ລິ້ງ ສຳຫລັບເຂົ້າຫາ

logo-print

ບົດລາຍງານໃໝ່ ເຜີຍແບ ລາຍລະອຽດ ຂອງໂຄງການ ທີ່ເຄີຍປິດລັບເມື່ອກ່ອນ


ລັດຖະບານ ທ່ານໂອບາມາ ກ່າວວ່າ ພົນລະເຮືອນ ຫຼາຍກວ່າ 116 ຄົນໄດ້ຖືກ ຂ້າຕາຍ ໃນການໂຈມຕີ ດ້ວຍເຮືອບິນບໍ່ມີຄົນຂັບ ຂອງສະຫະລັດ ໃນລະຫວ່າງ ການປະຕິບັດການຕໍ່ຕ້ານການກໍ່ການຮ້າຍ ຢູ່ໃນປະເທດຕ່າງໆ ເຊັ່ນ ລີເບຍ ເຢເມັນ ໂຊມາເລຍ ແລະ ປາກິສຖານ. ໃນວັນສຸກຜ່ານມາ ທຳນຽບຂາວ ໄດ້ ເປີດເຜີຍ ລາຍລະອຽດຕ່າງໆ ກ່ຽວກັບ ໂຄງການນຶ່ງ ທີ່ເຄີຍປິດລັບມາໃນເມື່ອ ກ່ອນ ແລະ ແຜນການອັນນຶ່ງ ທີ່ທາງການກ່າວວ່າ ຈະເຮັດໃຫ້ການປະຕິບັດ ການເຊັ່ນນັ້ນ ມີຄວາມໂປ່ງໃສ ຂຶ້ນຕື່ມ. ຜູ້ສື່ຂ່າວ ວີໂອເອ ປະຈຳທຳນຽບຂາວ Mary Alice Salinas ມີລາຍລະອຽດຕື່ມ ຊຶ່ງໄຊຈະເລີນສຸກ ຈະນຳມາ ສະເໜີທ່ານ.

ຄືກັບອັນຢູ່ໃນປະເທດເຢເມັນນີ້ ການໂຈມຕີດ້ວຍເຮືອບິນໂດຣນ ແມ່ນໄດ້ ສັງຫານພົນລະເຮືອນ 64 ຫາ 116 ຄົນ ໃນລະຫວ່າງ ປີ 2009 ຫາ 2015” ອີງຕາມ ບົດລາຍງານ ທີ່ໄດ້ຖືກເປີດເຜີຍ ໂດຍ ທຳນຽບຂາວ ທີ່ໄດ້ຄອຍຖ້າມາ ເປັນເວລາດົນນານ.

ໂຄສົກທຳນຽບຂາວ ທ່ານ Josh Earnest ກ່າວວ່າ “ປະທານາທິບໍດີ ເຊື່ອວ່າ ຍຸດທະສາດ ຕໍ່ຕ້ານການກໍ່ການຮ້າຍ ຂອງພວກເຮົາ ແມ່ນມີປະສິດທິພາບ ຫຼາຍຂຶ້ນ ແລະ ມີຄວາມເຊື່ອຖືໄດ້ຫຼາຍຂຶ້ນ ໃນເວລາ ທີ່ພວກເຮົາ ກຳລັງ ເຮັດໃຫ້ໂປ່ງໃສຢູ່ ຫຼາຍທີ່ສຸດເທົ່າທີ່ຈະເປັນໄປໄດ້.”

ອີງຕາມ ຜູ້ອຳນວຍການ ອົງການສືບລັບແຫ່ງຊາດ ແມ່ນວ່າ ໄດ້ມີການໂຈມຕີ 500 ຄັ້ງ ຢູ່ໃນປາກິສຖານ ໂຊມາເລຍ ເຢເມັນ ແລະ ລີເບຍ.

ບົດລາຍງານນັ້ນ ບໍ່ໄດ້ລວມເອົາການໂຈມຕີຫຼາຍບັ້ນ ຢູ່ໃນ “ຫຼາຍໆເຂດທີ່ມີ ບັນຫາຂັດແຍ້ງກັນຢູ່” ເຊັ່ນວ່າ ອີຣັກ ຫຼື ຊີເຣຍ ເປັນຕົ້ນ.

