ລິ້ງ ສຳຫລັບເຂົ້າຫາ

logo-print

ພວມມີການ ຕິດຕາມເບິ່ງ ຢ່າງໃກ້ຊິດ ໄຂ້ຫວັດ ສັດປີກ ສາຍພັນໃໝ່ ທີ່ຮ້າຍແຮງ (ວີດີໂອ ພາສາລາວ/ອັງກິດ)


New, Fatal Bird Flu Strain Closely Monitored
please wait

No media source currently available

0:00 0:02:27 0:00
ລິງໂດຍກົງ

ເບິ່ງວີດີໂອກ່ຽວກັບ ໄຂ້ຫວັກສັດປີກ ສາຍພັນໃໝ່.

​ໃນຮອບ 10 ປີຜ່ານມານີ້ ​ມີເຊື້ອ​ພະຍາດໄຂ້ຫວັດ​ສັດ​ປີກ
ສາຍພັນນຶ່ງ ​ທີ່ຮ້າຍ​ແຮງເຖິງ​ຕາຍ ​ໄດ້ເອົາ​ຊີວິດຜູ້​ຄົນ​ໄປ
​ຫຼາຍ​ກວ່າ​ເຄິ່ງນຶ່ງ​ ຂອງ​ຈຳນວນ​ຄົນ​ທີ່​ຕິດ​ເຊື້ອ​ໄຂ້ຫວັດ​ສັດ​
ປີກ​ນັ້ນ. ບັດ​ນີ້ ​ມີ​ເຊື້ອໄຂ້ຫວັດ​ສັດ​ປີກສາຍ​ພັນໃໝ່ອີກ​ ທີ່
ກຳລັງແຜ່ອອກ​ໄປ ​ແລະ​ອາດ​ສາມາດ​ສັງຫານ​ຜູ້​ຄົນໄດ້
ຮອດ ​ປະມານ​ນຶ່ງ​ສ່ວນ​ສາມ​ ຂອງ​ຈຳນວນ​ຜູ້​ຄົນ​ທີ່​ຕິດ​ເຊື້ອ
​ໂຣກດັ່ງກ່າວ. ​ເວລາ​ໃດທີ່ມີ​ເຊື້ອ​ໄວຣັສ ທີ່​ຮ້າຍ​ແຮງ​ຂະ
ໜາດ​ນີ້ ກໍມັກ​ມີ​ຄວາມ​ຢ້ານ​ກົວ​ກັນ​ຂຶ້ນ​ມາ ວ່າ ເຊື້ອໂຣກ
ດັ່ງກ່າວ​ຈະ​ລະບາດ​ໄປ​ທົ່ວ​ໂລກ. Carol Pearson ຜູ້​ສື່​
ຂ່າວ​ວີ​ໂອ​ເອ ມີ​ລາຍງານ​ກ່ຽວ​ກັບ​ເລື້ອງ​ນີ້ ທີ່​ອາດ​ສາມາດ
ເຮັດ​ໃຫ້​ຄວາມ​ຢ້ານ​ກົວ​ດັ່ງກ່າວ​ນັ້ນ ຈາງ​ຫາຍ​ ໄປ​ໄດ້ ຊຶ່ງ​
ສິງ​ມີ​ລາຍ​ລະອຽດ ມາສະ​ເໜີ​ທ່ານ​ອັນ​ດັບ​ຕໍ່​ໄປ…


ເບິ່ງວີດີໂອ ພາສາລາວ ກ່ຽວກັບລາຍງານນີ້:


ເມື່ອ​ຫຼາຍ​ປີກ່ອນ​ນີ້ ​ຈະ​ເຫັນພາບ​ແບບ​ນີ້ຢູ່​ໃນ​ຫຼາຍໆ​ເຂດ​ຂອງ​ເອ​ເຊຍ ຄື​ພາບ​ພວກຜູ້ຊາຍ
ໃສ່​ຊຸດປ້ອງ​ກັນເຊື້ອ​ໂຣກພາກັນກຳຈັດ​ເຊື້ອ​ພະຍາດ​ຢູ່​ໃນ​ຟາ​ມລ້ຽງ​ໄກ່ແລະ​ທຳລາຍ​
ພວກ​ໄກ່​ ທີ່​ຕິດ​ເຊື້ອ​ໄຂ້ຫວັດ​ສັດ​ປີກ ​ທີ່​ຮ້າຍແຮງ​ເຖິງ​ຕາຍ. ​ເຊື້ອ​ໄວຣັສດັ່ງກ່າວສັງຫານ​
ພວກ​ສັດ​ປີກ ​ແຕ່​ບໍ່​ຄ່ອຍ​ແຜ່ລາມ​ໄປຕິດຜູ້​ຄົນ ​ແຕ່​ພວກ​ທີ່​ຕິດ​ເຊື້ອ​ພະຍາດ​ດັ່ງກ່າວ ກໍ​ມີ​
ທາງ​ວ່າຈະ​ເສຍ​ຊີວິດ​ໄປ​ ຫລາຍ​ກວ່າ​ຈະຫາຍ​ດີ.

