ທ່ານເບີນີ ແຊນເດີສ໌, ສະມາຊິກສະພາສູງຂອງລັດເວີມັນທ໌ ໄດ້ຮັບໄຊຊະນະໃນການເລືອກຕັ້ງຂັ້ນຕົ້ນຢູ່ໃນລັດນິວແຮມເຊີ ໃນວັນອັງຄານວານນີ້ ຊຶ່ງໄດ້ເຮັດໃຫ້ສະຖານະພາບຂອງທ່ານໃນການໄດ້ຮັບການແຕ່ງຕັ້ງໃຫ້ເປັນຜູ້ຕາງໜ້າຂອງພັກເດໂມແຄຣັດເພື່ອລົງສະໝັກເລືອກຕັ້ງປະທານາທິບໍດີ ຖືກຍົກສູງຂຶ້ນ. ຜູ້ທີ່ໄດ້ທີສອງຊຶ່ງມີຄະແນນໃກ້ຄຽງກັນນັ້ນ ກໍໄດ້ແກ່ອະດີດເຈົ້າເມືອງປີເຕີ ບູຕີເຈຈ (Peter Buttigieg) ຂອງເມືອງເຊົ້າເບັນ (South Bend) ໃນລັດອິນເດຍນາ. ຕິດຕາມດ້ວຍທ່ານນາງເອມມີ ໂຄລບູຈາ Amy Klobuchar ສະມາຊິກສະພາສູງຂອງລັດມິນເນໂຊຕາ ຜູ້ທີ່ໄດ້ເຮັດໃຫ້ຫລາຍຄົນຕົກຕະລຶງ ທີ່ເຫັນວ່າ ທ່ານໄດ້ເປັນທີສາມຢ່າງມີຄວາມເຂັ້ມແຂງ, ຊຶ່ງເຮັດໃຫ້ການໂຄສະນາຫາສຽງຂອງທ່ານນາງໄດ້ຮັບພະລັງກັບຄືນມາອີກ. Jim Malone, ນັກຂ່າວແຫ່ງຊາດຂອງວີໂອເອ, ມີລາຍງານເພີ້ມເຕີມ ກ່ຽວກັບຜົນການເລືອກຕັ້ງ ໃນລັດນິວແຮມເຊີ ຈາກນະຄອນຫລວງວໍຊິງຕັນ ຊຶ່ງບົວສະຫັວນ ຈະນຳມາສະເໜີທ່ານໃນອັນດັບ ຕໍ່ໄປ.
ທ່ານເບີນີ ແຊນເດີສ໌, ໄດ້ຮັບການສະໜັບສະໜຸນຢ່າງແຂງຂັນຈາກພວກສັງກັດພັກເດໂມແຄຣັດ ທີ່ມີຫົວກ້າວໜ້າ ແລະບັນດາຜູ້ປ່ອນບັດເລືອກຕັ້ງ ທີ່ໜຸ່ມກວ່າ ໃຫ້ພຸ້ງຕົວຂຶ້ນສູ່ລະດັບສູງສຸດໃນຕອນຈົບລົງຂອງການເລືອກຕັ້ງຂັ້ນຕົ້ນຢູ່ໃນລັດນິວແຮມເຊີ.
ສະມາຊິກສະພາສູງເບີນີ ແຊນເດີສ໌, ຜູ້ລົງສະໝັກຈາກພັກເດໂມແຄຣັດກ່າວວ່າ:
"ການໂຄສະນາຫາສຽງຂອງພວກເຮົາບໍ່ແມ່ນພຽງແຕ່ເປັນການເອົາຊະນະທ່ານ ທຣຳ ໃຫ້ໄດ້ເທົ່ານັ້ນ. ມັນເປັນການປ່ຽນແປງປະເທດນີ້ໂດຍທັງໝົດ. ມັນເປັນຄວາມກ້າຫານ ທີ່ຈະເອົາມາຕະການຕໍ່ຕະຫລາດຮຸ້ນວອລ ສທຣິດທ໌ (Wall Street), ຕໍ່ບັນດາບໍລິສັດປະກັນໄພ, ຕໍ່ອຸດສາຫະກຳເຊື້ອເພີງທີ່ເຮັດຈາກຊາກພືດ ຊາກສັດ ແລະ ຍ່ານການຄ້າອຸດສາຫະກຳດ້ານການທະຫານ.”