ນັບຕັ້ງແຕ່ທ່ານໂອບາມາ ໄດ້ເຂົ້າຮັບໜ້າທີ່ເປັນຕົ້ນມາ ໂຄງການທີ່ຄັ້ງນຶ່ງ ເຄີຍ ເປັນຄວາມລັບ ໄດ້ໂຜ່ໂຕອອກມາໃຫ້ຮູ້ກັນວ່າ ເປັນເຄື່ອງມືທີ່ມີອານຸພາບທີ່ສຸດ ໃນການຕໍ່ຕ້ານພວກກໍ່ການຮ້າຍ.

ສະນັ້ນ ທ່ານໂອບາມາ ຈຶ່ງໄດ້ອອກຄຳສັ່ງດ້ານບໍລິຫານ ໂດຍແນເປົ້າໝາຍໃສ່ ເພື່ອໃຫ້ມີຜູ້ເສຍຊີວິດໜ້ອຍທີ່ສຸດ ແລະ ເພີ້ມຄວາມໂປ່ງໃສຫຼາຍຂຶ້ນ.

ທ່ານ Josh Earnest ກ່າວວ່າ “ປະທະນາທິບໍດີ ເຊື່ອວ່າ ມັນມີຄວາມສຳຄັນ ທີ່ຈະຕ້ອງໃຫ້ມີແບບແຜນ ທີ່ສະທ້ອນເຖິງ ປະເພດຂອງການປະຕິຮູບ ທີ່ລັດ ຖະບານຂອງທ່ານ ໄດ້ຈັດຕັ້ງປະຕິບັດ ເພື່ອຮັບປະກັນວ່າ ຂັ້ນຕອນທີ່ຖືກ ຕ້ອງທັງຫຼາຍແມ່ນຖືກປະຕິບັດ ເພື່ອຫລີກລ່ຽງການສູນເສຍຊີວິດ ຂອງພົນ ລະເຮືອນ ແລະ ເພື່ອຮັບປະກັນວ່າ ການປະຕິບັດການຕ່າງໆ ທີ່ໄດ້ຖືກດຳ ເນີນໄປນັ້ນ ແມ່ນສອດຄ່ອງກັບເປົ້າໝາຍຂອງຄວາມໝັ້ນຄົງແຫ່ງຊາດຂອງ ພວກເຮົາ.”

ແຕ່ກຸ່ມປົກປ້ອງສິດທິມະນຸດຕ່າງໆ ໄດ້ລາຍງານວ່າ ຈຳນວນການເສຍຊີວິດ ຂອງພົນລະເຮືອນ ແມ່ນມີສູງຂຶ້ນກວ່ານັ້ນ.

ແລະພວກເຂົາເຈົ້າກ່າວວ່າ ມີ ຄຳຖາມຫຼາຍເກີນໄປ ທີ່ຍັງບໍ່ທັນມີຄຳຕອບເທື່ອ.

ທ່ານນາງ Rita Siemion ຈາກກຸ່ມ Human Rights First ກ່າວວ່າ “ຄວາມ ຫຍຸ້ງຍາກກໍແມ່ນວ່າ ກົດລະບຽບຕ່າງໆ ແມ່ນແຕກຕ່າງກັນ ເວລາທ່ານໃຊ້ ກຳລັງໃນສົງຄາມ ຫຼື ຢູ່ນອກສົງຄາມ ແລະ ຄວາມພະຍາຍາມ ໃນການຕໍ່ ຕ້ານການກໍ່ຮ້າຍ ແທ້ຈິງແລ້ວ ແມ່ນເຮັດໃຫ້ມັນຍາກ ທີ່ຈະໄຕ່ຕອງວ່າ ກົດ ລະບຽບຊຸດໃດ ທີ່ຈະນຳມາໃຊ້ ແລະ ມາດຕະຖານແມ່ນແຕກຕ່າງກັນຫຼາຍ. ມັນແຕກຕ່າງກັນ ລະຫວ່າງການໃຊ້ກຳລັງທີ່ຮ້າຍແຮງຕໍ່ບຸກຄົນໃດນຶ່ງ ຜູ້ທີ່ ເປັນນັກລົບໃຫ້ເປັນຂັ້ນທຳອິດ ແທນທີ່ຈະໃຊ້ ກຳລັງຮ້າຍແຮງ ຂັ້ນເປັນຕາຍ ຍ້ອນເຫັນວ່າບໍ່ມີອັນອື່ນດີກວ່າ.”