​ເຊື້ອ​ໄວຣັສດັ່ງກ່າວ ​ແມ່ນ​ສາຍ​ພັນ H5N1 ຊຶ່ງ​ເວລາ​ນີ້ ກໍມີ​ຢາ​ວັກ​ຊິນ ສຳລັບ​ປ້ອງ​ກັນ​ພວກ​ສັດ​ປີກ​ໄວ້ ຈາກ​ເຊື້ອ​ໂຣກ​ນີ້​ແລ້ວ.

​ແຕ່​ບັດ​ນີ້ ​ມີ​ສາຍ​ພັນ​ໃໝ່​ໂຜ່​ໂຕ​ຂຶ້ນ​ມາ ​ທີ່​ກຳລັງ​ສ້າງຄວາມ​ແຕກ​ຕື່ນ​ຢ້ານ​ກົວກັນ. ສາຍ​ພັນ​ໃໝ່​ນີ້​ເອີ້ນ​ວ່າ H7N9. ສາຍ​ພັນ H7N9 ນີ້ ບໍ່ເຮັດ​ໃຫ້ພວກ​ສັດ​ປີກຕາຍ​ ແລະກໍ​ບໍ່​ເຮັດ​ໃຫ້​ມັນ​ປ່ວຍ​ດ້ວຍ​ຊໍ້າ. ​ແຕ່​ມັນສາມາດ​ເຮັດ​ໃຫ້​ຄົນ​ຕາຍ​ໄດ້ ຖ້າ​ຫາກ​ມັນ​ຕິດ​ແປດ​ໄປ​ໃສ່​ຄົນ.

ຄວາມ​ເປັນ​ຫ່ວງ​ອັນ​ນຶ່ງທີ່ຖືກ​ຍົກ​ຂຶ້ນ​ມາ​ເວົ້າ​ກັນ ກໍ​ແມ່ນ​ວ່າ ທຸກໆ​ເທື່ອ​ທີ່ມີ​ຄົນ​ຕິດ​ເຊື້ອ​ໄວ ຣັສ H7N9 ນີ້ ມັນເປັນ​ຮ່ອງຮອຍ​ບອກ​ວ່າ ​ໂລກ​ໃກ້​ຈະ​ປະສົບ​ກັບ​ການລະບາດຄັ້ງ​ໃຫຍ່ ຂອງເຊື້ອໂຣກດັ່ງກ່າວ​ ​ແຕ່ Dr. Anthony Fauci ຈາກ​ສະ​ຖາ​ບັນ​ສຸຂະພາບ​ແຫ່ງ​ຊາດ NIH ຂອງ​ສະຫະລັດ ​ເວົ້າວ່າ “ຄວາມ​ຄຶດ​ອັນ​ນັ້ນ​ບໍ່​ຖືກຕ້ອງ​.”

Dr. Anthony Fauci ​ເປັນ​ຫົວໜ້າ​ພະ​ແນ​ກພະຍາດ​ຕິດ​ຕໍ່​ທາງເຊື້ອ​ໂຣກ ທີ່ສະ​ຖາ
​ບັນ​ສຸຂະພາບ​ແຫ່ງ​ຊາດ NIH​.

Dr. Fauci ​ເວົ້າວ່າ “​ພວກເຊື້ອ​ໂຣກແມ່ນຈະ​ສືບ​ຕໍ່​ໂຜ່​ໂຕ​ຂຶ້ນ​ມາ​ແລ້ວ​ ຂຶ້ນ
ມາ​ອີກ​. ຄວາມ​ເປັນ​ຫ່ວງ​ກ່ຽວ​ກັບ​ເລື້ອງ​ນີ້ ກໍ​ແມ່ນ​ວ່າ ພວກ​ເຊື້ອ​ໄວຣັສ​
ເຫຼົ່າ​ນີ້ ​ໄດ້​ກະ​ໂດດ​ເຂົ້າ​ໃສ່​ມະນຸດ ​ແລະ​ໄດ້​ເປັນ​ອັນຕະລາຍ​ເຖິງ​ຕາຍ​.
​ແຕ່ຂ່າວ​ທີ່ພາ​ໃຫ້​ອຸ່ນໃຈແດ່​ນັ້ນ ກໍ​ແມ່ນ​ວ່າ ມັນ​ບໍ່​ໄດ້ ແຜ່​ລາມ​ອອກ​ໄປ​
ເລື້ອຍໆ​.