ອະດີດເຈົ້າເມືອງປີເຕີ ບູຕີເຈຈ (Peter Buttigieg) ໄດ້ເປັນທີສອງຊຶ່ງມີຄະແນນໃກ້ຄຽງກັນ ຢູ່ໃນລັດນິວແຮມເຊີ ພາຍຫລັງທີ່ໄດ້ເປັນທີນຶ່ງໃນການເລືອກຕັ້ງຂັ້ນຕົ້ນໃຫ້ເປັນຜູ້ຕາງໜ້າພັກ ຢູ່ໃນລັດໄອໂອວາໃນອາທິດແລ້ວນີ້.
ທ່ານບູຕີເຈຈ (Buttigieg) ໃຫ້ສັນຍາວ່າຈະເຕົ້າໂຮມເອົາພວກສັງກັດພັກເດໂມແຄຣັດໃຫ້ເຂົ້າມາຫາກັນ.
ປີເຕີ ບູຕີເຈຈ (Peter Buttigieg), ຜູ້ລົງສະໝັກຈາກພັກເດໂມແຄຣັດອີກທ່ານນຶ່ງກ່າວວ່າ:
"ພວກເຮົາໄດ້ຖືກບາງຄົນບອກເຮົາວ່າ ເຈົ້າຕ້ອງເລືອກທີ່ຈະສະໜັບສະໜຸນການປະຕິວັດ ຫລື ບໍ່ກໍສະໜັບສະໜຸນຮັກສາສະພາບການປັດຈຸບັນໄວ້. ຄົນອາເມຣິກັນສ່ວນໃຫຍ່ແລ້ວ ບໍ່ເຫັນວ່າຕົນເອງເໝາະ ຢູ່ໃນວິໄສທັດທີ່ແບ່ງແຍກກັນແບບນັ້ນ. ແລະພວກເຮົາຈະບໍ່ສາມາດທີ່ຈະເອົາຊະນະປະທານາທິບໍດີທີ່ມີຄວາມເດັດດ່ຽວທີ່ສຸດ ຢູ່ໃນປະຫວັດສາດຂອງອາເມຣິກາ ໃນການທຳລາຍຄົນບໍ່ວ່າ ຈະເປັນໃຜກໍຕາມທີ່ບໍ່ເຫັນດີກັບພວກເຮົາ 100 ເປີເຊັນ ໃນທຸກຄັ້ງ."
ບາງທີ ເລື້ອງທີ່ເຮັດໃຫ້ຕົກຕະລຶງຢູ່ໃນຄ່ຳຄືນນັ້ນ ກໍຄືການຄວ້າເອົາທີສາມຢ່າງມີຄວາມເຂັ້ມແຂງໃນຕອນຈົບການແຂ່ງຂັນຂອງທ່ານນາງເອມມີ ໂຄລບູຈາ Amy Klobuchar ສະມາຊິກສະພາສູງຂອງລັດມິນເນໂຊຕາ.
ທ່ານນາງໂຄລບູຈາ (Klobuchar) ເຮັດໃຫ້ການໂຄສະນາຫາສຽງຂອງທ່ານ ນາງໄດ້ຮັບພະລັງກັບຄືນມາອີກ ໂດຍມີການສະໜັບສະໜຸນພຸ້ງສູງຂຶ້ນໃນຕອນທ້າຍຈາກພວກປ່ອນບັດທີ່ມີຫົວນິຍົມສາຍກາງ ແລະການສະແດງໃຫ້ເຫັນຄວາມເຂັ້ມແຂງຢູ່ໃນການໂຕ້ວາທີ ຢູ່ໃນແລງວັນສຸກແລ້ວນີ້.
ທ່ານນາງເອມມີ ໂຄລບູຈາ Amy Klobuchar ຜູ້ລົງສະໝັກຈາກພັກເດໂມແຄຣັດອີກຄົນນຶ່ງກ່າວວ່າ:
"ຄວາມຝັນຮ້າຍທີ່ສຸດຂອງປະທານາທິບໍດີ ດໍໂນລ ທຣຳ ກໍຄືການມີປະຊາຊົນທີ່ຢູ່ໃນສາຍກາງ, ປະຊາຊົນທີ່ອີ່ມຕໍ່ການໄດ້ຍິນສຽງດ່າຄົນແລະການໃສ່ຮ້າຍປ້າຍ ສີແລ້ວ, ການມີຜູ້ໃດຜູ້ນຶ່ງທີ່ໃຫ້ຄົນໄປປ່ອນບັດເອົາໃນເດືອນພະຈິກນີ້!”