ບັນດານັກຊ່ຽວຊານ ກ່າວວ່າ ເບິ່ງຊົງ ຫົນທາງທີ່ດີທີ່ສຸດ ເພື່ອກ້າວໄປຂ້າງໜ້າ ຄືຈະແມ່ນຍັງມືດມົວຢູ່ໄປອີກໃນຊ່ວງເວລານຶ່ງ.

ທ່ານ John Hannah ຈາກມູນນິທິ ປ້ອງກັນປະຊາທິປະໄຕ ກ່າວວ່າ “ຂ້າ ພະເຈົ້າຄິດວ່າ ແທ້ຈິງແລ້ວ ຈະຕ້ອງໃຫ້ມີການສົນທະນາກັນ ທີ່ຈຳເປັນນີ້ ລະຫວ່າງ ສະຫະລັດ ກັບ ລັດຖະສະພາ ແລະ ປະຊາຊົນອາເມຣິກັນ ແລະ ບັນດາພັນທະມິດຂອງພວກເຮົາ ກ່ຽວກັບວ່າ ພວກເຮົາຈະເຮັດແນວໃດ ເພື່ອໃຫ້ດີຂຶ້ນ ແລະ ຮັບປະກັນວ່າ ພວກເຮົາຈະເຮັດທຸກສິ່ງທຸກຢ່າງທີ່ເປັນ ໄປໄດ້ ແລະ ສ້າງຕັ້ງ ສະຖາບັນຕ່າງໆ ທີ່ຈຳເປັນ ແລະ ພິທັກຮັກສາໄວ້ ເພື່ອຫາຄວາມສົມດຸນອັນຖືກຕ້ອງ ທີ່ຮັບປະກັນ ຄວາມປອດໄພ ໃຫ້ແກ່ ຊາວອາເມຣິກັນ.”

ທຳນຽບຂາວ ກ່າວວ່າ ສະຫະລັດ ຕ້ອງປົກປ້ອງຂໍ້ມູນທີ່ລະອຽດອ່ອນ........ ເຖິງແມ່ນວ່າ ມັນຈະພະຍາຍາມ ທີ່ຈະເຜີຍແບຫຼາຍຂຶ້ນ ກ່ຽວກັບອາວຸດ ທີ່ ສຳຄັນ ໃນການຕໍ່ຕ້ານການກໍ່ການຮ້າຍກໍຕາມ.

The Obama administration says up to 116 civilians have been killed in U.S. drone strikes during counter-terrorism operations in Libya, Yemen, Somalia and Pakistan.The White House revealed details about the once-secret program on Friday and a plan officials say will make such operations more transparent.VOA White House correspondent Mary Alice Salinas has more.

Drone strikes, like this one in Yemen, inadvertently killed 64 to 116 civilians between 2009 to 2015, the White House revealed in the long-awaited report.

JOSH EARNEST, WHITE HOUSE SPOKESMAN
"The president believes that our counter-terrorism strategy is more effective and has more credibility when we're as transparent as possible."

Some 500 strikes were carried out in Pakistan, Somalia, Yemen and Libya, according to the Director for National Intelligence.

The report did not include strikes in "active conflict zones," such as Iraq or Syria.

Since Obama took office, the once-secret drone program….…has emerged as a powerful tool against terrorists.

So Obama issued an executive order aimed at minimizing casualties and increasing transparency.

JOSH EARNEST, WHITE HOUSE SPOKESMAN
"The president believes it is important to put an architecture in place that reflects the kinds of reforms that his administration has implemented so ensure that proper steps are taken to avoid civilian casualties and to ensure that the operations that are undertaken are consistent with our national security goals."

But human rights groups put the civilian death toll much higher.

And they say, there are still far too many unanswered questions.

RITA SIEMION, HUMAN RIGHTS FIRST
"The difficulty is that the rules are different if you are using force in a war or outside of a war and counterterrorism efforts really make it difficult to determine which set of rules are to be applied and the standards are very different. It's a difference between using lethal force against someone who is a combatant as a first resort vs. using lethal force as a last resort."

Experts say the best way forward will likely remain murky for sometime.

JOHN HANNAH, FOUNDATION OF DEFENSE OF DEMOCRACIES
"I think there really needs to have this necessary conversation between the United States, and the congress, and the American people and our allies about how we do this and how we can do better and ensure that we are doing everything possible and creating all of the necessary institutions and safeguards to find the right balance that ensures American security."

The White House says the U.S. must protect sensitive information…even as it tries to reveal more about a key weapon against terror.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG