ຜູ້ບັນຊາການຄົນໃໝ່ຂອງ ກອງທັບເຮືອ ສະຫະລັດ ໃນເຂດ
ປາຊິຟິກ ກຳລັງຊອກຫາຊ່ອງທາງເພື່ອໃຫ້ການຄຳ້ປະກັນແກ່
ບັນດາພັນທະມິດຢູ່ໃນຂົງເຂດວ່າ ການຫັນກຳລັງທະຫານ
ສະຫະລັດ ຈະເປັນການເຄື່ອນໄຫວແບບຍືນຍົງ ທ່າມ ກາງທີ່
ມີຄວາມເປັນຫ່ວງ ກ່ຽວກັບການຂະຫຍາຍກຳລັງທາງທະເລ
ຂອງຈີນ.
ນັບແຕ່ທ່ານໄດ້ເຂົ້າຮັບຕຳແໜ່ງ ເປັນຜູ້ບັນຊາການກອງທັບ
ເຮືອ ໃນເຂດປາຊີ ຟິກ ເມື່ອສາມເດືອນກ່ອນ ພົນເຮືອເອກ
Scott H. Swift ໄດ້ເດີນທາງໄປ ຢ້ຽມຢາມຟິລິບປີນ ເກົາຫລີໃຕ້ ຍີ່ປຸ່ນ ອອສເຕຣເລຍ ນິວຊີແລນ ແລະມາເລເຊຍ ເພື່ອພົບປະກັບບັນດາຄູ່ຕຳແໜ່ງ ຢູ່ໃນກອງທັບເຮືອ ຂອງປະເທດເຫຼົ່ານີ້.
ພົນເຮືອເອກ Swift ໄດ້ກ່າວຕໍ່ບັນດານັກຂ່າວ ໃນວັນອັງຄານມື້ນີ້
ວ່າ ຢູ່ໃນແຕ່ລະບ່ອນທີ່ທ່ານໄດ້ໄປຢ້ຽມຢາມນັ້ນ ຕ່າງກໍມີ“ຄວາມ
ຮູ້ສຶກບໍ່ສະບາຍໃຈ” ເນຶ່ອງຈາກຄວາມເປັນຫ່ວງ ກ່ຽວກັບ “ຂອບ
ເຂດແລະຂະໜາດ” ໃນການຖົມ ເກາະດອນຂອງປັກກິ່ງ ຢູ່ໃນທະ
ເລຈີນໃຕ້.
ທ່ານພົນເຮືອ Swift ກ່າວວ່າ “ເຂົາເຈົ້າທັງໝົດ ຕ່າງກໍໄດ້ສະແດງ
ຄວາມເປັນຫ່ວງ ແລະບໍ່ແນ່ນອນກ່ຽວກັບວ່າ ອະນາຄົດຈະເປັນ
ຢ່າງໃດ. ແຕ່ ຂ້າພະເຈົ້າຄິດວ່າ ສິ່ງສຳຄັນທີ່ສຸດນັ້ນກໍຄື ການເຕົ້າ
ໂຮມກັນແບບຫຼາຍຝ່າຍ ແລະຫາທາງ ແກ້ໄຂແບບຜ່ອນສັ້ນຜ່ອນ
ຍາວ ໃນການແກ້ໄຂບັນຫາຂັດແຍ້ງເຫລົ່ານີ້ ກ່ຽວກັບ ການອ້າງ
ເອົາກຳມະສິດຢູ່ໃນຂົງເຂດໃນທາງບວກ ແລະບໍ່ອະນຸຍາດໃຫ້ໃຊ້
ການ ຂູ່ເຂັນ ຫລືກຳລັງ ຂົ່ມຂູ່ ເພື່ອແກ້ໄຂຜົນປະໂຫຍດຂອງຝ່າ
ໃດຝ່າຍນຶ່ງ ຫລືຝ່າຍອື່ນໆ.”
ພົນເຮືອເອກ Swift ໄດ້ໃຫ້ຄວາມເຫັນດັ່ງກ່າວຢູ່ທີ່ນະຄອນ Kuala Lumpur ໃນກອງປະ
ຊຸມທາງໂທລະສັບ ກັບບັນດານັກຂ່າວ ຢູ່ໃນຂົງເຂດ.