ການໄດ້ເປັນທີສາມໃນຕອນຈົບການແຂ່ງຂັນລົງຂອງທ່ານນາງໂຄລບູຈາ (Klobuchar) ແມ່ນມີຂຶ້ນໂດຍການເຮັດໃຫ້ສະມາຊິກສະພາສູງຂອງລັດແມັສຊາຈູແຊັສ, ທ່ານນາງ ເອລີຊາເບັດ ວໍເຣນ ແລະອະດີດຮອງປະທານາທິບໍດີ ໂຈ ໄບເດັນ ໄດ້ຮັບຄວາມເສຍໄຊ.
ການສະແດງໃຫ້ເຫັນວ່າຢູ່ໃນອັນດັບທີ 5 ຂອງທ່ານ ໄບເດັນໄດ້ເຮັດໃຫ້ຄວາມຫວັງທີ່ຈະໄດ້ເປັນປະທານາທິບໍດີຂອງທ່ານຫັບຫາຍໄປ ເຖິງແມ່ນວ່າ ທ່ານຈະໄດ້ໃຫ້ຄຳໝັ້ນສັນຍາວ່າຈະສູ້ ຢູ່ໃນຕອນທີ່ທ່ານເວົ້າຕໍ່ບັນດາຜູ້ສະໜັບສະໜຸນທ່ານ ຢູ່ໃນລັດຄາໂຣໄລນາໃຕ້ນັ້ນກໍຕາມ.
ທ່ານກ່າວດັ່ງນີ້:
"ສະນັ້ນ ເມື່ອພວກທ່ານໄດ້ຍິນພວກບັນດິດ ແລະນັກຊ່ຽວຊານທັງຫລາຍທັງປວງເຫລົ່ານີ້ເວົ້າກ່ຽວກັບການແຂ່ງຂັນ, ຈົ່ງບອກເຂົາເຈົ້າໂລດ. ມັນຍັງບໍ່ທັນຈົບ ລົງເທື່ອເດີ້. ພວກເຮົາຫາກໍ່ເລີ້ມຕົ້ນຂຶ້ນ!"
ທ່ານນາງ ວໍເຣນ ກໍໃຫ້ສັນຍາວ່າຈະສືບຕໍ່ສູ້.
ທ່ານນາງວໍເຣນກ່າວດັ່ງນີ້:
"ການໂຄສະນາຫາສຽງຂອງພວກເຮົາແມ່ນຢູ່ໃນຕຳແໜ່ງທີ່ດີທີ່ສຸດໃນການເອົາຊະນະທ່ານ ດໍໂນລ ທຣຳໃນເດືອນພະຈິກ ເພາະວ່າພວກເຮົາສາມາດເຮັດໃຫ້ ພັກຂອງພວກເຮົາສາມັກຄີກັນໄດ້.”
ບັນດາພວກປ່ອນບັດຢູ່ໃນລັດນິວແຮມເຊີ ຫລາຍຄົນ ເວົ້າວ່າ ພວກເຂົາເຈົ້າ ຊອກຫາຜູ້ສະໝັກເລືອກຕັ້ງທີ່ເຂັ້ມແຂງທີ່ສຸດ ເພື່ອຈະເອົາຊະນະປະທານາທິບໍດີທຣຳໄດ້ໃນເດືອນພະຈິກນີ້.
ນາງ ທີນາ ອອລຊັນ (Tina Olson) ທີ່ສະໜັບສະໜຸນທ່ານເບີນີ ແຊນເດີສ໌ ເວົ້າວ່າ:
"ເອີ່, ຂ້ອຍປ່ອນບັດຕາມຄວາມຮູ້ສຶກຂອງຂ້ອຍ, ເຈົ້າຮູ້ບໍ່. ຂ້ອຍເຊື່ອໃນການເຮັດໃຫ້ມີການປິ່ນປົວຮັກສາສຸຂະພາບສຳລັບທຸກຄົນ (ການຮັກສາສຸຂະພາບຂອງລັດຖະບານ) ຫລາຍກວ່າສິ່ງໃດໝົດ. ພວກເຮົາເປັນປະເທດທີ່ມີການພັດທະນາແລ້ວປະເທດດຽວເທົ່ານັ້ນທີ່ບໍ່ມີອັນນີ້.”
ນາງ ລິສ-ແອນ ແພລດ (Liz-Anne Platt) ທີ່ປ່ອນເອົາທ່ານນາງ ໂຄລບູຈາບອກວ່າ:
"ແຕ່ວ່າ ເວົ້າແທ້ໆ ຜູ້ໃດກໍຕາມທີ່ຖືກແຕ່ງຕັ້ງໃຫ້ເປັນຜູ້ຕາງໜ້າພັກ, ຂ້ອຍໝາຍຄວາມວ່າ ຜູ້ໃດກໍຢ່າ ທີ່ໄດ້ຮັບການແຕ່ງຕັ້ງ ຂ້ອຍກໍຈະປ່ອນບັດເອົາເຂົາເຈົ້າໂລດ."