ທັງ​ນີ້ກໍ​ເນື່ອງ​ຈາກ​ວ່າ ອົງ​ປະກອບ​ທາງພັນທຸກໍາ ຫຼື gene ຂອງ​ສາຍ​ພັນ​ເຫຼົ່ານີ້ຂອງໄຂ້
ຫວັດ​ສັດ​ປີກ​ ​ເຮັດ​ໃຫ້ມັນຕິດ​ແປດ​ຈາກ​ຄົນ​ຜູ້​ນຶ່ງ​ໄປ​ຫາ​ອີກ​ຜູ້​ນຶ່ງ ​ໄດ້​ຍາກ. ນັບ​ຕັງ​ແຕ່​
ສາຍ​ພັນ H7N9 ​ໂຜ່​ໂຕ​ຂຶ້ນ​ມາ ​ເມື່ອ​ນຶ່ງ​ປີກ່ອນ​ນີ້ ມີ​ປະມານ 350 ຄົນ​ໄດ້​ຕິດ​ເຊື້ອ​ພະ
ຍາດດັ່ງ ກ່າວ. 35 ​ເປີ​ເຊັນ​ໃນ​ນັ້ນ ໄດ້​ເສຍ​ຊີວິດ​ໄປ ຊຶ່ງ​ສ່ວນ​ຫຼາຍແມ່ນ​ຍ້ອນໄດ້​ຈັບ
ບາຍ​ສັດ​ປີກ.

Dr. Anthony Fauci ກ່າວ​ວ່າ "​ເວລາ​ໃດທີ່​ເຮົາມີ​ໄຂ້ຫວັດທີ່​ຕິດ​ປ​ແດ​ໄກ່ ມັນ
ກໍ​ຈະມີ​ອັນຕະລາຍຢູ່​ເລື້ອຍໆ ​ທີ່ວ່າ​ພວກ​ໄກ່​ທີ່​ຢູ່ໃນ​ຄອກໃກ້​ໆກັນ​ນັ້ນ ຈະ
ແຜ່​ເຊື້ອ​ພະຍາດ​ຈາກ​ໂຕ​ນຶ່ງ​ໄປ​ຫາ​ອີກ​ໂຕ​ນຶ່ງ ​ແລະ​ບາງ​ຄັ້ງ​ບາງ​ຄາວ ກໍຈະ​
ມີ​ຄົນ​ທີ່​ມາ​ຢູ່​ໃກ້​ກັບ​ໄກ່. ສະ​ນັ້ນ ມັນກໍຈະ​ມີ​ການ​ຕິດ​ແປດ​ຂອງ​ເຊື້ອ​ໄວຣັສ
​ເຫຼົ່າ​ນີ້ ​ຈາກ​ໄກ່ໄປ​ຫາ​ຄົນ​ ຊຶ່ງບໍ່​ແມ່ນ​ເລື້ອງ​ໃໝ່​ເລີຍ.”


Dr. Fauci ກ່າວ​ວ່າ ​ເວລາ​ໃດ​ທີ່​ມີ​ເຊື້ອ​ໄວຣັສສາຍພັນ​ໃໝ່​ໂຜ່​ໂຕ​ຂຶ້ນ​ມາ ບັນດາເຈົ້າໜ້າ
ທີ່ສາທາລະນະ​ສຸກ ກໍຈະ​ຕ້ອງ​ໄດ້​ຈັບ​ຕາ​ເບິ່ງ​ຢ່າງ​ລະມັດລະວັງ. ສະຫະລັດ​ໄດ້​ພັດທະນາ​
ຢາ​ວັກ​ຊິນ ຫຼືຢາ​ປ້ອງ​ກັນ ​ໄຂ້ຫວັດ​ສັດ​ປີກ​ສາຍ​ພັນ H5N1 ຂຶ້ນ​ມາ​ແລ້ວ ​ແລະ​ເວລາ​ນີ້​ ກໍ
ກຳລັງ​ພະຍາຍາມ​ພັດທະນາ​ຢາ​ວັກ​ຊິນ​ ເພື່ອ​ປ້ອງ​ກັນ​ໄຂ້ຫວັດ​ສັດປີກສາຍພັນໃໝ່ນີ້ຢູ່
​ແຕ່​ທ່ານ​ບໍ່​ຄຶດ​ວ່າ ​ເຊື້ອ​ໄວຣັສ​ໄຂ້ຫວັດ​ວັດ​ປີກສາ​ຍພັນ​ໃໝ່ H7N9 ​ນີ້ ຈະເປັນ​ໄພ​ຂົ່ມຂູ່
​ ຫຼາຍໄປກວ່າສາຍ​ພັນ​ເກົ່າ H5N1 ທີ່ໄດ້​ລະບາດ​ຂຶ້ນມາໃນປີ 2003 ​ແລະຈົນ​ຮອດເວ
ລານີ້ ກໍ​ຍັງ​ບໍ່​ໄດ້​ແຜ່ຜາຍຈາກ​ຄົນ​ນຶ່ງ​ ໄປຕິດ​ແປດອີກ​ຄົນ​ນຶ່ງໄດ້ຢ່າງງ່າຍໆ​ເທື່ອ​.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG