໍດີ​ປີ 2016​.
ນອກນັ້ນທ່ານ​ຍັງສືບສວນ​ເບິ່ງ​ຄວາມ​ເປັນ​ໄປ​ໄດ້​ກ່ຽວກັບ​ການ​ຂັດ ຂວາງ​ຂະບວນການ
ຍຸຕິ​ທໍາ ​ໂດຍ​ທຳນຽບຂາວ.

ອີງ​ຕາມໜັງສື​ພິມທັງສອງແລ້ວ ປະທານາທິບໍດີ​ທຣໍາ​ ໄດ້​ສັ່ງ​ໃຫ້​ກະຊວງ​ຍຸຕິ​ທໍາ​ປົດທ່ານ
​ມັລ​ເລີ ອອກ​ຈາກ​ໜ້າ​ທີ່ ​ເພາະ​ທ່ານ​ຮູ້ສຶກ​ວ່າ ມີ​ການ​ຂັດ​ແຍ້​ງກ່ຽວກັບຜົນຜົນປະ​ໂຫຍ​ດ
ຢູ່ສາມຢ່າງ ທີ່​ເຮັດ​ໃຫ້​ທ່ານ​ມັລ​ເລີ​ ບໍ່​ມີ​ຄຸນ​ນະ​ວຸດ​ທິ​ສາມາດເປັນຜູ້ນຳພາການ​ສື​ບສວນ ຄືການໂຕ້​ແຍ້​ງ ກ່ຽວ​ກັບເລື່ອງ​ຄ່າ​ທຳນຽມການເປັນສະມາ ຊິກຢູ່ເດີ່ນ​ຕີ​ກັອຟທີ່​ປະທາ
ນາທິບໍດີ​ທຣໍາເປັນ​ເຈົ້າຂອງທີ່​ເຮັດ​ໃຫ້​ທ່ານ​ມັລ​ເລີຕ້ອງລາ​ອອກ ທ່ານ​ມັລ​ເລີໄດ້​ເຮັດ​ວຽກ
​ໃຫ້​ແກ່​ຫ້ອງການ​ທະນາຍຄວາມ ທີ່​ໄດ້ເປັນ​ຜູ້ຕາງໜ້າ​ລູກ​ເຂີຍ ​ແລະ​ເປັນ​ທີ່​ປຶກສາຂອງ
ປະທານາທິບໍດີ ທ່ານ​ຈາ​ແຣັດ ກູ​ສ​ເນີ ​ແລະ​ທ່ານ​ມັລເລີ​ໄດ້ຖືກ​ສຳພາດ​ໃຫ້​ກັບ​ຄືນ​ໄປ​ກຳ
ຕຳແໜ່ງ​ເກົ່າ ​ເປັນ​ຫົວໜ້າ​ອົງການສັນຕິ​ບານ​ກາງ ຫຼື FBI ນຶ່ງ​ມື້ກ່ອນທີ່​ທ່ານ​ໄດ້​ແຕ່ງຖືກ
​ຕັ້ງ​ໃຫ້​ເປັນ​ໄອ​ຍະ​ການ​ພິ​ເສດ.

ປະທານາທິບໍດີດໍໂນລ ທຣໍາ ກ່າວຕໍ່ພວກນັກຂ່າວ ເວລາເດີນທາງມາເຖິງ ກອງປະຊຸມເສດຖະກິດໂລກ ທີດາໂວ.
ປະທານາທິບໍດີດໍໂນລ ທຣໍາ ກ່າວຕໍ່ພວກນັກຂ່າວ ເວລາເດີນທາງມາເຖິງ ກອງປະຊຸມເສດຖະກິດໂລກ ທີດາໂວ.

ລາຍ​ງານ​ກ່າວ​ວ່າ ທີ່​ປຶກສາ​ທາງດ້ານກົດໝາຍ ຂອງທຳນຽບຂາວ ທ່ານ​ດອນ ​ແມັກ​ແກ​ນ
​ໄດ້​ປະຕິ​ເສດ​ທີ່ຈະສົ່ງ​ຄຳ​ສັ່ງ​ຂອງ​ປະທາ​ນາ​ທິບໍດີ​ໄປໃຫ້ກະຊວງ​ຍຸຕິ​ທຳ​ເພື່ອ​ປົດ​ທ່ານ​ມັລ
​ເລີ​ອອກ​ຈາກ​ໜ້າ​ທີ່. ທ່ານ​ແມັກ​ແກນ​ເຊື່ອວ່າການ​ປົດທ່ານ​ມັລ​ເລີອອກ​ຈາກ​ໜ້າ​ທີ່ຈະ​ເປັນ
​ຜົນ​ກະທົບຢ່າງ​ຮ້າຍ​ແຮງ​ຕໍ່ການ​ເປັນ​ປະທານາ ທິບໍດີ​ຂອງທ່ານ​ທຣໍາ ​ແລະ​ເຮັດ​ໃຫ້​ເປັນ
​ເງົາ​ມືດ​ໃຫຍ່​ຂຶ້ນ​ຕໍ່ການກ່າວຫາກ່ຽວກັບການ​ຂັດຂວາງຂະບວນການ​ຍຸຕິ​ທຳ ອີງ​ຕາມ
ລາຍ​ງານ​ຂ່າວ.

