ລາຍການສຽງເພງຈາກແດນໄກຂອງ VOA ໄດ້ຈັດຕຽມເພງທີ່ກ່ຽວກັບວັນປີໃໝ່
ສາກົນທີ່ມີຄວາມໝາຍດີໆ ມາສະເໜີີທ່ານ ເພາະວ່າ ຍັງອີກພຽງມື້ດຽວ ກໍເຖິງ
ວັນປີໃໝ່ແລ້ວ ຢ່າລໍຊ້າເລີຍ.
ສະບາຍດີປີໃໝ່ທຸກໆທ່ານ ວັນນະສອນດີໃຈຫຼາຍ ທີ່ໄດ້ມາຈັດເພງເພື່ອສົ່ງພອນປີໃໝ່
ໃຫ້ທ່ານຜູ້ຟັງໄດ້ນອນໄປ ຟັງເພງໄປ ແບບສະບາຍໆ ເພື່ອຕ້ອນຮັບປີໃໝ່ສາກົນ ປີ
2019 ຊຶ່ງກໍຍັງເຫຼືອພຽງມື້ດຽວເທົ່ານັ້ນ ຂໍອວຍພອນແລະສົ່ງຄວາມຄິດຮອດ ຄິດເຖິງ
ມາກັບສຽງເພງ “ລຳວົງປີໃໝ່” ທີ່ຂັບຮ້ອງໂດຍ ສິດທິພອນ ສຸວັນນະສຸກ ພ້ອມດຽວກັນນີ້
ວັນນະສອນ ກໍຂໍຮຽນເຊີນທຸກໆທ່ານອອກມາລ້າຍລຳວົງຮ່ວມກັນ ເພາະຈະໄດ້ເບີກ
ບານມ່ວນຊື່ນແລະຍິນດີ ຕ້ອນຮັບຄວາມສຸກ ຄວາມຈະເລີນ ທີ່ກຳລັງຫຼັ່ງໄຫຼເຂົ້າມາ.
ເພງຕໍ່ໄປນີ້ ເປັນເພງຫວານແບບ classic ທີ່ຫາຟັງໄດ້ຍາກແລ້ວ ວັນນະສອນຄິດວ່າ
ຄົງເປັນເພງທີ່ມ່ວນຫູ ແລະຖືກໃຈຂອງຫຼາຍໆທ່ານ ໂດຍສະເພາະຮັບຟັງ ໃນຊ່ວງນີ້
ຊ່ວງດີໆຂອງປີໃໝ່ ເພາະຈະໄດ້ຕຽມໃຈຕ້ອນຮັບໂຊກລາບພ້ອມໆກັນ ເອົາຂໍເຊີນໄປ
ຟັງເພງ What Are You Doing New Year's Eve ທີ່ຂັບຮ້ອງໂດຍ Orioles.
ແລະຂໍສົ່ງພອນດີໆ ພອນທີ່ປະເສີດ ພອນທີ່ລ້ຳເລີດ ມາກັບສຽງເພງ "ປີໃໝ່ແລ້ວ
ແກ້ວຕາ” ທີ່ຂັບຮ້ອງໂດຍ ແຊມ ກັບ ຢູໂກະ ໃຫ້ແດ່ທຸກໆທ່ານທີ່ກຳລັງຮັບຟັງຢູ່ໃນ
ຂະນະນີ້ ຟັງເພງໄປ ໄດ້ມ່ວນຊື່ນໄປ ໄດ້ຄວາມຮູ້ສຶກດີໆຈາກ ລາຍການສຽງເພງ
ຈາກແດນໄກຂອງ VOA ຂໍໃຫ້ຕັ້ງໃຈ ກະທຳໃນສິ່ງທີ່ດີງາມ ເພາະປີໃໝ່ແລ້ວກໍ
ຈະໄດ້ເປັນຄົນໃໝ່ທີ່ທັນສະໄໝ ມີມຸມມອງທີ່ positive ຄິດໄປທາງບວກ ແລະຊີວິດ
ສົດໃສເບີກບານ ແລະຂໍໃຫ້ຄິດວ່າ ວັນໃໝ່ ຂອງປີໃໝ່ ກໍຈະງົດງາມ ແລະດີກວ່າເກົ່າ
ດີກວ່າປີທີ່ຜ່ານມາ. ວັນນະສອນ ພ້ອມດ້ວຍຄະນະຂອງ VOA ທຸກຖ້ວນໜ້າ ຈົ່ງຂໍຖື
ໂອກາດນີ້ ອວຍພອນແລະສົ່ງຄວາມປາດຖະໜາດີ ໃຫ້ແດ່ທ່ານຜູ້ຟັງລາຍການ
ວິທະຍຸ VOA ແລະ ຂໍດົນບັນດານໃຫ້ທ່ານຜູ້ຟັງ ປະສົບແຕ່ຄວາມຜາສຸກ ມີອາຍຸ
ວັນນັງ ສຸກຂັງ ພະລັງ ຕະຫຼອດປີໃໝ່ 2019 ທີ່ຈະມາເຖິງນີ້ດ້ວຍເທີ້ນ. ນອນຫລັບ
ຝັນຫວານ ຂໍໃຫ້ທຸກໆທ່ານຕືນຂຶ້ນມາ ພ້ອມກັບຄວາມຝັນທີ່ເປັນຈິງທຸກປະການ.
ໂຊກດີປີໃໝ່.
