ລິ້ງ ສຳຫລັບເຂົ້າຫາ

ວັນພຸດ, ໑໙ ມິຖຸນາ ໒໐໒໔

ສຫລ ຕັດສິນຈໍາຄຸກ ພວກວາງແຜນ ໂຈມຕີ ລົດໄຟໃຕ້ດິນ ທີ່ນິວຢອກ


ຮູບແຕ້ມນາຍ Adis Medunjanin ຜູ້ຖືກຄະນະຂຸນສານລັດຖະບານກາງ ຕັດສິນວ່າກະທໍາຜິດ ໃນຂໍ້ຫາວາງແຜນລະເບີດລົດໄຟໃຕ້ດິນ ທີ່ນີວຢ໊ອກ ແລະຖືກຕັດສິນ ຈໍາຄຸກຕະຫລອດຊີວິດນັ້ນ.
ຮູບແຕ້ມນາຍ Adis Medunjanin ຜູ້ຖືກຄະນະຂຸນສານລັດຖະບານກາງ ຕັດສິນວ່າກະທໍາຜິດ ໃນຂໍ້ຫາວາງແຜນລະເບີດລົດໄຟໃຕ້ດິນ ທີ່ນີວຢ໊ອກ ແລະຖືກຕັດສິນ ຈໍາຄຸກຕະຫລອດຊີວິດນັ້ນ.
ໃນວັນສຸກວານນີ້ ສານລັດຖະບານກາງໃນນະຄອນນີວຢອກ
ໄດ້ຕັດສິນຈໍາຄຸກຕະຫລອດຊີວິດ ສະມາຊິກຂອງເຄືອຂ່າຍ
al-Qaida ຜູ້ນຶ່ງທີ່ວາງແຜນຈະໂຈມຕີດ້ວຍລະເບີດສະລະຊີບ ຕໍ່ລະບົບລົດໄຟໃຕ້ດິນໃນນະຄອນນິວຢອກໃນປີ 2009 ແຕ່
ບໍ່ສໍາເລັດນັ້ນ.

ພວກໄອຍະການສານເວົ້າວ່າ ທ້າວ Adis Medujanin ແລະ
ຜູ້ສົມຮູ້ຮ່ວມຄິດ ຖືກນັກສືບລັບຂອງລັດຖະບານກາງຈັບໄດ້ບໍ່
ພໍເທົ່າໃດມື້ ກ່ອນຈະລົງມືປະຕິບັດຕາມແຜນການດັ່ງກ່າວນັ້ນ.

ພວກເຈົ້າໜ້າທີ່ກ່າວວ່າ ທ້າວ Medujanin ພະຍາຍາມຫລີກ
ລ່ຽງການຈັບກຸມໂດຍໄດ້ຂັບລົດທີ່ເຕັມໄປດ້ວຍວັດຖຸລະເບີດໄປ
ໃນຄວາມໄວສູງ ຢູ່ຕາມ ທາງດ່ວນຂອງນະຄອນນິວຢອກ ໂດຍ ຕັ້ງໃຈວ່າຈະຂັບໄປຕໍາກັບລົດຄັນອື່ນ ແລ້ວເຮັດໃຫ້ລົດຄັນດັ່ງກ່າວລະເບີດຂຶ້ນ.

ກະຊວງຍຸດຕິທໍາສະຫະລັດເວົ້າວ່າ ທ້າວ Medujanin ແລະເພື່ອນຈໍາເລີຍຂອງລາວ ໄດ້ ອອກຈາກສະຫະລັດໄປ ໃນປີ 2008 ໂດຍຕັ້ງໃຈວ່າຈະໄປເຂົ້າຮ່ວມກຸ່ມຕານລີບານ ໃນ ອັຟການິສຖານ. ແຕ່ກົງກັນຂ້າມ ພວກເຂົາເຈົ້າ ໄດ້ຕົກໄປຢູ່ໃນປາກິສຖານ ບ່ອນທີ່ພວກ ປະຕິບັດງານ al-Qaida ໄດ້ຝຶກ ແລະສັ່ງໃຫ້ເຂົາເຈົ້າດໍາເນີນການໂຈມຕີກໍ່ການຮ້າຍຢູ່ໃນ ສະຫະລັດ.

ສ່ວນຜູ້ຕ້ອງສົງໄສອີກ 6 ຄົນ ໄດ້ຖືກຕັດສິນໂທດໄປແລ້ວ.

ກ່ຽວຂ້ອງກັນ

XS
SM
MD
LG