ນາງພະຍາບານສະຫະລັດຄົນນຶ່ງ ທີ່ຖືກກັກບໍລິເວນຫຼືແຍກ
ໃຫ້ຢູ່ຢ່າງໂດດດ່ຽວ ຍ້ອນໄດ້ໄປປິ່ນປົວ ພວກທີ່ເຊື້ອອີໂບລາ
ນັ້ນ ໄດ້ຮັບອະນຸຍາດໃຫ້ປ່ອຍໂຕແລ້ວ ໃນຂະນະທີ່ສູນກາງ
ຄວບຄຸມແລະປ້ອງກັນພະຍາດຂອງສະຫະລັດ ໄດ້ອອກກົດ
ລະບຽບໃໝ່ ສຳລັບພວກເຈົ້າໜ້າທີ່ການແພດ ທີ່ກັບຄືນມາ
ແຕ່ອາຟຣິກາ.
ໃນວັນຈັນວານນີ້ ສູນກາງຄວບຄຸມແລະປ້ອງກັນພະຍາດ ຫລື
CDC ໄດ້ຮຽກ ຮ້ອງໃຫ້ບັນດາເຈົ້າໜ້າທີ່ການແພດທີ່ມີຄວາມ
ສ່ຽງສູງຕໍ່ການຕິດແປດ ໃຫ້ພາກັນກັກຕົນເອງຢູ່ທີ່ບ້ານເຮືອນ.
ເຖິງຢ່າງໃດກໍດີອົງການດັ່ງກ່າວເວົ້າວ່າ ບັນດາພະນັກງານແພດ
ສ່ວນໃຫຍ່ ທີ່ເດີນທາງກັບຄືນ ມາຈາກອາຟຣິກາຕາເວັນຕົກ ບໍ່ມີຄວາມຈໍາ ທີ່ຈະຕ້ອງກັກ ບໍລິເວນຕົນເອງ ແລະສາມາດຕິດຕາມເບິ່ງ ໂດຍພວກເຈົ້າໜ້າທີ່ສະຫະລັດ.
ໄພຂົ່ມຂູ່ ຂອງ ອີໂບລາ ຢູ່ ສຫລ
ກົດລະບຽບໃໝ່ ມີຂື້ນ ໃນຂະນະທີ່ຜູ້ປົກຄອງລັດ New Jersey ທ່ານ Chris Christie
ໄດ້ປະກາດວ່າ ນາງພະຍາບານຄົນນຶ່ງທີ່ຖືກກັກບໍລິເວນໂດຍເຈົ້າໜ້າທີ່ລັດນັ້ນ ສາມາດ
ກັກໂຕນາງເອງ ຢູ່ທີ່ບ້ານເຮືອນຂອງນາງ.
ທ່ານ Christie ກ່າວຢູ່ໃນ Twitter ໃນວັນຈັນວານນີ້ວ່າ ນາງພະຍາບານ Kaci Hickox
ບໍ່ມີອາການໃດໆໃນການຕິດເຊື້ອອີໂບລາ ແລະຄວນກັກໂຕນາງເອງ ຢູ່ເຮືອນຈົນຄົບ 21
ມື້ ຕາມທີ່ໄດ້ກຳນົດໄວ້.
ນາງ Hickox ໄດ້ກັບຄືນມາ ຈາກການໄປປິ່ນປົວ ພວກທີ່ຕິດເຊື້ອອີໂບລາ ໃນອາຟຣິກາ
ຕາເວັນຕົກເມື່ອວັນສຸກຜ່ານມານີ້. ນາງ ໄດ້ເປັນຄົນທຳອິດ ທີ່ຖືກກັກ ບໍລິເວນ ພາຍໃຕ້
ນະໂຍບາຍໃໝ່ ຂອງລັດ New Jersey ທີ່ບັງຄັບໃຫ້ບັນດາ ພະນັກງານການແພດທີ່ກັບ
ຄືນມາຈາກອາຟຣິກາຕາເວັນຕົກນັ້ນ ຖືກກັກບໍລິເວນ ເປັນເວລາ 21 ມື້ ໃນເວລາທີ່ເຂົາ
ເຈົ້າເດີນທາງມາເຖິງ. ນາງ Hickox ຜູ້ທີ່ຖືກກວດວ່າ ບໍ່ໄດ້ຕິດເຊື້ອໄວຣັສອີໂບລານັ້ນໄດ້
ຂົ່ມຂູ່ທີ່ຈະທ້າທາຍການກັກໂຕນາງ ໂດຍການຟ້ອງຮ້ອງ.
ຜູ້ປົກຄອງລັດ ທ່ານ Andrew Cuomo ໄດ້ປະກາດນະໂຍບາຍທີ່ຄ້າຍຄືກັນ ຢູ່ທີ່ລັດ
New York ໃນວັນສຸກທີ່ຜ່ານມາ ແຕ່ໄດ້ປ່ຽນນະໂຍບາຍດັ່ງກ່າວໃນວັນອາທິດ ໂດຍ
ກ່າວວ່າ ເຈົ້າໜ້າທີ່ການແພດ ຜູ້ທີ່ບໍ່ສະແດງໃຫ້ເຫັນຮ່ອງຮອຍ ຂອງການຕິດເຊື້ອໄວ
ຣັສ ຈະໄດ້ຮັບອະນຸຍາດໃຫ້ກັກໂຕເຂົາເຈົ້າຢູ່ທີ່ບ້ານເຮືອນ.
ລັດຖະບານປະທານາທິບໍດີ Obama ແລະບັນດາຜູ້ຊ່ຽວຊານດ້ານການແພດໄດ້ ຕິຕຽນ
ນະໂຍບາຍກັກບໍລິເວນຂອງລັດ New York ແລະ New Jersey ວ່າ ຮ້າຍແຮງເກີນ
ຂອບເຂດ.
