ໄດ້ເກີດແຜ່ນດິນໄຫວຂະໜາດຮ້າຍແຮງໃນ ເມືອງ
Christchurch ປະເທດ New Zealand ທີ່ເຮັດໃຫ້
ພວກຕຶກສູງໆຫັກພັງລົງໃນເວລາທີ່ພວກຄົນກໍາລັງເຮັດລ້າ
ເຮັດການຢູ່ ແລະເຮັດໃຫ້ມີຜູ້ເສຍຊີວິດຢ່າງນ້ອຍ 65 ຄົນ
ແລ້ວ.
ພວກກຸ່ມໜ່ວຍກູ້ໄພແລະດັບເພີງ ກ່າວວ່າ ພາຫານະແລະ
ວຽກງານກູ້ໄພຂອງ ເຂົາເຈົ້າແມ່ນບໍ່ພຽງພໍແລະລໍາບາກ
ຫລາຍໃນຂະນະທີ່ພະຍາຍາມຊ່ອຍເຫຼືອ ພວກທີ່ໄດ້ຮັບ
ບາດເຈັບ ແລະຊອກຄົ້ນຫາພວກທີ່ຕິດຄ້າງຢູ້ໃນຊາກຫັກ
ພັງນັ້ນ. ໄດ້ມີການນໍາໃຊ້ເຮຣິຄອບເຕີເພື່ອຫົດສາດນໍ້າ
ໃສ່ໄຟທີ່ລຸກໄໝ້ນັ້ນແລະລົດຍົກເຄື່ອງຂອງ ກໍໄດ້ຖືກນໍາ
ມາໃຊ້ເພື່ອຊ່ອຍເອົາພວກທີ່ຕິດຄ້າງຢູ່ເທິງຫຼັງຄາຂອງ ຕຶກສູງ ລົງມາ.
ນາຍົກລັດຖະມົນຕີ ທ່ານ John Key ທີ່ໄດ້ເດີນທາງ
ໄປຍັງທີ່ເກີດເຫດຢ່າງຮີບດ່ວນ ຈາກນະຄອນຫຼວງ
Wellington ກ່າວວ່າ ຈໍານວນພວກທີ່ເສັຍຊີວິດຍັງຈະມີເພີ່ມຂຶ້ນ ຊຶ່ງທ່ານກ່າວວ່າ
“ພວກເຮົາຊາວ New Zealand ແມ່ນໄດ້ປະສົບກັບມື້ທີ່ເສົ້າໝອງແລະຂົ່ມຂືນທີ່ສຸດມື້ນຶ່ງ ສໍາຫຼັບພວກເຮົາ.”
ແຜ່ນດິນໄຫວທີ່ມີຄວາມແຮງແທກໄດ້ 6.3 ນີ້ແມ່ນເປັນຄັ້ງທີ່ສອງ ໃນຮອບ 5 ເດືອນ
ຂອງເມືອງດັ່ງກ່າວ ບ່ອນທີ່ໄດ້ມີແຜ່ນດິນໄຫວ 7.1 ເກີດຂຶ້ນມາແລ້ວໃນເດືອນກັນຍາທີ່
ຜ່ານມາ ທີ່ບໍ່ໄດ້ມີການລົ້ມຕາຍໃດໆເລີຍ, ແຕ່ນັກທໍລະນີວິທະຍາທາງດ້ານແຜ່ນດິນໄຫວ
ກ່າວວ່າ ແຜ່ນດິນໄຫວໃນຄັ້ງນີ້ແມ່ນໄດ້ເກີດຂຶ້ນໃກ້ໆກັບຕົວເມືອງຫລາຍກ່ວາເທື່ອກ່ອນ
ແລະຢູ່ໃກ້ໜ້າດິນຫຼາຍທີ່ສຸດ ຈຶ່ງພາໃຫ້ມີຄວາມຮຸນແຮງຫລາຍກ່ວາ.
