ລິ້ງ ສຳຫລັບເຂົ້າຫາ

ວັນສຸກ, ໑໔ ມິຖຸນາ ໒໐໒໔

ເຈົ້າໜ້າທີ່ ສຫລ ຈັບຊາຍຄົນນຶ່ງ ທີພົວພັນ ກັບເຄືອຂ່າຍ ອາລ ກາອິດາ (ວີດີໂອ)


ນາງ Sandra Zea ກ່າວຕໍ່ນັກຂ່າວ ຢູ່ນອກສານແຫ່ງນຶ່ງ ທີ່ ນີວຢອກ ຫຼັງຈາກລູກຊາຍຂອງລາວຖືກຈັບ
ວັນທີ 18, ຕຸລາ 2013.
ນາງ Sandra Zea ກ່າວຕໍ່ນັກຂ່າວ ຢູ່ນອກສານແຫ່ງນຶ່ງ ທີ່ ນີວຢອກ ຫຼັງຈາກລູກຊາຍຂອງລາວຖືກຈັບ ວັນທີ 18, ຕຸລາ 2013.
​ເຈົ້າ​ໜ້າ​ທີ່​ສະຫະລັດໄດ້ຈັບ​ກຸມ​ຊາຍ​ໄວ 25 ປີ ຄົນ​ນຶ່ງ ທີ່​ນະ
ຄອນ​ນີວຢອກ​ໃນຂໍ້​ຫາ​ວ່າ​ ຜູ້ກ່ຽວ​ໄດ້​ພະຍາຍາມ​ເຂົ້າ​ຮ່ວມ​ໃນ
​ອົງການ​ນຶ່ງ​ທີ່​ມີ​ສ່ວນ​ພົວພັນ​ກັບເຄືອ​ຂ່າຍ​ ອາລ ​ກາ​ອິດາ ​ໃນ
​ເຢ​ເມນ ​ແລະ​ຄົບ​ຄິດ​ວາງ​ແຜນ​ທຳ​ການ​ຄາດ​ຕະກຳ​ຜູ້​ຄົນໃນ
​ຕ່າງປະ​ເທດ.

ທ້າວ Marcos Alonso Zea ທີ່​ເອີ້ນ​ກັ​ນ​ໃນ​ອີກ​ຊື່​ນຶ່ງວ່າ Ali Zea ​ໄດ້​ຖືກ​ຈັບ​ກຸມ​ໃນ​ວັນ​ສຸກ​ວານ​ນີ້ ​ທີ່ເຮືອນ​ຂອງ​ຜູ້ກ່ຽວ​ເອງ​ໃນ​ຄຸ້ມ Brentwood ​ໃນ​ເມືອງ Long Island.

ຜູ້ກ່ຽວ​ຖືກ​ກ່າວ​ຫາ​ໃນ​ຖານ​ຄົບ​ຄິດ​ວາງ​ແຜນທຳ​ການ​ຄາດ​ຕະ
ກຳຜູ້​ຄົນໃນ​ຕ່າງປະ​ເທດ ພະຍາຍາມຈະ​ໃຫ້ການ​ສະໜັບສະໜຸນ​ພວກ​ກໍ່​ການ​ຮ້າຍ ​ແລະ​
ກຸ່ມ ອາລ ກາ​ອິດາ ​ໃນແຫຼມ​ອາ​ເຣ​ເບຍທີ່​ມີ​ຊື່ວ່າ Ansar al-Sharia ນັ້ນ ​ແລະ​ຂັດຂວາງ​
ຄວາມ​ຍຸຕິ​ທຳ.

ຜູ້ກ່ຽວໃຫ້ການວ່າ ຕົນ​ບໍ່​ມີ​ຄວາມ​ຜິດ​ຫຍັງ ​ແລະ​ເວລາ​ນີ້​ ກຳລັງ​ຖືກ​ຄວບ​ຄຸມ​ໂຕ​ໄວ້​ໂດຍບໍ່​
ໃຫ້ປະກັນ​ໂຕ​ອອກ.

​ໃນ​ປີ​ແລ້ວ​ນີ້ ນາຍ Zea ​ໄດ້​ພະຍາຍາມ​ຈະບິນ​ໄປ​ຍັງ​ປະ​ເທດ​ເຢ​ເມນ ​ແຕ່​ຖືກ​ພວກ​ເຈົ້າ​
ໜ້າທີ່ອັງກິດ​ຢຸດ​ໄວ້ ​ເນື່ອງ​ຈາກ​ວ່າ​ຜູ້ກ່ຽວ​ບໍ່​ມີ​ເອກະສານ​ເດີນທາງ​ເຂົ້າ​ໄປ​ຍັງ​ປະ​ເທດ
​ເຢ​ເມນ ​ແລະ​ຜູ້ກ່ຽວ​ຖືກ​ສົ່ງ​ກັບ​ຄືນມາ​ຍັງ​ສະຫະລັດອາ​ເມຣິກາ.

 New York man arrested for trying to join al-Quaida
please wait

No media source currently available

0:00 0:00:28 0:00

XS
SM
MD
LG