ທ່ານ Hassan Sheikh Mohamud ໄດ້ເປັນ ປະທານາທິບໍດີຄົນໃໝ່ ຂອງໂຊມາເລຍ

ສະມາຊິກສະພາໂຊມາເລຍ ໄດ້ເລືອກເອົາ ທ່ານ Hassan
Sheikh Mohamud ເປັນປະທານາທິບໍດີຄົນໃໝ່ຂອງປະເທດ.

ຜູ້ສະໝັກທີ່ຖືວ່າຍັງໃໝ່ຢູ່ໃນວົງການການເມືອງ ໄດ້ຊະນະຜູ້ນໍາ
ຄົນຄອງເກົ່າ ກໍຄືທ່ານ Sheikh Sharif Sheikh Ahmed
ໃນການລົງຄະແນນສຽງ ຮອບທີ 3 ໃນວັນຈັນ ວານນີ້ ໂດຍໄດ້
ຮັບການສະໜັບສະໜຸນຈາກສະມາຊິກສະພາ ທີ່ຕ້ອງການ
ຢາກໃຫ້ມີ ການປ່ຽນແປງຜູ້ນໍາພານັ້ນ.

ປະທານສະພາ ທ່ານ Mohamed Sheikh Osman ໄດ້ກ່າວ
ວ່າປະທານາທິບໍດີຄົນໃໝ່ໄດ້ຊະນະການເລືອກຕັ້ງ ດ້ວຍ
ຄະແນນສຽງຢ່າງຖ້ວມລົ້ນ. ຊຶ່ງທ່ານກ່າວວ່າ:

“ທ່ານ Sharif Sheikh Ahmed ໄດ້ 79 ຄະແນນ. ທ່ານ Hassan Sheikh
Mohamed ໄດ້ 190 ຄະແນນ.”

ທ່ານ Mohamed ໄດ້ສາບານຕົວເຂົ້າຮັບຕຳແໜ່ງໃນທັນທີ ຫຼັງຈາກທີ່ໄດ້ຮັບການເລືອກ
ຕັ້ງແລ້ວ. ທ່ານໄດ້ກ່າວຂອບໃຈຕໍ່ປະທານາທິບໍດີຄົນກ່ອນ ທ່ານ Ahmed ທີ່ໄດ້ນໍາພາ
ປະເທດຊາດ ໄປສູ່ການເລືອກຕັ້ງຄັ້ງປະວັດສາດນີ້ ແລະຂໍຮ້ອງໃຫ້ຊາວໂຊມາເລຍ
ໃຫ້ການສະນັບສະໜູນທ່ານ.