ລິ້ງ ສຳຫລັບເຂົ້າຫາ

ວັນອັງຄານ, 05 ກໍລະກົດ 2022

ທ່ານ Netanyahu ກ່າວວ່າ ການຮື້ຟື້ນ ການເຈລະຈາ ສັນຕິພາບ ແມ່ນສໍາຄັນທີ່ສຸດ (ວີດິໂອ)


ນາຍົກ ລມຕ ອິສຣາແອລ ທ່ານ Benjamin Netanyahu (ຍົກມື) ກ່າວຢູ່ໃນກອງປະຊຸມ ຄະນະລັດຖະບານ, ວັນທີ 21 ກໍລະກົດ 2013.
ທ່ານ Benjamin Netanyahu ນາຍົກລັດຖະມົນຕີອິສຣາ​ແອ​ລ
​ເວົ້າວ່າ ການ​ເຈລະຈາ​ກັນຄືນ​ໃໝ່​ກັນ​ປາ​ແລສ​ຕາຍ​ນ໌ນັ້ນ ​ແມ່ນ
​ມີ​ຜົນ​ປະ​ໂຫຍ​ດດ້ານ​ຍຸ​ທະ​ສາດ​ທີ່​ສໍາຄັນ​ທີ່​ສຸດ​ ຕໍ່​ອິສຣາ​ແອ​ລ.

​ໃນ​ຖະ​ແຫຼງການ​ສະບັບ​ນຶ່ງອອກ​ເມື່ອ​ຕອນ​ແລງ​ວັນ​ເສົາ​ວານ​ນີ້
ທ່ານ​ນາ​ຍົກ ລັດຖະມົນຕີ ​ເວົ້າ​ວ່າ ການ​ເຈລະຈາ​ບໍ່​ພຽງແຕ່​ສໍາ
ຄັນຕໍ່​ການ​ຍຸຕິ​ຂໍ້​ຂັດ​ແຍັງ​ກັນ​ລະຫວ່າງ​ອິສຣາ​ແອ​ລກັບ​ປາ​ແລສ​
ຕາຍ​ນ໌​ເທົ່າ​ນັ້ນ ​ແຕ່​ມັນ​ຍັງ​ສໍາຄັນ​ຍ້ອນ​ສິ່ງ​ທ້າ​ທາຍ​ຕ່າງໆ​ທີ່​ອິສ
ຣາແອ​ລກໍາລັງປະ​ເຊີນ​ຢູ່ ຈາກ​ອິຣ່ານແລະ​ຊີ​ເຣຍນັ້ນ​ນໍາ.

ຄໍາ​ເຫັນ​ຂອງ​ທ່ານ​ເນ​ຕັນ​ຢາ​ຮູ​ ໄດ້​ມີ​ຂຶ້ນລຸນຫຼັງທີ່​ອິສຣາ​ແອ​ລ​ໄດ້​
ປະກາດ​ອອກ​ມາວ່າ ຕົນຈະປ່ອຍ​ຕົວ​ພວກ​ນັກ​ໂທດ​ຊາວ​ປາ​ແລສ
​ຕາຍ​ນ໌ ​ຈໍານວນ​ຈໍາ​ກັດ​ຈຸນຶ່ງ ​ເພື່ອ​ເປັນ​ທ່າ​ທີສະ​ແດງ​ເຖິງເຈດ​ຕະ
ນາ​ດີ. ທ່ານ Yuval Steinitz ລັດຖະມົນຕີໃນ​ຄະນະ​ລັດຖະ
ບານອິສຣາແອ​ລ ​ໄດ້​ປະກາດເລຶ່ອງນີ້ ​ເມື່ອ​ວັນ​ເສົາ​ວານ​ນີ້ ​ແຕ່ບໍ່
​ໄດ້​ໃຫ້ລາຍ​ລະອຽດ​ທີ່​ສະ​ເພາະ​ແຕ່​ຢ່າງ​ໃດ ກ່ຽວ​ກັບຈໍານວນນັກ
​ໂທດທີ່​ຈະ​ປ່ອຍ​ ຫຼືຊື່​ສຽງ​ລຽງ​ນາມ.

ແລງ​ວັນ​ສຸກ​ຜ່ານ​ມາ ທ່ານ John Kerry ລັດຖະມົນຕີ​ຕ່າງປະ​ເທດ​
ສະຫະລັດ ​ໄດ້ປະກາດ​ແຜນການຮື້​ຟື້ນ​ການ​ເຈລະຈາ​ຄືນ​ໃໝ່ ຫຼັງ
ຈາກ​ການ​ພົບ​ປະ​ກັບ​ທ່ານ Mahmoud Abbas ປະທານາ​ທິບໍດີ​ປາ​
ແລສຕາຍ​ນ໌ ຊຶ່ງ​ທ່ານ ແຄ​ຣີ ​ເວົ້າ​ວ່າ ຍັງກໍາລັງ​ມີ​ການ​ຮ່າງ​ລະອຽດ​ຂອງ​ເລຶ່ອງນີ້​ຢູ່ ​ແລະ​ວ່າ ຖ້າ​ທຸກ​ສິ່ງ​ທຸກ​ຢ່າງ​ດໍາ​ເນີນ​ໄປ​ດ້ວຍ​ດີ​ ທັງເຈົ້າໜ້າ​ທີ່​ອິສຣາ​ແອ​ລ​ແລະ​ປາ​ແລສ​ຕາຍ​ນ໌ກໍຈະ
​ເດີນທາງ​ໄປ​ຍັງ​ວໍ​ຊິງ​ຕັນ ​ເພື່ອ​ເລີ່​ມການ​ເຈລະຈາ​ກັນພາຍໃນ​ອາທິດ​ ສອງ​ອາທິດ​ນີ້.

ວີດິໂອ: ປະທານາທິບໍດີອິສຣາແອລ ທ່ານ Simon Peres ວ່າ ຄວາມພະຍາຍາມຂອງທ່ານແຄຣີ ປະສົບກັບຄວາມກ້າວໜ້າ:

Israeli President: Kerry Making Progress on Resuming Mideast Peace Talks
please wait

No media source currently available

0:00 0:03:01 0:00
ລິງໂດຍກົງ

ທ່ານອາດຈະມັກເລື້ອງນີ້ຄືກັນ

XS
SM
MD
LG