ຣັດເຊຍກ່າວວ່າ ກຳລັງຂອງຕົນກັບຂອງຣັດຖະບານຊີເຣຍ ທ່ານ Bashar al-Assad ໄດ້ຢຸດເຊົາຖິ້ມລະເບີດໃສ່ເມືອງອາເລັບໂປທາງພາກເໜືອຂອງຊີເຣຍ ກ່ອນໜ້າ “ການຊ່ອຍເຫຼືອດ້ານມະນຸດສະທຳ” ທີ່ວາງແຜນໄວ້ສຳລັບ ວັນພະຫັດມື້ຮື.
ຣມຕ ປ້ອງກັນປະເທດ ຣັດເຊຍ ທ່ານ Sergei Shoigu ໄດ້ອອກຄຳປະກາດດັ່ງກ່າວ
ທາງໂທຣະພາບໃນວັນອັງຄານມື້ນີ້ວ່າການຍຸຕິຖິ້ມລະເບີດທາງອາກາດດັ່ງກ່າວຈະມີ
ຜົນບັງຄັບ ໃຊ້ເວລາ 10 ໂມງເຊົ້າຕາມເວລາທ້ອງຖິ່ນ.
ການຍຸຕິໃນວັນພະຫັດໃນການສູ້ຮົບແມ່ນເຮັດຂຶ້ນ ເພື່ອປ່ອຍໃຫ້ພົນລະເຮືອນ ໄດ້ໜີ
ອອກໄປຈາກເຂດສູ້ຮົບກັນ ລວມທັງພວກທີ່ເຈັບເປັນ ຫຼືບາດເຈັບ ຕະຫຼອດທັງພວກ
ກະບົດ ຜູ້ທີ່ ຢາກອອກໜີໄປນັ້ນນຳ. ພົນໂທ ຣັດເຊຍ Shoigu ກ່າວວ່າ ມີຫົນທາງ ສອງເສັ້ນ ທີ່ ຜູ້ຄົນຈະອອກໄປຈາກອາເລັບໂປໄດ້ ແລະການໂຈະການສູ້ຮົບທີ່ວ່ານີ້ ຈະມີຜົນບັງຄັບໃຊ້ ຕັ້ງແຕ່ 8 ໂມງ ຫາ 16 ໂມງ.
ທັງ ສະຫະລັດແລະ ຢູໂຣບບາງປະເທດ ຕ່າງກໍກ່າວຫາມົສກູແລະຊີເຣຍວ່າ ສ້າງ
ຄວາມໂຫດຮ້າຍ ທາລຸນໃສ່ເມືອງອາລັບໂປ ແຕ່ພວກເຈົ້າໜ້າທີ່ຣັດເຊຍປະຕິເສດ
ບໍ່ຍອມຮັບ.
ທ່ານ ມາກ ໂທເນີ ໂຄສົກ ກຊ ຕ່າງປະເທດ ສຫຣ ໄດ້ກ່າວໃນວັນຈັນວານນີວ່າເມືອງ
ດັ່ງກ່າວ ໄດ້ກາຍເປັນບ່ອນທຳສົງຄາມຖິ້ມລະເບີດໃສ່ ທັງການຖິ້ມລົງມາທາງອາກາດ ຊຶ່ງພຽງເຫັນໄດ້ແຕ່ວ່າເປັນຄວາມພະຍາຍາມຂັບໄລ່ພວກຕໍ່ຕ້ານແລະພົນລະເມືອງ
ອອກໄປຈາກ ເມືອງດັ່ງກ່າວເທົ່ານັ້ນ.
ທ່ານ ໂທເນີກ່າວວ່າ “ຖ້າມີການຢຸດຖິ້ມລະເບີດ 8 ຊົ່ວໂມງຢູ່ໃນບ່ອນທີ່ຜູ້ຄົນໄດ້ ຮັບ ຄວາມ ທໍຣະມານ ນັ້ນແທ້ໆ ມັນກໍຈະເປັນການດີ. ແຕ່ເວົ້າແທ້ແລ້ວ ມັນກໍຢາກຊ້າໄປ ແດ່ແລ້ວ ຈັກນ່ອຍ.”
ທ່ານ ມາກ ໂທເນີ ໂຄສົກ ກຊ ຕ່າງປະເທດ ສຫຣ ໄດ້ກ່າວໃນວັນຈັນວານນີວ່າ ເມືອງ ດັ່ງກ່າວ ໄດ້ກາຍເປັນບ່ອນທຳສົງຄາມຖິ້ມລະເບີດໃສ່ ທັງການຖິ້ມລົງມາ ທາງ ອາກາດ ຊຶ່ງພຽງເຫັນໄດ້ແຕ່ວ່າເປັນຄວາມພະຍາຍາມຂັບໄລ່ພວກຕໍ່ຕ້ານແລະພົນລະເມືອງ ອອກໄປຈາກ ເມືອງ ດັ່ງກ່າວເທົ່ານັ້ນ.
ທ່ານ ໂທເນີກ່າວວ່າ “ຖ້າມີການຢຸດຖິ້ມລະເບີດ 8 ຊົ່ວໂມງຢູ່ໃນບ່ອນທີ່ຜູ້ຄົນໄດ້ຮັບ ຄວາມ ທໍຣະມານ ນັ້ນແທ້ໆ ມັນກໍຈະເປັນການດີ. ແຕ່ເວົ້າແທ້ແລ້ວ ມັນກໍຢາກ ຊ້າໄປ ແດ່ແລ້ວ ຈັກນ່ອຍ.”
ອ່ານຂ່າວນີ້ເພີ້ມຕື່ມເປັນພາສາອັງກິດ
ເຊີນຊົມ: ຊາວຊິເຣຍ ກ່າວເຖິງກຸ່ມລັດອິສລາມ ຫຼັງຈາກທີ່ໜີອອກຈາກເມືອງ ທີ່ກຸ່ມຫົວຮຸນແຮງຍຶດ