ທະນາຍຄວາມ ທ່ານ​ດອນ ​ແມັກ​ແກ​ນ ເຫັນຢູ່ນິວຢອກ ເປັນທີປຶກສາໃຫ້ແກ່ທຳນຽບຂາວ.
ທະນາຍຄວາມ ທ່ານ​ດອນ ​ແມັກ​ແກ​ນ ເຫັນຢູ່ນິວຢອກ ເປັນທີປຶກສາໃຫ້ແກ່ທຳນຽບຂາວ.

ທະນາຍຄວາມ​ຂອງ​ປະທານາທິບໍດີ​ທຣໍາ ທ່ານທີ ຄັອບ ບໍ່ຍອມໃຫ້ຄວາມເຫັນກ່ຽວກັບ
ລາຍງານນີ້ “​ເພື່ອ​ໃຫ້​ກຽດ​ແກ່​ຫ້ອງການທີ່​ປືກສາ​ພິ​ເສດ ​ແລະ​ຂັ້ນຕອນ ການ​ດຳ​ເນີນງານ.”

ທ່ານ​ມັລ​ເລີ​ໄດ້​ຖືກ​ແຕ່ງ​ຕັ້ງ​ເປັນ​ໄອ​ຍະ​ການ​ພິ​ເສດ​ໃນ​ເດືອນ​ພຶດ​ສະພາ ຫລັງ​ຈາກ​ປະທາ
ນາທິບໍດີ​ທຣໍາ ​ໄດ້ປົດ​ຫົວໜ້າ​ອົງການ​ສັນຕິ​ບານ​ກາງ ທ່ານ​ເຈ​ມສ໌ ​ໂຄ​ມີ ຜູ້​ຊຶ່ງໃນ​ເວລາ​ນັ້ນ ​ເປັນຫົວໜ້າ​ການ​ສືບສວນກ່ຽວກັບເລື່ອງຣັດເຊຍ.

ປະທານາທິບໍດີດໍໂນລ ທຣໍາ ໂບກມື ໃນຂະນະທີ່ກຳລັງເດີນທາງໄປກອງປະຊຸມເສດຖະກິດໂລກ ທີ່ດາໂວ ສະວິດເຊີແລນ.
ປະທານາທິບໍດີດໍໂນລ ທຣໍາ ໂບກມື ໃນຂະນະທີ່ກຳລັງເດີນທາງໄປກອງປະຊຸມເສດຖະກິດໂລກ ທີ່ດາໂວ ສະວິດເຊີແລນ.

ການປົດ​ທ່ານ​ໂຄ​ມີ​ອອກ​ຈາກ​ໜ້າ​ທີ່ ​ໄດ້​ພາໃຫ້ເກີດມີ​ຄຳ​ຖາມ​ວ່າ ປະທານາທິບໍດີ​ໄດ້​ພະ
ຍາຍ​າມທີ່ຂັດ​ຂວາງ​ຂະບວນການຍຸຕິ​ທຳ​ໃນ​ການ​ສື​ບສວນຫລືບໍ່.

ລັດຖະມົນຕີຍຸຕິທໍາ ສະຫະລັດ ທ່ານແຈັຟ ແຊັສເຊີນ ກ່າວຕໍ່ກອງປະຊຸມນັກຂ່າວ.
ລັດຖະມົນຕີຍຸຕິທໍາ ສະຫະລັດ ທ່ານແຈັຟ ແຊັສເຊີນ ກ່າວຕໍ່ກອງປະຊຸມນັກຂ່າວ.

​ໃນະຂະ​ນະ​ດຽວ​ກັນ ທີມກົດໝາຍ​ຂອງ​ປະທານາທິບໍດີ​ທຣໍາ ກ່າວ​ໃນ​ວັນ​ພະຫັດ​ວານ​ນີ້
​ວ່າ ພະນັກງານ​ທຳນຽບຂາວຫລາຍ​ກວ່າ 20 ຄົ​ນ ອາສາ​ສະໝັກ​ໄປໂອ້​ລົມ​ກັບ​ທ່ານ​ມັລ​
ເລີ ​ແລະຄະນະສືບສວນ​ຂອງ​ທ່ານ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG