ນາຍົກລັດຖະມົນຕີ Benjamin Netanyahu ແຫ່ງອິສຣາແອລ
ກ່າວໃນວັນພຸດມື້ນີ້ວ່າ ທ່ານຕັ້ງໃຈທີ່ຈະພະຍາຍາມຈັດຕັ້ງລັດຖະ
ບານຂຶ້ນໃນ ອີກສອງຫຼືສາມອາທິດຕໍ່ໜ້ານີ້ ຊຶ່ງຈະອຳນວຍໃຫ້
ທ່ານໄດ້ເປັນນາຍົກລັດຖະມົນຕີສະໄໝທີສີ່ ຫຼັງຈາກພັກ Likud
ນິຍົມແນວທາງເດີມຂອງທ່ານຊະນະການເລືອກຕັ້ງລັດຖະສະພາ
ຂອງອິສຣາແອລນັ້ນ.
ຫຼັງຈາກມີການນັບບັດຄະແນນສຽງເລືອກຕັ້ງເກືອບໝົດແລ້ວ ພັກ
Likud ໄດ້ຮັບບ່ອນນັ່ງ 30 ບ່ອນ ຊະນະຄູ່ແຂ່ງຂັນຈາກພັກ Zio
nist Union ທີ່ໄດ້ຮັບບ່ອນນັ່ງ 24 ບ່ອນນັ້ນ.
ທ່ານ Netanyahu ຈະສ້າງຕັ້ງ ລັດຖະບານ
ຖະແຫຼງການສະບັບນຶ່ງຈາກຫ້ອງການທ່ານເນທັນຢາຮູ ກ່າວວ່າທ່ານ ເນທັນຢາຮູໄດ້ຕິດ
ຕໍ່ກັບພວກພັກນ້ອຍໆຕ່າງໆແລ້ວ ເພື່ອປະກອບຄະນະລັດຖະບານປະສົມຂຶ້ນ ທີ່ຕ້ອງການບ່ອນນັ່ງທັງໝົດ61 ບ່ອນນັ່ງ ເພື່ອຈະປົກຄອງປະເທດໄດ້. ພັກນຶ່ງທີ່ສຳຄັນ ກໍຈະແມ່ນພັກ Kulanu ນິຍົມແນວທາງປານກາງ ຊຶ່ງໄດ້ຮັບບ່ອນນັ່ງ 10 ບ່ອນ ໃນການປ່ອນບັດເລືອກ
ຕັ້ງໃນວັນອັງຄານວານນີ້.
ທ່ານເນທັນຢາຮູ ກ່າວວ່າ “ ພົນລະເມືອງຂອງອິສຣາແອລຄາດຫວັງໄວ້ໃຫ້ພວກເຮົາຈັດຕັ້ງຜູ້ນຳພາປະເທດຂຶ້ນຢ່າງໄວ ທີ່ຈະດຳເນີນງານ ສຳລັບເຂົາເຈົ້າ ກ່ຽວກັບຄວາມປອດໄພ ເສດຖະກິດ ແລະສັງຄົມ ດັ່ງ ທີ່ພວກເຮົາໄດ້ໃຫ້ຄຳໝັ້ນໝາຍໄວ້ນັ້ນ ແລະພວກເຮົາກໍຈະດຳເນີນການເຊັ່ນນັ້ນ.”
ທ່ານ Isaac Herzog ຫົວໜ້າພັກ Zionist Union ໄດ້ຍອມຮັບເອົາ ການປາໄຊໃນການເລືອກຕັ້ງແລ້ວ ແລະກ່າວວ່າ ທ່ານໄດ້ກ່າວຊົມເຊີຍທ່ານເນທັນຢາຮູທາງໂທລະສັບ. ທ່ານ Herzog ກໍໄດ້ກ່າວຕໍ່ບັນດານັກຂ່າວເຊັ່ນກັນວ່າ ພັກຂອງທ່ານຈະສືບຕໍ່ດຳເນີນງານເພື່ອປະຊາຊົນອິສຣາແອລ ໃນຖານະເປັນສະມາຊິກຝ່າຍຄ້ານ.
