ມະຫາເສດຖີພັນລ້ານ ທ່ານ Donald Trump ສືບຕໍ່ໄດ້ຮັບການສະໜັບສະໜູນເພີ່ມຂຶ້ນ ໃນການຄົ້ນຫາການທີ່ຈະໄດ້ເປັນໂຕແທນຜູ້ສະໝັກຮັບເລືອກຕັ້ງຂອງພັກ Republican ໃນການເລືອກຕັ້ງປະທານາທິບໍດີ ສະຫະລັດ ປີໜ້ານີ້.
ໃນການຢັ່ງຫາງສຽງຄັ້ງໃໝ່ຂອງແຫຼ່ງຂ່າວ Washington Post ແລະ ABC ໄດ້ເປີດເຜີຍໃນວັນຈັນມື້ນີ້ວ່າ 33 ເປີເຊັນຂອງຜູ້ມີສິດລົງຄະແນນສຽງພັກ Republican ກ່າວວ່າ ພວກເຂົາຈະເລືອກເອົາທ່ານ Trump. ນັ້ນແມ່ນການເພີ່ມຂຶ້ນ 24 ເປີເຊັນຂອງຜູ້ທີ່ກ່າວວ່າ ຈະສະໜັບສະໜູນທ່ານຈາກເດືອນ ກໍລະກົດທີ່ຜ່ານມາ.
ການສະໜັບສະໜູນ ອະດີດແພດຜ່າຕັດລະບົບເສັ້ນປະສາດ ທ່ານ Ben Carson ກໍໄດ້ເພີ່ມຂຶ້ນເປັນອັນດັບສອງໃນລະຫວ່າງການ
ເພີ່ມຂຶ້ນຂອງການສະໜັບສະໜູນດັ່ງກ່າວ, ເຊິ່ງເພີ່ມຂຶ້ນຈາກ 6 ເປີເຊັນ ໃນເດືອນກໍລະກົດ ເປັນ 20 ເປີເຊັນ ໃນການຢັ່ງຫາງສຽງວັນຈັນມື້ນີ້, ເຊິ່ງໄດ້ດຳເນີນຂຶ້ນໃນສັບປະດາທີ່ຜ່ານມາ.
ສ່ວນຜູ້ລົງຮັບສະໝັກເລືອກຕັ້ງຄົນອື່ນໆ ແມ່ນກຳລັງດີ້ນຮົນກັບການຕາມການລົງຄະແນນ ສຽງໃຫ້ທັນ ໃນຂະນະທີ່ພວກເຂົາເຈົ້າກຽມພ້ອມສຳລັບການໂຕ້ວາທີຮອງບທີສອງໃນຕອນຄ່ຳຂອງວັນພຸດມື້ຮືນີ້.
ອະດີດເຈົ້າຄອງລັດ Florida ໄດ້ຮັບ 9 ເປີເຊັນໃນການຢັ່ງຫາງສຽງ, ຕາມມາດ້ວຍສະມາຊິກສະພາລັດ Texas ທ່ານ Ted Cruz ແລະ ສະມາຊິກສະພາລັດ Florida ທ່ານ Marco Rubio ໄດ້ 7 ເປີເຊັນ.
ການຢັ່ງຫາງສຽງສະແດງໃຫ້ເຫັນການໂຄສະນາຫາສຽງທີ່ລຳບາກໃນສອງເດືອນຂອງເຈົ້າ ຄອງລັດ Wisconsin ທ່ານ Scott Walker, ເຊິ່ງນຳຫຼັງທ່ານ Trump ເປັນອັນດັບສອງໃນເດືອນກໍລະກົດທີ່ຜ່ານມາ ດ້ວຍ 13 ເປີເຊັນໃນການຢັ່ງຫາງສຽງດ່ັງກ່າວ, ແຕ່ວ່າຕອນນີ້ຕ້ອງ ໄດ້ມີການຕັດສິນໃຈເອົາລະຫວ່າງພຽງແຕ່ 2 ເປີເຊັນເທົ່ານັ້ນໃນຈຳນວນພວກທີ່ຖືກຢ່ັງຫາງສຽງ.