ທັງນັກທຸລະກິດ ແອນດຣູ ຢາງ (Andrew Yang) ແລະສະມາຊິກສະພາສູງຂອງລັດ ໂຄໂລຣາໂດ, ທ່ານ ໄມໂຄລ ເບັນເນັດ (Michael Bennet) ໄດ້ງົດການໂຄສະນາຫາສຽງຂອງຕົນໄວ້ ຫລັງຈາກເຫັນວ່າຕົນເອງບໍ່ເຫັນວ່າມີຄົນສະໜັບສະໜຸນຫລາຍຢູ່ໃນລັດນິວແຮມເຊີ.
ການແຂ່ງຂັນຂອງພັກເດໂມແຄຣັດທີ່ຍັງມີຄົນເຂົ້າຮ່ວມຢ່າງຄັບຄາໜາແໜ້ນຢູ່ນັ້ນ ດຽວນີ້ ໄດ້ເຄື່ອນໄປຫາລັດເນວາດາ ແລະຄາໂຣໄລນາໃຕ້ ເພື່ອເຂົ້າຮ່ວມການແຂ່ງຂັນໃນເວລາຕໍ່ໄປ ໃນເດືອນນີ້.
ເບິ່ງວີໂອເອກ່ຽວກັບລາຍງານນີ້ເປັນພາສາອັງກິດ
ອ່ານຂ່າວນີ້ເພີ້ມເປັນພາສາອັງກິດ
Vermont Senator Bernie Sanders claimed victory in the New Hampshire primary Tuesday, lifting him to front runner status for the Democratic Party's presidential nomination. Close behind in second place was former South Bend, Indiana, mayor Pete Buttigieg followed by Minnesota Senator Amy Klobuchar who surprised many with a strong third place showing, re-energizing her campaign. VOA National correspondent Jim Malone has more on the New Hampshire results from Washington.
Bernie Sanders rode strong support from progressive Democrats and younger voters to a top finish in New Hampshire.
Sen. Bernie Sanders, Democratic Candidate:
"Our campaign is not just about beating Trump. It is about transforming this country. It is about having the courage to take on Wall Street, the insurance companies, the drug companies, the fossil fuel industry and the military industrial complex."
Former mayor Pete Buttigieg was a close second place in New Hampshire after finishing first in delegates in Iowa last week.
Buttigieg vowed to bring Democrats together.
Pete Buttigieg, Democratic Candidate:
"We have been told by some that you are either for revolution or you are for the status quo. Most Americans don't see where they fit in in that polarized vision. And we can't defeat the most divisive president in modern American history by tearing down anybody who does not agree with us 100 percent of the time."
Perhaps the surprise of the night was the strong third place finish of Minnesota Senator Amy Klobuchar.
Klobuchar recharged her campaign with a late surge of support from moderate voters and a strong showing in last Friday's debate.
Sen. Amy Klobuchar, Democratic Candidate:
"Donald Trump's worst nightmare is that the people in the middle, the people who have had enough of the name-calling and the mudslinging, have someone to vote for in November!"
Klobuchar's top-three finish came at the expense of Massachusetts Senator Elizabeth Warren and former vice president Joe Biden.
Biden's fifth placing showing was a blow to his presidential hopes, though he vowed to fight on when he spoke to supporters in South Carolina.
Joe Biden, Democratic Candidate:
"So when you hear all these pundits and expert talkers talking about the race, tell them. It is not over yet man. We are just getting started!"
Warren also vowed to continue.
Sen. Elizabeth Warren, Democratic Candidate:
"Our campaign is best positioned to beat Donald Trump in November because we can unite our party."
Many New Hampshire voters said they were looking for the strongest candidate to take on President Trump in November.
Tina Olson supported Bernie Sanders.
Tina Olson, Sanders Voter:
"Yeah, I went with my heart, you know. I believe in Medicare for all (government health care) more than anything. We are the only developed country that doesn't have it."
Liz-Anne Platt voted for Amy Klobuchar.
Liz-Anne Platt, Klobuchar Voter:
"But to be honest, whoever gets the nomination, I mean, whoever gets the nomination, I will be voting for them."
Businessman Andrew Yang and Colorado Senator Michael Bennet both suspended their campaigns after poor showings in New Hampshire.
The still crowded Democratic race now moves on to Nevada and South Carolina for contests later this month.
